{"id":111964,"date":"2019-05-09T14:17:43","date_gmt":"2019-05-09T12:17:43","guid":{"rendered":"https:\/\/novanews.co.za\/rooirose\/?p=111964"},"modified":"2019-05-09T14:17:43","modified_gmt":"2019-05-09T12:17:43","slug":"ina-genade-as-die-reisgogga-byt-parys-amsterdam","status":"publish","type":"post","link":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/","title":{"rendered":"Ina Genade: As die reisgogga byt"},"content":{"rendered":"

As die reisgogga byt deur Ina Genade<\/em><\/p>\n

 <\/p>\n

\u201cOp die Metro het daar \u2019n spul mans opgeklim. Die een bleskop het my pa gestamp en toe s\u00ea hy iets in Frans met \u2019n Hollywood smile<\/em>. Toe kom daar \u2019n ou en staan voor my. Hy het \u2019n swart baadjie gedra en was langer as die Eiffeltoring. Hy stamp my toe rond. Toe die trein stop, blits daar \u2019n ou uit en my pa se sak hang los en oop. Die wortelkop het wragtig my pa se beursie gesteel!\u201d<\/p>\n

Dit is drie dae sedert ons gesin van vier geland het na \u2019n heerlike wegbreek in Parys en Amsterdam. Ons en ongeveer vier ander gesinne se wasgoed. Dus, met sterre in my o\u00eb, maar OMO onder my vingernaels, kry ek nou eers tyd om te loer in my oudste se reisdagboek.<\/p>\n

Ek glimlag oor sy vertelling van die een goor ding wat ons oorkant die water getref het. En is terselftertyd bly dat dit al negatiewe ding is wat hy oor die 11 aande in Europa kon neerpen.<\/p>\n

Dit was nog altyd my grootste droom om te reis en die w\u00eareld te sien.<\/a> As jong getroude het ek \u2019n keer of wat die voorreg gehad. En toe ook weer laasjaar toe ek skielik genooi is op my man se sakereis Itali\u00eb toe.<\/a> Dit het my net weer laat besef hoe graag ek my kinders van my gunstelingplekke oorsee wil gaan wys.<\/p>\n

Lees ook: Ina Genade: Oor-die-water-wense<\/a><\/p>\n

Ina Genade: \u2019n Kort blik op la vita bella<\/a><\/p>\n

\"Ina

Volendam<\/p><\/div>\n

Dieselfde reisgogga wat my en my man lank gelede gebyt het, het ook my skoonma dekades gelede gebyt. Ek ken niemand wat so welbelese en welberese is soos sy nie. Groot was my en die kinders se blydskap dus toe Ouma aanbied om hulle oorsee te stuur om \u2019n stukkie van die w\u00eareld daar anderkant te gaan ervaar. Ouma se hoofdoel was om die kinders Disney Paris toe te stuur, maar ons sou Parys ons basis maak, die stad verken en vandaar af reis na plekke wat ons ook graag wil sien \u2013 en in die beperkte tyd kan inpas.<\/p>\n

So \u2019n halfjaar gelede het ons begin beplan, maar in hierdie stadium het dit regtig nog meer na \u2019n veraf droom as \u2019n moontlikheid gevoel.<\/p>\n

Met die hulp van \u2019n oulike reisagent kon ons die verskillende opsies oorweeg en ten spyte van asemophou-oomblikke met geboortesertifikate en reisdokumente, het ons saam met die kinders die maande, weke en toe dae begin aftel tot die groot avontuur.<\/p>\n

Vir sowat twee maande het ek wintersklere vir die kinders gesoek en ook gemaklike stapskoene vir ons al vier. Die gastekamer se bed het spoedig soos \u2019n fabriekswinkel gelyk met sakkies en pakkies winskope wat die w\u00eareld vol staan. Daar was honderde lysies in my kop \u2013 ek was so bang ek vergeet iets belangriks en dit moet in Euro aangeskaf word.<\/p>\n

\u2019n Les wat ek egter weer eens geleer het, is dat te veel bagasie \u2019n mens se spoed breek. Vir die kinders en hulle pa, was die las nie te swaar nie, maar ek het teenoor die ander tasse in die winkel, nooit besef presies hoe groot en lomp my nuwe pers reistas is nie. Die voordeel was dat daar plek vir \u00e1lles was. Tot amper die wasmasjien. Die nadeel? Ek het my doodgesleep aan die ding en op die ou end danksy wasgeriewe oorkant die water, net die helfte van die klomp klere gedra. Eendag, hopelik met die volgende reis, sal ek die kuns van ekonomies \u00e9n ligvoets pak bemeester.<\/p>\n

\"Ina

Kaasfabriek in Volendam.<\/p><\/div>\n

Die vlug tussen die Kaap en Wene waar ons twee ure sou oorstaan, was lank en ongemaklik, veral omdat dit eers na middernag opgestyg het. Ons vier sardyne het maar min geslaap. Die korter vlug die volgende middag Parys toe was baie geselliger en ons was erg opgewonde toe die vliegtuig netjies op Charles de Gaulle-lughawe land.<\/p>\n

Die kinders het grootoog agter langs hulle pa in die taxi gesit en na \u2019n paar minute het my meisiekind duidelik effe teleurgesteld gevra of Parys dan nou s\u00f3 gaan lyk terwyl sy beduie na die vervelige snelweg en nywerheidsgebied rondom die lughawe. Ek het self o\u00eb op skrefies getrek om te kyk of ek nie dalk al die bekende toring in die verte kan gewaar nie.<\/p>\n

By die hotel gekom was ons aangenaam verras deur die selfsorgwoonstel met \u2019n klein balkonnetjie wat uitkyk oor tipiese Paryse geboue en dakke. Prentjiemooi.<\/p>\n

Na \u2019n vinnige stort om wakker en vars te word, het ons die strate van Parys ingevaar.<\/p>\n

\"Ina

Eerste aand in Parys: 20 Maart 2019 voor die Notre Dame.<\/p><\/div>\n

Meer as \u2019n week het verloop sedert ek laas aan\u2019t vertel was van ons avontuur in die verte. Dit is asof die roetine van alledaagse sleur die honderde ervarings in my kop woordeloos vasgehou het.<\/p>\n

Toe kry ek gisteraand die eerste boodskap van vele dat ons eerste stop op ons eerste aand in Parys, die Notre Dame-katedraal, besig is om te brand.<\/a> Vir ure en ure het ek na die internasionale nuusuitsendings gestaar met hartverskeurende tonele van daar waar ons maar skaars drie weke gelede nog in heilige verwondering gestaan het.<\/p>\n

My kinders het baie traag en onrustig gaan slaap gisteraand. Noudat hulle d\u00e1\u00e1r was en beleef het hoe dit voel om d\u00e1\u00e1r te staan, was die \u201cHunchback<\/em>\u201d se kerk veel meer as bloot dit. Dit is ook \u2019n belewenis, iets magies wat mens deur foto\u2019s probeer weergee, deur vertellinge probeer skets, maar nooit presies verwoord kry nie.<\/p>\n

