{"id":111186,"date":"2024-02-26T10:18:48","date_gmt":"2024-02-26T08:18:48","guid":{"rendered":"https:\/\/novanews.co.za\/rooirose\/?p=111186"},"modified":"2024-02-26T10:19:14","modified_gmt":"2024-02-26T08:19:14","slug":"die-knusste-kussings-wat-jy-moet-weet-voordat-jy-weer-kussings-koop","status":"publish","type":"post","link":"https:\/\/novanews.co.za\/rooirose\/die-knusste-kussings-wat-jy-moet-weet-voordat-jy-weer-kussings-koop\/","title":{"rendered":"Die knusste kussings: Wat jy moet weet voordat jy weer kussings koop"},"content":{"rendered":"

Die knusste kussings: Wat jy moet weet voordat jy weer kussings koop deur Salom\u00e9 Delport<\/strong>. Hooffoto: \u00a0bruce mars<\/a>\u00a0\u00a0vir Unsplash<\/em><\/p>\n

Jy slaap sleg. Wat is fout?<\/h4>\n

Dr. Dale Ray,<\/strong> senior navorser aan die Sport Science Institute of South Africa, s\u00ea mense skryf hul moegheid toe aan \u2019n verskeidenheid probleme, soos stres, angs, die menopouse, hul skildklier, koffie, medisyne of \u2019n maat wat snork.<\/p>\n

\u201cIntussen word slaapgemak te dikwels afgeskeep. Ons slaap jaar in en jaar uit op ons kussings, matrasse en beddegoed sonder om te besef hoeveel hulle in werklikheid tot jou nagrus bydra.\u201d<\/p>\n

Jou kussing sowaar ook?<\/p>\n

Sy het \u2019n punt beet. Die meeste van ons skaf die beste matras aan wat ons kan bekostig. Maar kussings is \u2019n nagedagte, al is dit vyftig persent van jou gemak. Jy koop iets wat bekostigbaar is, sommer by die goedkoper huiswarewinkels.<\/p>\n

\"Die<\/p>\n

En kyk net hoe jy verplig word om te kies. Niemand van ons word toegelaat om \u2019n kussing vooraf uit te toets nie. Hoe doen jy dit in elk geval? Jy kan nie kussings vir \u2019n proefslapie huis toe neem nie. Daar is waarskynlik nie eens \u2019n bed in sig waarop jy\u00a0die kussing onder jou kop kan inwerk en \u201caanpas\u201d nie. Daarby\u00a0is die kussings meestal in plastiek verpak, wat die uittoets\u00a0verder bemoeilik.<\/p>\n

Die meeste van ons kyk maar na die prys. Baie van ons voel of die kussing hard of sag is. Heelwat van ons let meer op na die draadtelling van ons katoenkussingslope as na die kussing wat ons daarin sit. Net \u2019n paar van ons weet genoeg van vulsels sodat ons dit as \u2019n oorweging gebruik.<\/p>\n

Gaynor Walker<\/strong>, eienaar van Granny Goose, en \u2019n beddegoedkenner soos min, deel met ons haar beste wenke vir die koop van \u2019n kussing.<\/p>\n

\"Die

iStock\/fongleon356<\/p><\/div>\n

Lees ook: Hou bekommernis oor werk jou wakker? Hier is die beste slaapraad<\/a><\/p>\n

Eienskappe van \u2019n nommerpas-kussing<\/h4>\n

Jy kan kussing-koop soos bra-koop benader: sommer die naaste sportbra\u2019tjie aanglip, of jou persoonlike mates gebruik om \u2019n hoogs ge\u00efndividualiseerde nommerpaskussing te koop.<\/p>\n

\"Die<\/p>\n

Lees ook: Ons moet wakker skrik oor slaappille<\/a><\/p>\n

1. Moet jy die nuwe, gemakliker kussingvorms probeer?<\/h4>\n

Die bekende reghoekige kussing het die afgelope dekade begin verander. Die nuwe vorms is nog skaars \u2013 ek het dit nog net by Granny Goose gesien.<\/p>\n

Jy kry nou V-vormige kussings wat heerlik gerieflik vir syslapers is. Die punt van die V pas onder jou nek in, terwyl die arms van die V jou rug en maag ondersteun sodat jy nie vorentoe of agtertoe val nie. So help dit om jou rugwerwels en heupgewrigte in \u2019n gemaklike, stresvrye posisie te hou.<\/p>\n

Daar is ook U-vormige kussings met twee superlang bene wat die kussing so lank soos jy maak. Die bene ondersteun ook jou rug, heupe en knie\u00eb. Hou jy daarvan om in die bed te lees, kan jy die bene terugvou sodat hulle arms vorm en amper soos \u2019n gemakstoel om jou pas.<\/p>\n

Lees ook: 22 slaapprobleme met 22 slaapoplossings<\/a><\/p>\n

\"Die

iStock\/ Demkat<\/p><\/div>\n

2. Is die kussing breed genoeg vir jou?<\/h4>\n

Die meeste van ons het nog reghoekkussings. As jy \u2019n kussing koop, kyk \u2019n slag na die breedte van die reghoek. Jou kop moenie aan die bokant van die kussing \u201coorhang\u201d nie. As jy \u2019n lang nek het, werk \u2019n bre\u00ebr kussing beter.<\/p>\n

