{"id":106148,"date":"2023-11-16T08:22:47","date_gmt":"2023-11-16T06:22:47","guid":{"rendered":"https:\/\/novanews.co.za\/rooirose\/?p=106148"},"modified":"2023-11-16T08:32:29","modified_gmt":"2023-11-16T06:32:29","slug":"seer-voete-voetpyn","status":"publish","type":"post","link":"https:\/\/novanews.co.za\/rooirose\/seer-voete-voetpyn\/","title":{"rendered":"Seer voete: Het jou voetkussinkies te min vet?"},"content":{"rendered":"

Seer voete: Het jou voetkussinkies te min vet? deur Salom\u00e9 Delport. Hooffoto: iStock\/spukkato<\/a><\/em><\/p>\n

 <\/p>\n

Ons voete is so gemaak dat hulle ons laat voel asof ons op wolkies loop. Hierdie “wolkies” onder ons voete is eintlik niks anders as vetkussinkies nie.<\/p>\n

As jy \u2019n kind is, is hulle op hul dikste, en elke tree voel asof jy op \u2019n malvalekker trap. Namate jy ouer word, slyt jou voetvetkussinkies \u2026 en dan word staan en stap \u2019n harder werklikheid. Letterlik.<\/p>\n

 <\/p>\n

<\/h4>\n

Waar sit die vetkussinkies onder jou voete?<\/h4>\n

Soos die naam aandui, is hulle die vet onder jou voete \u2013 die een plek aan jou waar vetjies welkom is. Hulle is strategies geplaas om reg onder jou hakbene en die bal van jou voet op hul dikste te wees, waar hulle die impak van jou been op die oppervlak daaronder absorbeer.<\/p>\n

Podiater Philip Carstens<\/strong> verduidelik dat jou voetkussinkies kan wegslyt. \u201cMense bo veertig se voetkussinkies is weens te veel voetdruk omtrent die helfte dunner as jong mense s\u2019n.\u201d<\/p>\n

 <\/p>\n

 <\/p>\n

Wat is die simptome wat aandui dat dun voetkussinkies die skuld is vir jou seer voete?<\/h4>\n

Jy kan om baie ander redes voetpyn h\u00ea, soos beentjies wat ineengroei, \u2019n voetbrug wat sak, of fasitis. Die tekens van voetpyn weens dun voetvetkussings is egter tipies,\u00a0s\u00ea fisioterapeut Anz\u00e9l Brink<\/strong>. “Dit voel asof jou voete gekneus is, asof daar bloukolle onder elke voet is. Dit is veral seer n\u00e1 jy \u2019n paar uur op jou voete was, soos as jy inkopies gedoen het. Jou voetsole kan ook teer voel na sport. Soos die kussinkies dunner raak, kan jy \u2019n al korter tydjie op jou voete bly voor jy voetpyn begin ervaar – eintlik \u2019n tamheid of teerheid in die voetsole.”<\/p>\n

Bernie Fouch\u00e9<\/strong> s\u00ea dit voel vir haar asof sy op \u2019n mes staan. \u201cEk kan glad nie kaalvoet loop nie. Enige harde oppervlak soos houtvloere en te\u00ebls vang my. As ek buite op die geringste klippie trap, klief die pyn in my gebeente in. Ek hou van toer maar verlede keer was ek behoorlik voetseer n\u00e1 ek net \u2019n uur of twee gestap het. Stort word ook vir my erg. N\u00e1 \u2019n paar minute is die vloer te hard vir my.\u201d<\/p>\n

 <\/p>\n

 <\/p>\n

Hoekom slyt jou voetkussinkies weg?<\/h4>\n

\u201cVoortdurende druk op jou voete laat die vet in die voetkussinkies geleidelik atrofeer, en nuwe vet word nie neergel\u00ea nie. Ons sien dit veral by mense wat baie op hul voete is, soos balletdansers en atlete wat gereeld lang afstande draf. Hoe langer jy swaar druk op jou voete sit, hoe groter is die kans dat jou kussinkies uitslyt, s\u00ea Philip.<\/p>\n

