{"id":111799,"date":"2019-04-23T13:00:58","date_gmt":"2019-04-23T11:00:58","guid":{"rendered":"https:\/\/novanews.co.za\/rooirose\/?p=111799"},"modified":"2019-05-20T09:09:46","modified_gmt":"2019-05-20T07:09:46","slug":"margaret-se-wereld-n-gesprek-met-zachary-levi-oor-shazam","status":"publish","type":"post","link":"https:\/\/novanews.co.za\/rooirose\/margaret-se-wereld-n-gesprek-met-zachary-levi-oor-shazam\/","title":{"rendered":"Margaret se W\u00eareld: \u2019n Gesprek met Zachary Levi oor Shazam"},"content":{"rendered":"

Margaret se W\u00eareld: \u2019n Gesprek met Zachary Levi oor Shazam deur Margaret Gardiner<\/em><\/p>\n

 <\/p>\n

Ek is nie lief vir strokiesprente nie.<\/p>\n

Toe ek \u2019n kind was, het my ma vir ons \u2019n tydskrif genaamd Look and Learn gekoop. Dit het stories oor die w\u00eareld buite Suid-Afrika gehad en \u2019n afdeling oor werk wat vroue kon doen. Dit het my kop oopgemaak. Soms is ek toegelaat om Archie te lees en ek het met Betty ge\u00efdentifiseer, want ek was destyds nog \u2019n natuurlike blond. Ek het Superman by die seuntjie langsaan geleen en my pa het my aan Asterix voorgestel.<\/p>\n

Nou bevind ek my in \u2019n era van ‘ander’ superhelde. Ek verstaan party van hulle nie, maar ek geniet hulle by geleentheid!<\/p>\n

Dit was die geval toe ek onlangs na New York gevlieg het om \u2019n onderhoud met Zachary Levi<\/strong> van die nuwe Warner Bros.-film, Shazam!<\/strong>, te doen.<\/p>\n

Zach het \u2019n paar jaar gelede die hoofrol in \u2019n televisiereeks genaamd Chuck vertolk. My seun het daarna gekyk toe hy jonk was en ek was gretig om te sien wat Levi sou doen as \u2019n superheld.<\/p>\n

Hy het \u2019n innemende geaardheid. Hy pas perfek in die rol van \u2019n superheld met die lyf en kragte van \u2019n superheld, maar hy speel eintlik \u2019n tiener met die liggaam van \u2019n superheld met spesiale magte.<\/p>\n

Kan jy jouself as tiener voorstel met die begeerte om die w\u00eareld terug te slaan, en dan vind jy uit jy het supermenslike krag?<\/p>\n

Lees ook: Margaret se W\u00eareld: Op die stel van Rocketman<\/a><\/p>\n

\"Margaret<\/p>\n

Daar is \u2019n oorvloed van intriges. Uiteenlopende soorte karakters word voorgestel en daar is \u2019n storie oor boelies en weeskinders. Dit is \u2019n superheld-aksiefilm vir jong mense – met komedie by.<\/p>\n

Voor die vertoning het Zach en die ander rolspelers die gaste vanaf die verhoog verwelkom. Die gehoor het gegil en hande geklap (dit het gevoel asof ek by \u2019n rugbywedstryd was) voor elkeen met \u2019n houer springmielies na die fliek gekyk het.<\/p>\n

Die volgende dag was ek die laaste verslaggewer wat \u2019n onderhoud met Zachary gevoer het. Die onderhoudkamer was donker en Zach het in die kollig op \u2019n regisseursstoel gesit.<\/p>\n

Hy het groot ronde o\u00eb en groot wit Amerikaanse tande. Sy T-hemp kleef aan sy lyf op \u2019n manier wat jou laat verstaan die spiere wat jy op skerm sien, is eg. Hy het hulle vir die rol gebou. Ons begin gesels en hy spring weg. Hy praat letterlik \u2019n kilometer per sekonde en die ernstige vreugde wat jy op skerm sien, skemer deur.<\/p>\n

Ek hou van die manier waarop die goeie ouens uitgebeeld word, en natuurlik is daar \u2019n boelie.<\/p>\n

Tydens die onderhoud onthul Zach dat hy op skool geboelie is en dat hy steeds dieselfde persoon is en verstaan hoekom die gewilde kinders nie van hom gehou het nie. Dit is hartverskeurend dat hy dit so uitbeeld, soos baie wat ook die teiken van boelies was, maak hy \u2019n grap daarvan. Ek dink nie dit was toe snaaks nie en ek dink nie dis nou snaaks nie. Hy sluit af met, “Daar is nooit \u2019n verskoning vir boelie nie.”<\/p>\n

Ek dink ons moet na onsself kyk, as iemand jou ongemaklik laat voel omdat jy hom nie nodig het nie, of omdat hy anders is, is dit maklik om op hom te pik. Om iemand vir iemand te lag omdat jy jaloers is, mag jou beter laat voel. Dit is \u2019n swakheid waarteen ons almal moet waak. My filosofie is as dit nie opbouend is nie, moet dit nie s\u00ea nie. Maar in die werklikheid maak ons almal te vinnig uitsprake en bitsige aanmerkings.<\/p>\n

As ek dit doen, probeer ek daarna terug kyk. Om \u2019n ander mens bloot te stel, bring geen vreugde nie – amper soos \u2019n boom sonder blare.<\/p>\n

Lees ook: Margaret se W\u00eareld: Wat mense kwytraak …<\/a><\/p>\n

\"Margaret<\/p>\n

Die w\u00eareld sou \u2019n beter plek wees as ons nie \u2019n uitspraak oor mense lewer voor ons hulle nie verstaan nie.<\/p>\n

Shazam! help ons om mooi na ander kyk en breek die verskille tussen mense af. Jy sien jouself in die karakters. Dit pak ernstige onderwerpe met humor. As jy pre-tieners het, gaan sien die fliek saam met hulle. Julle beide sal die tradisionele superheld-storie geniet en lekker gesprekspunte kry.<\/p>\n

Die onderhoud is lig en lekker. Kyk hier daarna<\/p>\n