En nou is so \u2019n groot deel daarvan weg \u2013 eeue der eeue se geskiedenis.<\/p>\n

\"Ina

Binne Notre Dame, Sondag 24 Maart 2019.<\/p><\/div>\n

Die dinge wat in \u2019n mens se kop afspeel\u2026 Presies drie weke gelede het ek en die kinders oorbluf buite Cit\u00e9-metrostasie net om die draai van Notre Dame gestaan nadat my man se beursie gesteel is. Nadat die treindeure tussen ons en hom toegegaan het, en ons via die treinlyn weer terug moes sukkel en hom soek, het ek nog gedink ek hoop daai sakkeroller se vingers verbrand. Toe ons heelwat later herenig is met my man en \u2019n SMS kry dat die boef sowaar R337 se Indiese wegneemetes gekoop het met die gesteelde kredietkaart, het ek gehoop \u2019n meer ongemaklike plek as sy vingers brand.<\/p>\n

Toe ons na 2.5 km se stap terugkom by ons hotel, het ek vir my man ges\u00ea: “Dat die goorste treinstasie nou so na aan die Notre Dame moet wees…”<\/p>\n

Dat die verwoestende tragedie nou s\u00f3 na aan die hart van Parys, die ikoniese Notre Dame, moet wees.<\/p>\n

As iets wat twee eeue geneem het om te bou en soveel eeue deel was van die mensdom en geskiedenis, binne \u2019n oogwink verwoes word, besef mens skielik meer van die verganklikheid van alles.<\/p>\n

Dit alles laat my dankbaar vir die voorreg om die kinders \u2019n deeltjie van die geskiedenis te kon gaan wys.<\/p>\n

Ek skud maar net my kop oor die kuberkrygers wat nou veldtogte loods teen diegene wat wel die waarde daarvan insien dat so \u2019n ryke nalatenskap herbou word. Onkunde is \u2019n gevaarlike, eng gedoente.<\/p>\n

\"Ina

Roosvenster binne Notre Dame.<\/p><\/div>\n

Op ons eerste oggend in Parys het ons die Eiffeltoring besoek, die tipiese toeristeselfies geneem en in \u2019n ellelange tou in die lenteson gestaan vir kaartjies om die toring tot heelbo te verken. Dertien jaar gelede was ek ook tot heelbo, maar steeds is my asem weggeslaan deur die uitsig oor die Arc de Triomphe, die Champs \u00c9lys\u00e9es, Les Invalides waar Napoleon begrawe l\u00ea, die Sacr\u00e9-Coeur in die verte en ook die Notre Dame se torings.<\/p>\n

Na ons vier \u2019n heerlike Reine-pizza neffens die Eiffeltoring gedeel het (want\u2026 Euro\u2019s), het \u2019n bootvaart op die Seine-rivier ons \u2019n goeie blik oor die belangrike bakens van die stad gegee.<\/p>\n

In die dae wat volg het ons die Sacr\u00e9-Coeur se honderde trappies geklim, Montmartre se kunstenaarsplein besoek waar opgeskote seuns met \u2019n \u201cMademoiselle, mademoiselle!<\/em>\u201d al blosende my tienjarige dogter se aandag probeer trek het. Daarna het sy summier vir haar \u2019n ligpers Franse beret aangeskaf!<\/p>\n

\"Ina<\/p>\n

Ons het een oggend vroeg opgestaan om die verwagte lang toue by die Louvre-museum vry te spring en was baie gelukkig om sommer gou voor die bekendste kunswerk, die Mona Lisa, te staan. Di\u00e9 vyfeeueoue w\u00eareldberoemde skildery van 77 cm by 53 cm word alleen teen \u2019n muur, stoksielalleen in \u2019n groot lokaal, agter \u2019n dik glaslaag beskerm.<\/p>\n

Vandaar is ons via die Place de la Concorde af in die bekende Champs \u00c9lys\u00e9es met sy lanings gesnoeide bome en duur winkels aan weerskante van die 1.88 km lange straat. Neffens die Arc de Triomphe het ons in \u2019n straatkafeetjie gesmul aan pannekoeke gevul met lepels Nutella terwyl nutsmanne besig was om die groot glasruite rondom di\u00e9 kafee te vervang. Die ruite is \u2019n paar dae tevore beskadig in die Geelbaadjiebetogings wat reeds maande lank Saterdae die middestad van Parys ontwrig.<\/p>\n

Die vorige kere dat ek en my man in Parys was, het ons nie besef \u2019n mens kan binne-in die Arc de Triomphe opgaan tot heelbo nie. Ons en die kinders het in \u2019n lang tou gestaan en ek het hoopvol gewag op die hysbak wat ons na bo moes vervoer. Voor in die tou gekom, besef ek daar is slegs \u2019n nouerige spiraaltrap en \u00f3f dit my toe bors was waarvoor ek toe al twee weke antibiotika en kortisoon drink, \u00f3f net plein banggeit, weet ek nie, maar ek moes \u2019n keer of wat rug teen die muur gaan staan om asem te skep en balans te herwin. Van bo af is die 360 grade uitsig seker die moeite werd, maar ek was bewerig dankbaar toe ons weer na die 284 smal trappies op grondvlak staan. In die toekoms sal ek maar weer di\u00e9 baken slegs van oorkant die pad bewonder.<\/p>\n

Met al die tekens van vandalisme om ons, het ons besef dat ons eerder die komende Saterdag \u2019n dagtoer buite Parys moes onderneem en ons het \u2019n bustoer na Mont Saint Michel bespreek. Die Saterdagoggend toe die bus douvoordag verby die Arc de Triomphe ry, het daar reeds \u2019n magdom polisiewaens en onlusvoertuie gereed gestaan. Die vier en \u2019n half ure rit na die dorpie Mont Saint Michel waar \u2019n middeleeuse klooster op \u2019n eiland in die see gebou staan, was lank, maar beslis die moeite werd. \u2019n Asemrowende uitsig wag as mens die steil straatjies van die middeleeuse dorpie en 350 trappe tot binne die klooster geklim het.<\/p>\n

\"Ina

Mont St. Michel.<\/p><\/div>\n

Na \u2019n wegneemete van Franse broodjies en roomys, het ons dankbaar teruggeklim in die bus vir die vier en \u2019n half ure terug Parys toe. In Champs \u00c9lys\u00e9es was die skade wat deur die dag deur die Geelbaadjies aangerig is, opvallend. Oral was restaurante se vensters gekraak of flenters en skoonmakers was reeds besig om bakstene, gebreekte vullisdromme en rommel langs die straat te verwyder.<\/p>\n

Na \u2019n paar treinlyne terug hotel toe, het ons gou by die supermark net om die draai vir ons mikrogolfaandetes koop wat ek dankbaar met \u2019n heerlike winskoopwyn van \u20ac3.10 (so net oor die R50) per bottel afgesluk het terwyl ons die Saterdagnaglewe vanaf ons balkon bekyk. Ten spyte van die yskoue aandlug kan die Franse tieners vir jou omtrent \u2019n bohaai opskop. Tot laatnag het die groepie in die parkie oorkant ons hotel, gekattemaai.<\/p>\n

