{"id":109210,"date":"2023-03-22T15:00:51","date_gmt":"2023-03-22T13:00:51","guid":{"rendered":"https:\/\/novanews.co.za\/rooirose\/?p=109210"},"modified":"2023-03-22T15:01:07","modified_gmt":"2023-03-22T13:01:07","slug":"maagpyn-laktose-intoleransie-tiener","status":"publish","type":"post","link":"https:\/\/novanews.co.za\/rooirose\/maagpyn-laktose-intoleransie-tiener\/","title":{"rendered":"Veroorsaak laktose-intoleransie jou of jou tiener se maagpyn?"},"content":{"rendered":"

Veroorsaak laktose-intoleransie jou tiener se maagpyn? deur Salome Delport. Hooffoto: iStock\/nensuria<\/a><\/em><\/p>\n

 <\/p>\n

Is babas nie gelukkig nie? Verreweg die meeste word gebore met die vermo\u00eb om melksuiker af te breek. Vir hulle bestaan laktose-intoleransie nie. Hulle laktase-ensiem \u2013 die een wat melksuikers in borsmelk en koeimelk afbreek \u2013 funksioneer optimaal. Daarom floreer hulle op melk!<\/p>\n

Nota:<\/strong> Hierdie artikel gaan oor laktose-intoleransie, nie oor koeimelkallergie nie,\u00a0\u2019n geheel en al ander toestand en een waarmee baie babas sukkel.<\/p>\n

Lees ook: Wat alle ouers moet weet oor allergie en wanvoeding<\/a><\/p>\n

\"Veroorsaak<\/p>\n

 <\/p>\n

 <\/p>\n

Die verskil tussen laktose en laktase<\/h4>\n

Laktose<\/span><\/strong> is die wetenskaplike naam vir melksuiker. Laktase,<\/span><\/strong>\u00a0aan die ander kant, is die naam van die ensiem\u00a0 in jou dermkanaal wat laktose afbreek.<\/p>\n

Lees ook: 11 planne met melkplaasvervangers en melk vir mense met laktose-intoleransie<\/a><\/p>\n

\"Veroorsaak<\/p>\n

 <\/p>\n

 <\/p>\n

Hoekom het party mense laktose-intoleransie?<\/h4>\n

Verreweg die meeste mense in die w\u00eareld en alle soogdiere se laktase-ensiem raak al minder aktief soos natuurlike borsvoeding of soging afneem. By party kom dit heeltemal tot stilstand, terwyl dit by ander net baie minder aktief raak. Prakties beteken dit dat die meeste kleintjies tot op vyf of ses baie goed melksuikers kan afbreek maar nie meer teen tien tot twaalf jaar oud nie. Tieners wat as kinders glase melk sonder probleme kon hanteer begin kla dat melk hulle affekteer.<\/p>\n

By die meeste mense ter w\u00eareld is hierdie natuurlike progressie na laktose-intoleransie die normale gang.<\/p>\n

Lees ook: Wat is die re\u00ebls vir die veilige gebruik van aanvullings?<\/a><\/p>\n

\"Veroorsaak<\/p>\n

 <\/p>\n

 <\/p>\n

Laktasevoortbestaan, die teenoorgestelde van laktose-intoleransie<\/h4>\n

Maar laktose-intoleransie het \u2019n ander kant: laktasevoortbestaan, of lactase persistence<\/em>. Weens \u2019n toevallige mutasie het die laktase-ensiem oorgeskakel na voortbestaan. Dit het vermoedelik in \u2019n klein deel van Wes-Europa ontwikkel – hoofsaaklik Brittanje, Nederland, Duitsland en die Skandinawiese lande. Die meeste van die mense wat laktose-tolerant is, is hul nasate.<\/p>\n

Jy kan jouself indink hoe \u2019n groot voordeel dit was as jy tydens die kosskaars wintermaande koeimelk kon bly gebruik. Vandag is kos regdeur die jaar volop maar die voordele van laktasevoortbestaan geld steeds, wys die 2009 British Women\u2019s Heart and Health Study. Hierdie ondersoek kon bevestig dat die vroue by wie laktase aktief bly minder osteoporose het, minder katarakte het, minder oorgewig is en effens langer is.<\/p>\n

\"Veroorsaak<\/p>\n

 <\/p>\n

 <\/p>\n

Maar het jou tiener laktose-intoleransie?<\/h4>\n

Dit is nie die lekkerste nuus om te hoor vir jou tiener dat hy\/sy laktose-intolerant is nie. Veral nie as hy boonop moet leef in \u2019n w\u00eareld waar melk baie wyd direk \u00e9n verskuil gebruik word.<\/p>\n

Dink net wat die mense met aktiewe laktase-ensiem met die grootste gemak onbeperk elke dag kan geniet, soos lasagne, quiche, vla, melktert, kaaskoek, koek en gebak, vulsels, roomys, mayonnaise, sjokolade, gesondheidstafies, plus van gewone tee en koffie tot al daardie lekker koffieplekvariasies soos macchiato, flat whites, choccoccinos en red espressos.<\/p>\n

Feit is dat jy as ma s\u00f3 sal moet kook dat jou kind gesond voel. Anders gaan hy\/sy die heeltyd sukkel met die simptome van laktose-intoleransie, soos maagpyn, opgeblaasdheid, diarree en winderigheid. Party voel ook sleg, is ge\u00efrriteerd en het hoofpyn.<\/p>\n

Laktose-intoleransie is nie lewensgevaarlik nie maar dit is beslis ongemaklik.<\/p>\n

\"Veroorsaak

iStock\/nensuria<\/p><\/div>\n

 <\/p>\n

 <\/p>\n

Aftiklysie vir diagnose van laktose-intoleransie<\/h4>\n

Begin by diagnose \u2013 sommer tuisdiagnose. Besoek dan jou dokter daarna of as hierdie toetse nie pas nie en as jou tiener steeds siek voel.<\/p>\n

 <\/p>\n

Hoeveel van die volgende is waar vir jou kind?<\/strong><\/p>\n

Di\u00e9 vraelys geld nie net vir tieners nie. Soos ons ouer raak, kan mense wat normaalweg melk kon gebruik het ook laktose-intolerant raak.<\/p>\n

 <\/p>\n