\u201cJy kan ook meer hiermee sukkel as jy oorgewig is (veral met \u2019n BMI bo 30), diabetes het, in jou werk moet staan, meestal kaalvoet op harde oppervlakke loop, harde skoene dra en ho\u00ebhakskoene dra wat die gewig grootliks op die bal van die voete plaas.<\/p>\n

\u201cMense met spesifieke voettipes kan ook meer sukkel, soos di\u00e9 met maer voete sonder veel kussing, \u2019n ho\u00eb voetbrug wat die druk opdie voetbal of hak verhoog, platvoete of stywe, kort ligamente.\u201d<\/p>\n

Lees ook:\u00a0Kruie vir jou voete<\/a><\/p>\n

 <\/p>\n

Raad as jou voete seer is weens te dun voetkussings<\/h4>\n

 <\/p>\n

1 Kry professionele hulp<\/strong><\/p>\n

Maak twee afsprake: een by die podiater vir skoeninsetsels en een by die fisioterapeut om moontlike inflammasie op te los en vir advies oor jou loop- en staanpatrone.<\/p>\n

 <\/p>\n

2 Loop meer kaalvoet<\/strong><\/p>\n

Jou ma was reg oor kaalvoet loop. Loop van jongs af soveel kaalvoet as wat jy kan – en laat jou kinders kaalvoet loop.<\/p>\n

Maar w\u00e1\u00e1r jy kaalvoet loop is belangrik. As jy kaalvoet\u00a0 loop moet dit op sagter oppervlakke wees, soos gras en sagte matte.<\/p>\n

 <\/p>\n

3 Kyk waar jy kaalvoet loop\u00a0<\/strong><\/p>\n

Kaalvoet op gelamineerde hout en te\u00ebls is glad nie so goed vir jou voete as jy bo dertig is nie. As jy eelte ontwikkel, loop jy op t\u00e9 harde oppervlakke of skoensole.<\/p>\n

Dra altyd skoene met sagte sole as jy op harde oppervlaktes staan of loop. As jou voete seer raak, is dit beter om altyd sagte, gemaklike skoene te dra wat jou voete baie vryheid toelaat. Jy het nie veel keuse buitenshuis nie maar dra tuis altyd sagte skoene soos crocs, plakkies of pantoffels.<\/p>\n

 <\/p>\n

4 Sit (soms) \u2019n bietjie!<\/strong><\/p>\n

Lang ure op jou voete plaas die soort druk op jou voete wat voetkussings laat agteruit gaan. As jou werk behels dat jy baie staan moet jy van dertig af sorg dat jy so baie as moontlik wissel van staan na sit. Dit help al klaar as jy elke halfuur of selfs elke uur net vir vyf minute die druk van jou voetkussinkies afhaal.<\/p>\n

Wanneer jy sit, doen die voetoefeninge hieronder.<\/p>\n

 <\/p>\n

5 Fiksheid is goed vir jou voete<\/strong><\/p>\n

Enige sportsoort of gimoefening versterk jou voetspiere, wat sorg dat jou voetstrukture in posisie bly \u2013 die beste manier om voetfunksie te behou.<\/p>\n

Aan die ander kant moet jy onthou dat te veel oefening, oefening in skoene wat nie die impak kan hanteer nie en oefening op harde oppervlaktes soos gimvloere, tennis- en muurbalbane en op binnenshuise netbal- en krieketbane, juis skade aanrig aan jou voete.<\/p>\n

Swem, pilates, NIA, fietsry – enige lae-impakoefening – is reg.<\/p>\n

 <\/p>\n

\"Seer

Bel\u00ea in goeie skoene.
iStock\/NickyLloyd<\/p><\/div>\n

 <\/p>\n

6 Goeie oefening vir jou voete<\/strong><\/p>\n

Strek is s\u00f3 maklik en s\u00f3 doeltreffend om voetpyn weens dun voetkussings te help beperk.<\/p>\n