Sondagoggend het ek gou wasgoed gewas in die hotel se waskamer \u2013 \u2019n winskoop teen \u20ac9 vir \u2019n groot bondel se was en tuimeldroog, waar ander hotelle maklik \u20ac9 vir \u2019n enkele langbroek vra. Daarna het my seunskind en sy pa koers gekies na die weermagmuseum, Les Invalides, om wapens te gaan kyk en Napoleon se graf te besoek. Ek en die \u201cmademoiselle<\/em>\u201d het weer koers gekies na Montmartre waar ons \u2019n paar ure deur die souvenir-winkels kon drentel en die mooiste aandenkings aangeskaf het.<\/p>\n

\u2019n Paar treinritte verder, kry ons die manne voor die Notre Dame sodat ons in die tou kan val om die katedraal van binne te bekyk. Dit was my derde keer binne di\u00e9 majesteuse kerk wat reeds 856 jaar een van die bekendste bakens van die stad langs die Seine is. Op \u2019n Sondag heers daar \u2019n ekstra gewydheid binne die kerk en ons kon ons verkyk aan die honderde kersies wat vir geliefdes brand, eeueoue kunswerke en tonele en biddende gemeentelede terwyl die flou lenteson deur die kleurvolle gebrandskilderde venters skyn. Ek onthou dat ek \u2019n paar keer gedink het: Wanneer kom ek weer hier\u2026?<\/p>\n

\"Ina

Latynse kwartier<\/p><\/div>\n

Die Latynse distrik, Quartier Latin, oorkant die Seine van die Notre Dame, se vrolike restaurante het gesorg vir \u2019n heerlike driegangmaaltyd teen \u2019n spotgoedkoop \u20ac10 per persoon \u2013 ongelukkig kos die drinkgoed amper net soveel per persoon!<\/p>\n

Laatmiddag het ons die gebied rondom die Sorbonne-universiteit, asook die Panth\u00e9on en groot afdelingswinkel, Galeries Lafayette, besoek. By laasgenoemde het ons \u2019n gesellige anderhalfuur vertoef op die vloer wat die speelgoedwinkel en boekwinkel huisves.<\/p>\n

Met die son wat reeds aan die sak was, het ons besluit om die treinlyn tot naby die Eiffeltoring te neem. Die staalstruktuur was pragtig afge\u00ebets teen die skemerlug en ons was betyds om die liggies te sien aangaan. Tientalle foto\u2019s is geneem en ons het omgestap na die anderkant vir nog selfies saam met die aandtoring. Weer is ons verras toe die liggies teen donkertyd skielik begin flikker. Ons het selfoonvideo\u2019s geneem en \u2019n gawe Amerikaner het gevra of sy \u2019n gesinsfoto van ons voor die flikkerende ikoon kan neem.<\/p>\n

\"Ina


Eiffeltoring teen skemertyd.<\/p><\/div>\n

Na kilometers se stap deur die dag, was ons dankbaar toe ons \u2019n paar treinstasies later by die hotel aankom. Tuisgemaakte bolognaise, kiwigeur Fanta en nog supermarkwyn het \u2019n perfekte dag afgesluit.<\/p>\n

Die Maandagoggend het ons by die metrostasie die naaste aan die hotel gaan uitvind oor treinkaartjies na Versailles. Dertien jaar gelede het ek en my man di\u00e9 paleis besoek, maar die tuine was deels toegemaak weens opgraderingswerk.<\/p>\n

Na verskeie pogings om die vrou by die kaartjiekantoor in Frans te oortuig dat ons retoerkaartjies wil koop vir die buitelyn na Versailles, het \u2019n liggie skielik by haar opgegaan: \u201cAh, you go back\u2026 and then back!<\/em>\u201d Haar eerste \u201cback<\/em>\u201d het in Versailles se koers beduie en die tweede \u201cback<\/em>\u201d terug tot by di\u00e9 stasie. \u201cOui!<\/em>\u201d het ons in \u2019n koor laat hoor waarna sy toe sommer die roete en verskillende stasies op \u2018n kaart vir ons beduie het en ges\u00ea dat die treinkaartjie ook geldig is vir die \u201cshuttle\u201d<\/em> wat ons van die treinstasie af na die kasteel sou neem. Die \u201cback and then back\u201d<\/em> het summier ons gunstelings\u00eading vir die res van die toer geword.<\/p>\n

In die dorpie Versailles aangekom, het ons by die toerismekantoor gevra waar ons die \u201cshuttle\u201d<\/em> kan neem. Die man het egter verstaan \u201cch\u00e2teau\u201d<\/em> en ons om die draai en vyf minute pad af beduie. Groot opgewondenheid toe ons die Ch\u00e2teau de Versailles in die verte gewaar en boonop sien dat daar nie lang toue by die ingang is nie. Ons is deur sekuriteit en het die mense gevolg tot by die tuine. Die fonteine het soos die vorige keer nie gespuit nie, maar die reuse tuin se terrasse was pragtig.<\/p>\n

Na \u2019n wandeling deur die tuin het ons die kaartjieskantoor gaan soek. By \u2019n deur waar mense in- en uitgaan, het \u2019n Franse dame ons ferm ingelig dat die paleis op \u2019n Maandag \u201cferme\u201d<\/em> is. Gesluit. Ons het meer as \u2019n uur en \u2019n half se treinrit onderneem om voor geslote deure te beland! En nie een enkele siel vir wie ons raad oor kaartjies, roetes, busse of enigiets gevra het, het gedink om ons te waarsku nie!<\/p>\n

So leer \u2019n mens. Ons het uitgerus op die trein terug Parys toe en \u2019n paar plekke gaan opsoek wat ons nog graag wou sien, soos die Shakespeare & Company-boekwinkel. Daarna het die kinders verspot agter reuse borrels aangehardloop wat \u2019n vrou op die plein voor die Notre Dame geblaas het. Hier het ons Suid-Afrikaners raakgeloop wat sowaar ook van Worcester kom. Na \u2019n draai deur die duurder souvenir-winkels in die omgewing van die Notre Dame, is ons terug hotel toe vir nog \u2019n tuisgemaakte aandete terwyl ons \u201cThe Big Bang Theory\u201d in Frans kyk.<\/p>\n

\"Ina

Arc de Triomphe.<\/p><\/div>\n

Dinsdagoggend het ons vroeg treinkaartjies gaan koop vir \u2019n uitstappie na Provins. Dit is \u2019n middeleeuse dorpie 90 km suid-oos van Parys. Ons het die vorige aand \u2019n bietjie opgelees oor die dorpie, maar was aangenaam verras deur die pragtige argitektuur en ongelooflike uitsigte. Nadat ons die paar kilometer afgel\u00ea het om die ou stadsmuur te klim, het ons weer koers gekies terug stasie toe om vir oulaas deur Parys te gaan dwaal.<\/p>\n

