{"id":112021,"date":"2019-05-27T15:47:56","date_gmt":"2019-05-27T13:47:56","guid":{"rendered":"https:\/\/novanews.co.za\/rooirose\/?p=112021"},"modified":"2019-05-27T15:47:56","modified_gmt":"2019-05-27T13:47:56","slug":"margaret-se-wereld-vlugvoosheid-en-die-rooi-tapyt","status":"publish","type":"post","link":"https:\/\/novanews.co.za\/rooirose\/margaret-se-wereld-vlugvoosheid-en-die-rooi-tapyt\/","title":{"rendered":"Margaret se W\u00eareld: Vlugvoosheid en die rooi tapyt by Cannes"},"content":{"rendered":"

Margaret se W\u00eareld: Vlugvoosheid en die rooi tapyt deur Margaret Gardiner<\/em><\/p>\n

 <\/p>\n

Ek kan nie slaap nie.<\/p>\n

Ek kan nie slaap nie.<\/p>\n

EK KAN NIE SLAAP NIE!<\/p>\n

Dit is 2:30 die oggend. My eerste dag by die Cannes-filmfees. Na elf ure op \u2019n vlug van M\u00fcnchen af, \u2019n paar uur oorstaan, en eers om sesuur die aand het ek in Cannes aangekom. Dan eers registrasie, aandete, stort, uitpak en in die bed klim. Drie uur later is my o\u00eb steeds OOP!<\/p>\n

Vlugvoosheid oorspoel my brein. Om \u2019n skrywer te wees beteken jy kan enige tyd op enige plek werk, maar my brein is nog iewers bokant die Atlantiese Oseaan en om woorde agtermekaar in \u2019n sin te plaas, is \u2019n uitdaging.<\/p>\n

Lees ook: Margaret se W\u00eareld: Lewenslesse<\/a><\/p>\n

Die dag wat voor my l\u00ea, sluit \u2019n onderhoud met die span van The Dead Don\u2019t Die<\/em> in – en dit beteken Tilda Swinton,<\/strong> \u2019n uitstekende aktrise en mode-ikoon.<\/p>\n

Die vrou het \u2019n skrikwekkende intelligensie en \u2019n klerestyl wat baie selfvertroue verg. Sy kon maar arrogant wees, maar sy is nie.<\/p>\n

Chloe Sevigny<\/strong> is die ene sensualiteit. Mens mag dit nie s\u00ea nie omdat dit nie polities korrek is nie, maar sy is. Sy dra super-kort rompies en sexy skoene. Dit is heerlik om \u2019n onderhoud met haar te doen.<\/p>\n

Lees ook: Margaret se W\u00eareld: Verwagtinge<\/a><\/p>\n

Om twee vroue te h\u00ea wat terselfdertyd met jou praat, is soos \u2019n geskenk van vrouwees. Om sous daarby te voeg, roer jy die skreeusnaakse Bill Murray<\/strong> by. Hy is soos \u2019n turksvy. Sy humor kan tot teen die been sny met vlymskerp woorde. Vandag raak sy trefwoorde aan die absurde. Dit is soos \u2019n vertoning om na almal van hulle te luister. O, so dis hoe mens woorde gebruik, ek het al vergeet hoe.<\/p>\n

\"Margaret

Chloe Sevigny, Bill Murray. Margaret en Tilda Swinton. Foto: Magnus Sundholm vir die HPFA.<\/p><\/div>\n

Volgende aan die beurt is die premiere van Rocketman<\/em>. Ek het \u2019n goedkoop rok wat mens net in jou tas gooi en as jy dit uithaal, lyk of jy dit pas gekoop het. Ek trek dit aan. My brein funksioneer nog. Uitputting is die vyand van kreatiwiteit. Ek kon \u2019n sin skryf, maar ek wil dit nie lees nie. Daarom doen ek dit nie.<\/p>\n

Lees ook: Margaret se W\u00eareld: Op die stel van Rocketman<\/a><\/p>\n

Ek kyk na myself, niemand sou kon raai dat ek eintlik \u2019n zombie is nie n\u00e8?<\/p>\n

\"Margaret

Ek trek gou my hakskoene aan<\/p><\/div>\n

Ek trek my sloffies aan en klik my pad oop al langs Croisette na die premiere. As ek nader kom, stop ek by die standfront en ruil my plat skoene vir hakke, en gaan staan in die ry voor die teater. Ek word gestuur in die rigting van die “Step and Turns\u201d. Dit is die punt waar die modelle vir die w\u00eareld se pers stop, en omdraai, sodat beide kante van die rooitapyt jou kan beskou terwyl \u2019n miljoen kameras flits en fotograwe mekaar met die elmboog uit die pad stamp om die voor- en agterkant van jou rok af te neem.<\/p>\n

Lees ook: Margaret se W\u00eareld: Hy is glansryk, maar hy is nie Emily Blunt nie …\u00a0<\/a><\/p>\n

\"Margaret

Foto: @georgepimentel<\/p><\/div>\n

Wag, ek is \u2019n joernalis, ek is nie hier in my hoedanigheid as my alter ego nie. Maar ek s\u00ea niks, en hulle roep my vorentoe en ek dink, “Hoekom nie?\u201d<\/p>\n

My rok kos sowat $60.<\/p>\n

Almal dra rokke wat baie nulle agter die euro-teken het. Die ironie laat my lekkerkry. Ek stap uit tot by die skreeuende fotograwe. Die tou is lank.<\/p>\n

Jy staan daar terwyl hulle gil, \u201cKyk hier!\u201d; \u201cOor die skouer!\u201d; \u201cNog een!\u201d Ek gehoorsaam met humor. Dan skarrel ek op met die trappe na die Grand Th\u00e9atre Lumi\u00e8re vir die premi\u00e8re van Rocketman<\/em>.<\/p>\n

Lees ook: Margaret se W\u00eareld: Wat ek doen om gemaklik te reis<\/a><\/p>\n

Elton John<\/strong> daag op en die ouditorium raak mal. Die ligte blus uit en die gehoor kalmeer. Langs Elton John is Taron Egerton,<\/strong> die jong ster wat Elton John speel en sy liedjies sing.<\/p>\n

Ek kan my net voorstel hoe senutergend dit vir hom moet wees. Toe ek met hom \u2019n onderhoud gedoen het vir my YouTube kanaal, het hy my vertel hy het die fliek gekyk met sy een oog op Elton en beleef hoe die beroemde ster die oomblikke herleef.<\/p>\n

Die film eindig met \u2019n staande applous wat aan en aan gaan en Elton sowel as Taron is in trane.<\/p>\n

 <\/p>\n