{"id":105717,"date":"2023-12-12T11:49:10","date_gmt":"2023-12-12T09:49:10","guid":{"rendered":"https:\/\/novanews.co.za\/rooirose\/?p=105717"},"modified":"2023-12-12T11:50:52","modified_gmt":"2023-12-12T09:50:52","slug":"wat-jy-moet-weet-oor-slange-en-slangbyte","status":"publish","type":"post","link":"https:\/\/novanews.co.za\/rooirose\/wat-jy-moet-weet-oor-slange-en-slangbyte\/","title":{"rendered":"Wat jy moet weet oor slange en slangbyte"},"content":{"rendered":"

Wat jy moet weet oor slange en slangbyte deur Salom\u00e9 Delport. Hooffoto:\u00a0Shoemcfly\/istock images\u00a0<\/em><\/p>\n

 <\/p>\n

 <\/p>\n

Wat is die kans dat \u2019n slang my pik?<\/h4>\n

Dit is klein. Kyk net na die syfers: gemiddeld sterf net twaalf mense per jaar in ons land weens slangbyt, teenoor amper 15\u00a0000 verlede jaar op ons paaie. Motors is b\u00e1ie dodeliker as slange \u2013 1 250 keer meer. Tog, as jy in die veld stap of kampeer, is die kans groter dat jy op \u2019n slang kan afkom, veral in die somer. As jy rustig optree, is jy veilig, want slange vlug byna altyd. Dit is \u2019n kwessie van slange en hul gewoontes leer ken sodat ons in vrede saamleef.<\/p>\n

Dit geld stedelinge ook, want bewoonde gebiede is nie \u201cslang-vry\u201d nie. Ek het al \u2019n rinkhals en \u2019n pofadder in Irene raakgeloop. Slange pas verbasend goed in die stedelike gebiede reg tussen ons aan.<\/p>\n

Onthou, \u2019n slangpik is mees-tal ni\u00e9 dodelik nie. As jy binne \u2019n uur by \u2019n hospitaal uitkom, is jou kans om te oorleef 99%.<\/p>\n

Lees ook: Wat jy moet weet oor hondsdolheid<\/a><\/p>\n

 <\/p>\n

 <\/p>\n

Watter slangteengif moet ek in ons noodtas hou? Is dit n\u00e1 die vervaldatum nog taamlik veilig?<\/h4>\n

My antwoord is niks! Moenie slangteengif aanskaf nie; moet dit nooit self inspuit nie; moet dit nie eens aanhou nie.
\nSlangteengif kan opsigself gevaarlik wees. Dit is dus ni\u00e9 geskik vir tuisnoodhulp nie. Teengif word in perdebloed ontwikkel. Vier uit elke tien mense ontwikkel \u2019n allergiese reaksie op die perdebloed, en twee uit elke tien gaan selfs in anafilaktiese skok, en kan sterf. Dus, al is slangteengif wonderlik doeltreffend, moet \u2019n mens dit ni\u00e9 self toedien nie. As dit verkeerd hanteer word, kan die persoon sterf. Dit moet slegs deur mediese personeel in \u2019n hospitaal gegee word, waar jy dadelik die regte hulp kry as jy daarop reageer. Stel liewer vooraf vas waar die naaste hospitaal is, en maak seker almal weet dat julle soontoe moet gaan as iemand gepik word.<\/p>\n

 <\/p>\n

 <\/p>\n

Wat doen slanggif aan jou?<\/h4>\n

\u2019n Slang se gif is bedoel om sy prooi te verlam en te verteer \u2013 presies wat slanggif ook aan mense doen. Daar is drie tipes. Die meeste slange skei al drie af, met een wat oorheersend is vir die slangsoort.<\/p>\n

    \n
  1. \u00a0Neurotoksien<\/strong> tas die senuweestelsel aan en verlam die spier-stelsel \u2013 ook die borskasspiere, sodat jy nie kan asemhaal nie en kan sterf. N\u00e1 so \u2019n pik het jy dringend asemhalinghulp nodig, waarvoor die hospitaal die beste plek is. Van die eerste tekens van \u2019n neurotoksien is dat die persoon tipies sleeptong praat, kwyl\u00a0en moeilik sluk. Die bytplek swel meestal nie.<\/li>\n
  2. Sitotoksien<\/strong> vernietig weefsel. Die bytplek en hele ledemaat swel erg, en die aangetaste dele kan daarna afsterf. Jy kan selfs die ledemaat verloor. Gaan dringend hospitaal toe.<\/li>\n
  3. Hemotoksien<\/strong> tas die bloedstelsel aan. Die bytplek bloei tipies. Soos die gif saam met die bloedstroom versprei, veroorsaak dit van ligte tot erge \u2013 en potensieel dodelike \u2013 inwendige bloeding.<\/li>\n<\/ol>\n

     <\/p>\n

     <\/p>\n

    Ek bly graag ver weg van alle slange. Maar hulle kom na my!<\/h4>\n