En dit is hoeka hierna op die metro in spitsverkeer wat ons toe deel van die sakkerollerstatistiek word. Na die gesteelde kaarte danksy \u2019n restaurant se gratis wifi gekanselleer kon word, het my jongste eenvoudig geweier om terug te klim op enige trein. Die skrik en kwaad het nog te vlak gel\u00ea en ons vier het die amper drie kilometer terug hotel toe gestap.<\/p>\n

Ons sou \u2019n toergroep vriende van Worcester die aand vir ete ontmoet, maar het afgespreek om hulle eerder die volgende dag op die stasie te ontmoet waar ons almal die RER-trein na Disney Paris sou neem vir ons laaste dag in Parys.<\/p>\n

Disney was soos ek dit verwag het: Oorweldigend en groot en besig. As dit in die middel van \u2019n gewone week in Maart s\u00f3 lyk, wil ek eerder nie weet hoe stampvol dit in die Europese somervakansie is nie. By van die ritte was die wagtyd tot \u2019n uur lank.<\/p>\n

Die nagemaakte dorpie waardeur mens tot by die pienk paleis stap, is propvol detail en mens verkyk jou. Maar, die Disney-deuntjie wat oor en oor kliphard deur die park weergalm sal \u2019n mens na \u2019n paar uur van jou trollie af h\u00ea. Ons seun was veral be\u00efndruk met Marvel Studios en die StarWars 3D-pretrit waarop ons was. Vir my meisiekind was ritte op die kleurryke carousel en pragtige prinsesrokke en ander Disney-memorabilia die hoogtepunt. Vir my was die lekkerste deel van die uitstappie die heerlike pizza in Planet Hollywood en die geselsies met mede-Worcesteriete op die trein terug Parys toe.<\/p>\n

Sal ek weer soveel Euro\u2019s en tyd aan Disney Paris spandeer? Nie sommer nie.<\/p>\n

\"Ina

Disney Paris.<\/p><\/div>\n

Die aand het ons vir oulaas in \u2019n Paryse Italiaanse restaurant met ons vriende gekuier en na \u2019n taxirit deur \u2019n humeurige Fransman terug hotel toe, het ek gou ons tasse gaan uit- en oorpak vir ons volgende avontuur.<\/p>\n

Ek het besef dat ons \u2019n plan sal moet maak met die drie sakke vuil klere wat weer eens opgehoop het. Die Donderdagoggend het ek dus blitsvinnig voor 08:00 munte vir die wasmasjien en tuimeldro\u00ebr by die hotelontvangs gaan koop en uitgewerk dat 45 minute vir was en 45 minute vir droog, ons net mooi \u2019n ekstra halfuur sal gun voor die taxi ons kom oplaai.<\/p>\n

Na die uur en \u2019n half, toe ons by die tuimeldro\u00ebr kom, besef ek dat die nat jeans en sokkies net een ding beteken: Ek het ondanks die duidelike flikkerende instruksies in Frans, vergeet om die \u201cStart\u201d-knop te druk toe ek die munt in die tuimeldro\u00ebr gedruk het. Hoe meer haas, hoe minder spoed! Die taxi is met 15 minute uitgestel en na n\u00f3g \u2019n driekwartier, was al die klere darem droog en in tasse geprop.<\/p>\n

Die spoedtrein was vir die kinders nog \u2019n eerste belewenis. Ons het deur die platteland tussen Parys en Belgi\u00eb en later Nederland teen ongeveer 290 km per uur geblits. Ek het deur ons Amsterdam-boekie van dertien jaar gelede geblaai en notas gemaak van al die belangrikste plekke wat ons graag sal wil besoek. Ook danksy die gratis wifi op die trein, gekyk of daar enige dae is wat van die belangrikste plekke dalk gesluit is. Ons wou nie \u2019n Versailles-herhaling h\u00ea nie.<\/p>\n

\"Ina

Zaanse Schans.<\/p><\/div>\n

Op Schiphol-lughawe se treinstasie aangekom, was dit heelwat koeler as waaraan ons gewoond geraak het in Parys. \u2019n Ligte motre\u00ebn het oor ons gesif terwyl ons vir die hotelbus wag.<\/p>\n

Die hotelkamer vir vier was effe meer beknop en veel minder ingerig as die woonstel in Parys, maar ons tyd in Amsterdam was beperk en ons sou letterlik net saans hier stort en slaap.<\/p>\n

Ons het warm baadjies aangetrek en weer die hotelbus terug lughawe toe geneem waarvandaan ons die trein sou neem na Amsterdam Centraal. Dit was opvallend hoeveel meer behulpsaam die Nederlanders by die kaartjiekantoor was as die Franse. Ook op die perron is die personeel vriendelik en baie meer paraat om reisigers veilig te hou. Die treine was moderner en skoner as di\u00e9 in die Franse hoofstad en spoedig het ons uitgeklim by die hoofstasie in Amsterdam. Ek wou huppel toe ek weer die bekende Damrakstraat en geboue gewaar.<\/p>\n

\"Ina

Tulpe langs Damrakstraat, Amsterdam<\/p><\/div>\n

Die sypaadjies was op hierdie Donderdaglaatmiddag \u2019n mengelmoes van pendelaars en toeriste. Oral was groot blombakke vol tulpe in die helderste skakerings van rooi, pienk en gemeng.<\/p>\n

Ons eerste stop was met \u2019n draai langs die gragte, Anne Frank se huis om kaartjies te koop. Na etlike foto\u2019s by die gragte met die tipiese regop, soms skewe, Amsterdamhuise in die agtergrond, het ons by Anne Frank se standbeeld gestop vir \u2019n foto en verneem dat die huis reeds toe is vir die aand. Eers later via Google sou ons uitvind dat \u2019n mens reeds weke vooruit aanlyn kaartjies moes bespreek \u2013 en dit is die enigste opsie. Reeds toe was daar \u2019n waglys van bykans 1\u00a0500 mense en ons sou reeds twee dae terug wees in Suid-Afrika voor ons sou plek kry. Ons kon darem \u2019n gesinsfoto laat neem voor die deur van die befaamde huis.<\/p>\n

In die smaller stegies was die reuk van daggarook oorweldigend, veral buite die kroe\u00eb. \u2019n Mens se kop draai lateraan daarvan.<\/p>\n

Argentynse restaurante is volop in die middestad en aangesien ons \u2019n bietjie uitge\u00ebet was aan Franse brode, pasta en pizza, was ons dankbaar vir \u2019n heerlike biefstuk vir aandete.<\/p>\n

Ons het via strate vol souvenir-winkels en plek-plek pleine en bome vol vrolike liggies in die koue aandlug teruggestap stasie toe om weer die trein en bus te haal hotel toe.<\/p>\n