Lees ook: Hoe om jou matras skoon te hou<\/a><\/p>\n

\"Die

iStock\/andresr<\/p><\/div>\n

3. Watter vulsel werk vir jou?<\/h4>\n

Die vulsel bepaal hoe jou kussing voel \u2013 en maak \u2019n baie groot verskil aan hardheid, sagtheid, sweterigheid, allergie, hoogte en vormhouding. Hier gaan dit oor persoonlike voorkeure en die praktiese oorwegings wat vir jou belangrik is. Sommige laat jou makliker sweet terwyl ander jou lekker koel hou; party is ekovriendelik en disintegreer heeltemal n\u00e1 jy dit weggegooi het terwyl ander verder bydra tot die plastieklading op Moeder Aarde.<\/p>\n

N\u00e1 jy die lysie van jou voorkeure wat hier volg, deurgewerk het, lees in die kassie langsaan watter vulsel aan jou vereistes sal voldoen.<\/p>\n

Lees ook: Allergies vir stofmyte? Hier is 14 plekke waar hulle in jou huis skuil …<\/a><\/p>\n

\"Die

iStock\/kate_sept2004<\/p><\/div>\n

4. Is die kussing die regte hoogte?<\/h4>\n

Jou slaapposisie en jou skouerbreedte bepaal hoe hoog jou kussing moet wees.<\/p>\n

Iets oor jou slaapposisie: in die ideale slaapposisie l\u00ea jou nek-werwels en rugwerwels in \u2019n reguit lyn. (As jy so l\u00ea, is die kans dat jy snork ook op sy kleinste.)<\/p>\n

Prakties beteken dit dat as jy op jou rug slaap, jy \u2019n plat kussing nodig het, terwyl mense wat op die sy slaap, \u2019n kussing nodig het wat die hele ruimte tussen die skouerknop en die nek vul sodat jou nekwerwels met gemak in \u2019n reguit lyn rus.<\/p>\n

Lees ook: Wat elke vrou moet weet oor slaap en menopouse<\/a><\/p>\n

\"Die

iStock\/penkanya<\/p><\/div>\n

5. Hou jy van \u2019n veerkragtige of plat kussing?<\/h4>\n

Jou kop, vertel Gaynor, weeg 4 -5 kg. Dit is soveel as vier tot vyf liter melk. Jou kussing moet dus \u2019n taamlike gewig kan hanteer.<\/p>\n

\u2019n Vulsel wat baie met lug opgepof is, gaan binne weke deur jou kopgewig platgedruk wees. Dit kan werk vir rugslapers, wat juis \u2019n taamlike plat kussing soek.<\/p>\n

Syslapers soek \u2019n vesel wat veerkragtig is en kan \u201cterugdruk\u201d, soos dons, vere, memory foam en lateks.<\/p>\n

Balvesels kan ook werk, mits die kussing so styf gestop is dat die balletjies nie sywaarts wegrol nie.<\/p>\n

Lees ook: 6 oplossings tot 6 slaapprobleme<\/a><\/p>\n

\"Die

iStock\/AnnaRise<\/p><\/div>\n

6. Hoe sag moet jou kussing voel?<\/h4>\n

Moet jou kussing meegee, of hard wees? Dit is \u2019n persoonlike keuse. Al wat belangrik is, is dat dit jou ruggraat ondersteun sodat die werwels in \u2019n reguit lyn l\u00ea.<\/p>\n

Harder kussings is van soliede materiaal gemaak, soos lateks, of kan net voller gestop wees, soos met dons, vere, mikrovesel of enige van die ander stopmateriale.<\/p>\n

Lees ook: Snork is oukei, maar wat van slaapapnee?<\/a><\/p>\n

\"Die

iStock\/AleksandarNakic<\/p><\/div>\n

7. Hoeveel kussings verkies jy?<\/h4>\n

Twee, drie? As jy bre\u00eb skouers het maar tog \u2019n sagte kussing verkies, werk dit die beste om \u2019n ferm kussing heel onder vir ondersteuning te gebruik, terwyl \u2019n sagter, dunner kussing jou die nodige, gemaklike sagtheid gee.<\/p>\n

Baie mense slaap met ekstra kussings onder, of tussen die knie\u00eb, wat ook help om jou rugwerwels in die gesondste posisie te hou. \u2019n Kussing vir onder die knie\u00eb kan taamlik plat wees, terwyl \u2019n kussing tussen die knie\u00eb vir syslapers heelwat dikker gestop kan wees \u2013 min of meer so dik dat dit jou knie\u00eb so wyd soos jou heupe van mekaar lig.<\/p>\n

Lees ook: Help! Ek kan nie slaap nie!<\/a><\/p>\n

\"Die

iStock\/Alikaj2582<\/p><\/div>\n

Meet jou skouerbreedte so<\/h4>\n