\"Ina

Die gragte van Amsterdam<\/p><\/div>\n

Die Vrydagoggendoggend het ons na \u2019n heerlike Engelse ontbyt teen \u2019n winskoop \u20ac4-95, by \u2019n toerismekantoor gaan uitvind oor dagtoere buite Amsterdam. Ons wou graag die kusdorpie Volendam besoek en moontlik ook windmeulens. Sommer gou kon ons vir dieselfde middag \u2019n toer bespreek na Zaanse Schans vir windmeule, Volendam (vir \u2019n kaasfabriekdemonstrasie) en \u2019n bootrit na Marken vir \u2019n besoek aan \u2019n klompemakery.<\/p>\n

In die uur of drie tot ons beskikking voor die middagtoer, het ons die museumkwartier besoek \u2013 waar ons weer eens besef het dat kaartjies lank vooraf bespreek moes wees indien ons Rembrandt van Rijn of Van Gogh se werke van naderby wou bekyk. Ons het deur Vondelpark gestap en by Madame Tussauds, die wasmuseum, ingegaan waar ons kennis gemaak het met die effe stywe bolippe van bekende filmsterre, kunstenaars en koninklikes.<\/p>\n

\"Ina

Van Gogh in Madame Tussauds, Amsterdam.<\/p><\/div>\n

Die middagtoer se busrit het begin met \u2019n vrolike reus van \u2019n busdrywer wat ons op klawerbordspel trakteer het voor die bus vertrek het. Gedurende die rit is ons vermaak met kwinkslae en inligting oor die omgewing. Elke stop op die toer was \u2019n belewenis \u2013 van opklim met \u2019n leertjie tot bo op \u2019n windmeul, tot kaasproe en klompe aanpas. Ons was spyt toe die bus na skemer weer sy neus in die rigting van Amsterdam druk.<\/p>\n

Terug op die lughawe vanaf Amsterdam Centraal, het ons gou \u2019n wegneemete gekoop en daarna is ons via die hotelbus terug om ons moe\u00eb bene te gaan rus.<\/p>\n

\"Ina

Fietsloods buite Amsterdam Centraal-treinstasie.<\/p><\/div>\n

Die Saterdagoggend het ons weer die ontbytwinskoop ge\u00ebet en daarna op \u2019n bootvaart op die Amstelrivier meer geleer oor Amsterdam.<\/p>\n

Toe het ons weer die strate ingevaar op soek na die kleinste huisie in die stad en ook Europa. Google Maps het ons in \u2019n straat af geneem en nadat ek in die verbydraf \u2019n piepklein koffiewinkel met \u2019n vrolike rooi voorkant bewonder, besef my man ons is skoon verby die klein monument. Het Kleinste Huis is gele\u00eb in Oude Hoogstraat 22 en is slegs 2.02 meter wyd en 5 meter diep. Met sy tuitgewel herinner di\u00e9 huisie aan die tipiese kanaalhuise langs die gragte van Amsterdam. Deesdae word die huisie as \u2019n tee- en keramiekboetiekwinkel en koffiewinkel bedryf waar heerlike fyngebak geniet kan word \u2013 natuurlik ook teen \u2019n fyn prys.<\/p>\n

Ons het sommer \u2019n klomp foto\u2019s van hierdie pragtige, unieke huisie met sy rooi voorkant geneem. My dogtertjie skryf in haar reisdagboek: \u201cTerwyl my ma \u2019n foto geneem het van die kleinste huisie, stap daar \u2019n Franse man verby en s\u00ea in Frans vir sy vriende: \u2018Hulle neem ook foto\u2019s van alles!\u2019 My ma s\u00ea toe vir hom in Frans: \u2018Jy is baie snaaks!\u201d<\/p>\n

Ons het lekker gelag oor sy gesigsuitdrukking \u2013 en darem nie ook \u2019n foto daarvan geneem nie.<\/p>\n

\"Ina

Het Kleinste Huis, Amsterdam<\/p><\/div>\n

Die middag het ons die blommemark besoek en ons verkyk aan die veelkleurige tulpe en snuisterye wat te koop is. Ongelukkig is die laaste egte blommeverkoper by di\u00e9 mark van voornemens om binnekort sy stalletjie te verkoop. Volgens \u2019n artikel wat ek gelees het, voel hy dat hy nie meer langer wil meeding teen die tipiese toeristege\u00f6ri\u00ebnteerde neiging van geen vars blomme nie, maar sade en souvenirs, wat die bekende mark oorgeneem het nie.<\/p>\n

Die Leidseplein is \u2019n mengelmoes van studente en toeriste op \u2019n Saterdagmiddag en ons het in \u2019n netjiese kroeg eg Nederlandse krokkette en \u201cbitterballen\u201d ge\u00ebet terwyl die plaaslike mense sokker en ander sport luidrugtig op televisieskerms dophou.<\/p>\n

Ons het met \u2019n ompad beland in die rooiligdistrik en maar baie vinnig weer ons pad uit Die Walletjies probeer vind tussen die winkels met vreemde voorwerpe in hulle vensters en plek-plek \u2019n lewendige, skamel geklede dame wat haar bates agter glas ten toon stel.<\/p>\n

Ons het gereeld groepe jongmense te\u00ebgekom wat duidelik henne- en haneparty hou in die strate. Amsterdam is steeds \u2019n gewilde naweekkuierplek vir Europe\u00ebrs.<\/p>\n

Nadat ons ingeloer het in De Bijenkorf, die reuse winkelsentrum met ekslusiewe winkels van regoor Europa, het ons deur die aandenkingswinkels van Damrakstraat gedwaal en by \u2019n Italiaanse restaurant in \u2019n systraatjie gaan eet.<\/p>\n

Met koffieroomyse vir nagereg, het ons vir oulaas die liggies in die strate wat weerkaats op die Amstelrivier bewonder en koers gekies hotel toe.<\/p>\n

Ons het gewik en weeg of ons dit die volgende oggend moet waag om die trein Delft toe te neem, maar aangesien ons reeds weer drieuur moes terug wees in Amsterdam om gereed te maak vir ons vlug via Frankfurt Kaapstad toe, het ons die Sondagoggend maar eerder weer deur die middestad gestap tot by die blommemark, \u2019n paar laaste aandenkings en eg Hollandse kaas gekoop, en gaan regmaak vir ons lang vlug terug.<\/p>\n

\"Ina

Bloemenmark, Amsterdam.<\/p><\/div>\n

Die selfoontoepassing wat daagliks my tre\u00eb tel, het dan ook bevestig dat hierdie oggend se vinnige heen-en-weer deur Amsterdam se hoofstraat, die kortste roete was wat ons in ons hele toer gestap het: 9.42 km. Die dag wat ons die verste gestap het, was die dag in Parys toe ons paaie met die sakkeroller gekruis het: 16.64 km.<\/p>\n

Sal ek weer met my kinders oorsee wil gaan? Beslis en vanselfsprekend. Was dit stresvol en uitputtend? Natuurlik. Maar, ten spyte van treine wat op en af jaag, treindeure wat kan toegaan terwyl iemand nog buite staan, sakkerollers en die stewige Euro, was \u2019n gesinsvakansie op \u2019n stywe begroting steeds veel lekkerder as \u2019n sakereis terwyl jy jou maar heeltyd oor die kinders by die huis, duisende kilometer verder, bekommer.<\/p>\n

Al was ons gereeld in mekaar se hare en ruimte. Soos \u2019n vriendin opgemerk het: By die huis is \u2019n mens ook maar in mekaar se hare en jy beleef veel minder avonture.<\/p>\n

So, ja, die reisgogga het die jongspan nou ook behoorlik gebyt. In hulle o\u00eb is die liggies aangesteek dat daar \u2019n groot, wye w\u00eareld met uiteenlopende kulture is om te beleef.<\/p>\n

Al is hulle pretieners, verstaan hulle nou bietjie meer van die geskiedenis en hoe belangrik dit is om daaroor te lees, maar dit ook te beleef.<\/p>\n

Hulle kyk met nuwe begrip na die yskasmagneet wat hulle ouma reeds lank gelede vir my present gegee het: \u201cAt reise er at leve!\u201d <\/em>(Hans Christian Andersen)<\/p>\n

Om te reis is om te lewe.<\/p>\n

\"Ina<\/p>\n","protected":false},"excerpt":{"rendered":"

“Al was ons gereeld in mekaar se hare en ruimte. Soos \u2019n vriendin opgemerk het: By die huis is \u2019n mens ook maar in mekaar se hare en jy beleef veel minder avonture. So, ja, die reisgogga het die jongspan nou ook behoorlik gebyt. In hulle o\u00eb is die liggies aangesteek dat daar \u2019n groot, wye w\u00eareld met uiteenlopende kulture is om te beleef.”<\/p>\n","protected":false},"author":38,"featured_media":111997,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[682,2968,55176,3476],"tags":[158,628,998,2299,2382,3950,4396,23444,23450,24736,70807,35,134],"class_list":["post-111964","post","type-post","status-publish","format-standard","has-post-thumbnail","hentry","category-blogs","category-reis","category-ina-genade","category-ontspanning","tag-reis","tag-travel","tag-vermaak","tag-ina-genade","tag-gesin","tag-parys","tag-ontspanning","tag-parenting","tag-entertainment","tag-family","tag-amsterdam","tag-blogs","tag-ouerskap"],"acf":[],"yoast_head":"\nIna Genade: As die reisgogga byt | rooi rose<\/title>\n<meta name=\"description\" content=\""In hulle o\u00eb is die liggies aangesteek dat daar \u2019n groot, wye w\u00eareld met uiteenlopende kulture is om te beleef." Lees Ina Genade se blog.\" \/>\n<meta name=\"robots\" content=\"index, follow, max-snippet:-1, max-image-preview:large, max-video-preview:-1\" \/>\n<link rel=\"canonical\" href=\"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/\" \/>\n<meta property=\"og:locale\" content=\"en_US\" \/>\n<meta property=\"og:type\" content=\"article\" \/>\n<meta property=\"og:title\" content=\"Ina Genade: As die reisgogga byt | rooi rose\" \/>\n<meta property=\"og:description\" content=\""In hulle o\u00eb is die liggies aangesteek dat daar \u2019n groot, wye w\u00eareld met uiteenlopende kulture is om te beleef." Lees Ina Genade se blog.\" \/>\n<meta property=\"og:url\" content=\"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/\" \/>\n<meta property=\"og:site_name\" content=\"rooi rose\" \/>\n<meta property=\"article:publisher\" content=\"https:\/\/www.facebook.com\/rooirose\/\" \/>\n<meta property=\"article:published_time\" content=\"2019-05-09T12:17:43+00:00\" \/>\n<meta property=\"og:image\" content=\"https:\/\/novanews.co.za\/rooirose\/wp-content\/uploads\/2019\/04\/IMG_20190329_162039_502_resized-e1556617641326.jpg\" \/>\n\t<meta property=\"og:image:width\" content=\"800\" \/>\n\t<meta property=\"og:image:height\" content=\"900\" \/>\n\t<meta property=\"og:image:type\" content=\"image\/jpeg\" \/>\n<meta name=\"author\" content=\"Catherine Schenck\" \/>\n<meta name=\"twitter:card\" content=\"summary_large_image\" \/>\n<meta name=\"twitter:creator\" content=\"@rooi_rose\" \/>\n<meta name=\"twitter:site\" content=\"@rooi_rose\" \/>\n<meta name=\"twitter:label1\" content=\"Written by\" \/>\n\t<meta name=\"twitter:data1\" content=\"Catherine Schenck\" \/>\n\t<meta name=\"twitter:label2\" content=\"Est. reading time\" \/>\n\t<meta name=\"twitter:data2\" content=\"24 minute\" \/>\n<script type=\"application\/ld+json\" class=\"yoast-schema-graph\">{\"@context\":\"https:\\\/\\\/schema.org\",\"@graph\":[{\"@type\":\"Article\",\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/#article\",\"isPartOf\":{\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/\"},\"author\":{\"name\":\"Catherine Schenck\",\"@id\":\"https:\\\/\\\/novanews.co.za\\\/rooirose\\\/#\\\/schema\\\/person\\\/265a0c0fe08a83533fe7184f4e0af4a1\"},\"headline\":\"Ina Genade: As die reisgogga byt\",\"datePublished\":\"2019-05-09T12:17:43+00:00\",\"mainEntityOfPage\":{\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/\"},\"wordCount\":4850,\"publisher\":{\"@id\":\"https:\\\/\\\/novanews.co.za\\\/rooirose\\\/#organization\"},\"image\":{\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/#primaryimage\"},\"thumbnailUrl\":\"https:\\\/\\\/novanews.co.za\\\/rooirose\\\/wp-content\\\/uploads\\\/2019\\\/04\\\/IMG_20190329_162039_502_resized-e1556617641326.jpg\",\"keywords\":[\"reis\",\"travel\",\"Vermaak\",\"ina genade\",\"Gesin\",\"parys\",\"Ontspanning\",\"parenting\",\"entertainment\",\"family\",\"amsterdam\",\"blogs\",\"ouerskap\"],\"articleSection\":[\"Blogs\",\"Reis\",\"Ina Genade\",\"Ontspanning\"],\"inLanguage\":\"af-ZA\",\"copyrightYear\":\"2019\",\"copyrightHolder\":{\"@id\":\"https:\\\/\\\/novanews.co.za\\\/rooirose\\\/#organization\"}},{\"@type\":\"WebPage\",\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/\",\"url\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/\",\"name\":\"Ina Genade: As die reisgogga byt | rooi rose\",\"isPartOf\":{\"@id\":\"https:\\\/\\\/novanews.co.za\\\/rooirose\\\/#website\"},\"primaryImageOfPage\":{\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/#primaryimage\"},\"image\":{\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/#primaryimage\"},\"thumbnailUrl\":\"https:\\\/\\\/novanews.co.za\\\/rooirose\\\/wp-content\\\/uploads\\\/2019\\\/04\\\/IMG_20190329_162039_502_resized-e1556617641326.jpg\",\"datePublished\":\"2019-05-09T12:17:43+00:00\",\"description\":\"\\\"In hulle o\u00eb is die liggies aangesteek dat daar \u2019n groot, wye w\u00eareld met uiteenlopende kulture is om te beleef.\\\" Lees Ina Genade se blog.\",\"breadcrumb\":{\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/#breadcrumb\"},\"inLanguage\":\"af-ZA\",\"potentialAction\":[{\"@type\":\"ReadAction\",\"target\":[\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/\"]}]},{\"@type\":\"ImageObject\",\"inLanguage\":\"af-ZA\",\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/#primaryimage\",\"url\":\"https:\\\/\\\/novanews.co.za\\\/rooirose\\\/wp-content\\\/uploads\\\/2019\\\/04\\\/IMG_20190329_162039_502_resized-e1556617641326.jpg\",\"contentUrl\":\"https:\\\/\\\/novanews.co.za\\\/rooirose\\\/wp-content\\\/uploads\\\/2019\\\/04\\\/IMG_20190329_162039_502_resized-e1556617641326.jpg\",\"width\":800,\"height\":900,\"caption\":\"Zaanse Schans.\"},{\"@type\":\"BreadcrumbList\",\"@id\":\"https:\\\/\\\/novanews.co.za\\\/rooirose\\\/ina-genade-as-die-reisgogga-byt-parys-amsterdam\\\/#breadcrumb\",\"itemListElement\":[{\"@type\":\"ListItem\",\"position\":1,\"name\":\"Home\",\"item\":\"https:\\\/\\\/novanews.co.za\\\/rooirose\\\/\"},{\"@type\":\"ListItem\",\"position\":2,\"name\":\"Ina Genade: As die reisgogga byt\"}]},{\"@type\":\"WebSite\",\"@id\":\"https:\\\/\\\/novanews.co.za\\\/rooirose\\\/#website\",\"url\":\"https:\\\/\\\/novanews.co.za\\\/rooirose\\\/\",\"name\":\"rooi rose\",\"description\":\"Stylvol, sinvol, propvol\",\"publisher\":{\"@id\":\"https:\\\/\\\/novanews.co.za\\\/rooirose\\\/#organization\"},\"potentialAction\":[{\"@type\":\"SearchAction\",\"target\":{\"@type\":\"EntryPoint\",\"urlTemplate\":\"https:\\\/\\\/novanews.co.za\\\/rooirose\\\/?s={search_term_string}\"},\"query-input\":{\"@type\":\"PropertyValueSpecification\",\"valueRequired\":true,\"valueName\":\"search_term_string\"}}],\"inLanguage\":\"af-ZA\"},{\"@type\":\"Organization\",\"@id\":\"https:\\\/\\\/novanews.co.za\\\/rooirose\\\/#organization\",\"name\":\"Rooi rose\",\"url\":\"https:\\\/\\\/novanews.co.za\\\/rooirose\\\/\",\"logo\":{\"@type\":\"ImageObject\",\"inLanguage\":\"af-ZA\",\"@id\":\"https:\\\/\\\/novanews.co.za\\\/rooirose\\\/#\\\/schema\\\/logo\\\/image\\\/\",\"url\":\"https:\\\/\\\/novanews.co.za\\\/rooirose\\\/wp-content\\\/uploads\\\/2020\\\/12\\\/rrlogo.jpg\",\"contentUrl\":\"https:\\\/\\\/novanews.co.za\\\/rooirose\\\/wp-content\\\/uploads\\\/2020\\\/12\\\/rrlogo.jpg\",\"width\":400,\"height\":400,\"caption\":\"Rooi rose\"},\"image\":{\"@id\":\"https:\\\/\\\/novanews.co.za\\\/rooirose\\\/#\\\/schema\\\/logo\\\/image\\\/\"},\"sameAs\":[\"https:\\\/\\\/www.facebook.com\\\/rooirose\\\/\",\"https:\\\/\\\/x.com\\\/rooi_rose\"]},{\"@type\":\"Person\",\"@id\":\"https:\\\/\\\/novanews.co.za\\\/rooirose\\\/#\\\/schema\\\/person\\\/265a0c0fe08a83533fe7184f4e0af4a1\",\"name\":\"Catherine Schenck\",\"image\":{\"@type\":\"ImageObject\",\"inLanguage\":\"af-ZA\",\"@id\":\"https:\\\/\\\/secure.gravatar.com\\\/avatar\\\/ee0411948a25053a54e6b9881eaa341017aa0dc5a6c0995c10fe94286ef3aae8?s=96&d=mm&r=g\",\"url\":\"https:\\\/\\\/secure.gravatar.com\\\/avatar\\\/ee0411948a25053a54e6b9881eaa341017aa0dc5a6c0995c10fe94286ef3aae8?s=96&d=mm&r=g\",\"contentUrl\":\"https:\\\/\\\/secure.gravatar.com\\\/avatar\\\/ee0411948a25053a54e6b9881eaa341017aa0dc5a6c0995c10fe94286ef3aae8?s=96&d=mm&r=g\",\"caption\":\"Catherine Schenck\"}}]}<\/script>\n<!-- \/ Yoast SEO plugin. -->","yoast_head_json":{"title":"Ina Genade: As die reisgogga byt | rooi rose","description":"\"In hulle o\u00eb is die liggies aangesteek dat daar \u2019n groot, wye w\u00eareld met uiteenlopende kulture is om te beleef.\" Lees Ina Genade se blog.","robots":{"index":"index","follow":"follow","max-snippet":"max-snippet:-1","max-image-preview":"max-image-preview:large","max-video-preview":"max-video-preview:-1"},"canonical":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/","og_locale":"en_US","og_type":"article","og_title":"Ina Genade: As die reisgogga byt | rooi rose","og_description":"\"In hulle o\u00eb is die liggies aangesteek dat daar \u2019n groot, wye w\u00eareld met uiteenlopende kulture is om te beleef.\" Lees Ina Genade se blog.","og_url":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/","og_site_name":"rooi rose","article_publisher":"https:\/\/www.facebook.com\/rooirose\/","article_published_time":"2019-05-09T12:17:43+00:00","og_image":[{"width":800,"height":900,"url":"https:\/\/novanews.co.za\/rooirose\/wp-content\/uploads\/2019\/04\/IMG_20190329_162039_502_resized-e1556617641326.jpg","type":"image\/jpeg"}],"author":"Catherine Schenck","twitter_card":"summary_large_image","twitter_creator":"@rooi_rose","twitter_site":"@rooi_rose","twitter_misc":{"Written by":"Catherine Schenck","Est. reading time":"24 minute"},"schema":{"@context":"https:\/\/schema.org","@graph":[{"@type":"Article","@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/#article","isPartOf":{"@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/"},"author":{"name":"Catherine Schenck","@id":"https:\/\/novanews.co.za\/rooirose\/#\/schema\/person\/265a0c0fe08a83533fe7184f4e0af4a1"},"headline":"Ina Genade: As die reisgogga byt","datePublished":"2019-05-09T12:17:43+00:00","mainEntityOfPage":{"@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/"},"wordCount":4850,"publisher":{"@id":"https:\/\/novanews.co.za\/rooirose\/#organization"},"image":{"@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/#primaryimage"},"thumbnailUrl":"https:\/\/novanews.co.za\/rooirose\/wp-content\/uploads\/2019\/04\/IMG_20190329_162039_502_resized-e1556617641326.jpg","keywords":["reis","travel","Vermaak","ina genade","Gesin","parys","Ontspanning","parenting","entertainment","family","amsterdam","blogs","ouerskap"],"articleSection":["Blogs","Reis","Ina Genade","Ontspanning"],"inLanguage":"af-ZA","copyrightYear":"2019","copyrightHolder":{"@id":"https:\/\/novanews.co.za\/rooirose\/#organization"}},{"@type":"WebPage","@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/","url":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/","name":"Ina Genade: As die reisgogga byt | rooi rose","isPartOf":{"@id":"https:\/\/novanews.co.za\/rooirose\/#website"},"primaryImageOfPage":{"@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/#primaryimage"},"image":{"@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/#primaryimage"},"thumbnailUrl":"https:\/\/novanews.co.za\/rooirose\/wp-content\/uploads\/2019\/04\/IMG_20190329_162039_502_resized-e1556617641326.jpg","datePublished":"2019-05-09T12:17:43+00:00","description":"\"In hulle o\u00eb is die liggies aangesteek dat daar \u2019n groot, wye w\u00eareld met uiteenlopende kulture is om te beleef.\" Lees Ina Genade se blog.","breadcrumb":{"@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/#breadcrumb"},"inLanguage":"af-ZA","potentialAction":[{"@type":"ReadAction","target":["https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/"]}]},{"@type":"ImageObject","inLanguage":"af-ZA","@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/#primaryimage","url":"https:\/\/novanews.co.za\/rooirose\/wp-content\/uploads\/2019\/04\/IMG_20190329_162039_502_resized-e1556617641326.jpg","contentUrl":"https:\/\/novanews.co.za\/rooirose\/wp-content\/uploads\/2019\/04\/IMG_20190329_162039_502_resized-e1556617641326.jpg","width":800,"height":900,"caption":"Zaanse Schans."},{"@type":"BreadcrumbList","@id":"https:\/\/novanews.co.za\/rooirose\/ina-genade-as-die-reisgogga-byt-parys-amsterdam\/#breadcrumb","itemListElement":[{"@type":"ListItem","position":1,"name":"Home","item":"https:\/\/novanews.co.za\/rooirose\/"},{"@type":"ListItem","position":2,"name":"Ina Genade: As die reisgogga byt"}]},{"@type":"WebSite","@id":"https:\/\/novanews.co.za\/rooirose\/#website","url":"https:\/\/novanews.co.za\/rooirose\/","name":"rooi rose","description":"Stylvol, sinvol, propvol","publisher":{"@id":"https:\/\/novanews.co.za\/rooirose\/#organization"},"potentialAction":[{"@type":"SearchAction","target":{"@type":"EntryPoint","urlTemplate":"https:\/\/novanews.co.za\/rooirose\/?s={search_term_string}"},"query-input":{"@type":"PropertyValueSpecification","valueRequired":true,"valueName":"search_term_string"}}],"inLanguage":"af-ZA"},{"@type":"Organization","@id":"https:\/\/novanews.co.za\/rooirose\/#organization","name":"Rooi rose","url":"https:\/\/novanews.co.za\/rooirose\/","logo":{"@type":"ImageObject","inLanguage":"af-ZA","@id":"https:\/\/novanews.co.za\/rooirose\/#\/schema\/logo\/image\/","url":"https:\/\/novanews.co.za\/rooirose\/wp-content\/uploads\/2020\/12\/rrlogo.jpg","contentUrl":"https:\/\/novanews.co.za\/rooirose\/wp-content\/uploads\/2020\/12\/rrlogo.jpg","width":400,"height":400,"caption":"Rooi rose"},"image":{"@id":"https:\/\/novanews.co.za\/rooirose\/#\/schema\/logo\/image\/"},"sameAs":["https:\/\/www.facebook.com\/rooirose\/","https:\/\/x.com\/rooi_rose"]},{"@type":"Person","@id":"https:\/\/novanews.co.za\/rooirose\/#\/schema\/person\/265a0c0fe08a83533fe7184f4e0af4a1","name":"Catherine Schenck","image":{"@type":"ImageObject","inLanguage":"af-ZA","@id":"https:\/\/secure.gravatar.com\/avatar\/ee0411948a25053a54e6b9881eaa341017aa0dc5a6c0995c10fe94286ef3aae8?s=96&d=mm&r=g","url":"https:\/\/secure.gravatar.com\/avatar\/ee0411948a25053a54e6b9881eaa341017aa0dc5a6c0995c10fe94286ef3aae8?s=96&d=mm&r=g","contentUrl":"https:\/\/secure.gravatar.com\/avatar\/ee0411948a25053a54e6b9881eaa341017aa0dc5a6c0995c10fe94286ef3aae8?s=96&d=mm&r=g","caption":"Catherine Schenck"}}]}},"distributor_meta":false,"distributor_terms":false,"distributor_media":false,"distributor_original_site_name":"rooi rose","distributor_original_site_url":"https:\/\/novanews.co.za\/rooirose","push-errors":false,"_links":{"self":[{"href":"https:\/\/novanews.co.za\/rooirose\/wp-json\/wp\/v2\/posts\/111964","targetHints":{"allow":["GET"]}}],"collection":[{"href":"https:\/\/novanews.co.za\/rooirose\/wp-json\/wp\/v2\/posts"}],"about":[{"href":"https:\/\/novanews.co.za\/rooirose\/wp-json\/wp\/v2\/types\/post"}],"author":[{"embeddable":true,"href":"https:\/\/novanews.co.za\/rooirose\/wp-json\/wp\/v2\/users\/38"}],"replies":[{"embeddable":true,"href":"https:\/\/novanews.co.za\/rooirose\/wp-json\/wp\/v2\/comments?post=111964"}],"version-history":[{"count":0,"href":"https:\/\/novanews.co.za\/rooirose\/wp-json\/wp\/v2\/posts\/111964\/revisions"}],"wp:featuredmedia":[{"embeddable":true,"href":"https:\/\/novanews.co.za\/rooirose\/wp-json\/wp\/v2\/media\/111997"}],"wp:attachment":[{"href":"https:\/\/novanews.co.za\/rooirose\/wp-json\/wp\/v2\/media?parent=111964"}],"wp:term":[{"taxonomy":"category","embeddable":true,"href":"https:\/\/novanews.co.za\/rooirose\/wp-json\/wp\/v2\/categories?post=111964"},{"taxonomy":"post_tag","embeddable":true,"href":"https:\/\/novanews.co.za\/rooirose\/wp-json\/wp\/v2\/tags?post=111964"}],"curies":[{"name":"wp","href":"https:\/\/api.w.org\/{rel}","templated":true}]}}