{"id":105667,"date":"2018-12-18T10:58:15","date_gmt":"2018-12-18T08:58:15","guid":{"rendered":"https:\/\/novanews.co.za\/rooirose\/?p=105667"},"modified":"2018-12-18T11:48:30","modified_gmt":"2018-12-18T09:48:30","slug":"dink-nuut-oor-goggakos","status":"publish","type":"post","link":"https:\/\/novanews.co.za\/rooirose\/dink-nuut-oor-goggakos\/","title":{"rendered":"Dink nuut oor goggakos"},"content":{"rendered":"

Dink nuut oor goggakos deur Salom\u00e9 Delport. Hooffoto:\u00a0\u00a0MichalLudwiczak<\/a>\/istock images<\/em><\/p>\n

 <\/p>\n

My eerste insekgereg was gedroogde, gesoute meelwurms. Sal ek dit weer eet? Ja wat. Dit was heel smaaklik \u2013 ietwat soos souterige, gepofte rys. Noudat ek weet hoe gesond dit is, is ek \u00e1mper geesdriftig.<\/p>\n

Maar ek moet erken ek het ingewillig net omdat ek by \u2019n mediakonferensie onder druk was. Ek moes ook maar my o\u00eb toeknyp en my daarop instel om daardie beelde van krioelende wurms opsy te skuif en my oop te stel om net te reageer op wat ek proe. Dit was so aanvaarbaar dat ek ook sjokolade-miere en kriek-burito\u2019s probeer het.<\/p>\n

Dit was vier jaar gelede.<\/p>\n

Sedertdien het insekkookkuns vlerke kry \u2013 oorsee meer as hier. Die BBC het dit as een van die toptien-kostendense vir 2017 voorspel. En praat gerus van cuisine, want di\u00e9 kos lyk nie soos verflenste mopaniewurms in \u2019n polistireenbakkie nie.<\/p>\n

Daar is \u2019n doelgerigte poging om insekkookkuns op \u2019n heel nuwe vlak te plaas, met insette van sjefs en navorsers.
\nIn Japan is die Konchu Ryori Kenkyukai (Insect Cuisine Research Association) gestig met die doel om tradisionele insekkookkuns aan te teken en daaruit te leer. Ander instellings wat insekte as cuisine verken, sluit in die Nordic Food Lab in Kopenhagen, Denemarke en The Ento Project in Brittanje.<\/p>\n

 <\/p>\n

Is jy reg vir sprinkane, miere, krieke, besies, ruspes, termiete, en meelwurms op die spyskaart?<\/em><\/h4>\n

 <\/p>\n

As dit by regte insekkos in regte eetplekke kom, kan jy gaan aansit by Archipelago, \u2019n voorste Londense restaurant wat spesialiseer in elegante insekgeregte soos meelwurm faux kaviaar en pangebraaide chermoula-krieke met quinoa, spinasie en dro\u00ebvrugte. In San Francisco kan jy reeds meelwurmroomys en tacos met wasmotlarwes op sommige fynproewersmarkte kry.<\/p>\n

Namate die voorlopers onder die Westerlinge entomofagie (dit is hoe jy die eet van insekte noem) verken, verskyn pragtig gestileerde resepteboeke soos On Eating Insects (Phaedon) en The Insect Cook Book (Columbia University Press).<\/p>\n

Landbounavorsing oor insekte as kosbron het ook ontplof. In 2011 het 46% van die Amerikaanse universiteite al begin met kursusse in een of ander vorm van insekboerdery. Volgens die VN se Voedsel- en Landbou-organisasie fokus die Chinese ruimteprogram op wurms as \u2019n kosbron vir langtermyn-ruimtevaarders.<\/p>\n

Suid-Afrika het ook reeds \u2019n insekplaas, Agriprotein, naby Kaapstad. Met agt miljard vlie\u00eb in produksie is dit een van grootstes ter w\u00eareld. Op sy topkapasiteit kan die plaas 150 ton prote\u00efen produseer op 1 000 m2 teenoor soja,
\nwat in \u2019n goeie jaar en met baie kunsmis en chemikalie\u00eb net 0,9 ton prote\u00efen lewer.<\/p>\n

 <\/p>\n

 <\/p>\n

Wie eet goggas?<\/h4>\n

Die hele w\u00eareld eet \u00e9n geniet insekte. Almal behalwe ons Westerlinge. Buiten die Bybelse Johannes en die Israeliete op trek, het ons geen verwysingsraamwerk oor insekte as kos nie.<\/p>\n

Westerlinge sal anders moet begin dink, s\u00ea die VN se Voedsel- en Landbou-organisasie in \u2019n omvattende verslag oor insekte as alternatief vir vleis, hoender en vis. Die w\u00eareld-bevolking sal teen 2050 op nege miljard staan. Daar is bloot nie genoeg landbougrond om vleis te produseer nie.<\/p>\n

Nog \u2019n probleem wat met insekte opgelos kan word, is waterskaarsste. Daar word bereken dat 70% van ons vars water in voedselproduksie gaan. Volgens die VN verg dit 2 300 liter vars, topgehalte water om net een kilogram hoendervleis tot op jou bord te bring.<\/p>\n

Maar ons Westerlinge gril \u2026<\/p>\n

 <\/p>\n

 <\/p>\n

Kan jy ophou gril?<\/h4>\n

Nordic Food Lab s\u00ea die publiek sal nie inkoop op insekkos bloot omdat dit \u2019n groen konsep is nie. Dit sal werk as ons proe \u00e9n daarvan hou \u2013 of selfs m\u00e9\u00e9r daarvan hou. Hulle wys daarop dat bylarwes, net soos heuning, die geure van die blomme van die omgewing dra. Bylarwe-mosterd smaak heerlik aards, met herkenbare variasies.<\/p>\n

Dit \u00eds lekkerder as gewone mosterd. S\u00ea hulle.<\/p>\n

Kriekmeel en termietpap (reeds beskikbaar) \u00eds \u2019n uitdaging vir ons persepsies. Ons sien kriewelende pootjies wat sespoot vassteek en verseg om gesluk te word.<\/p>\n

Ons is mos gewoond aan verpakte, verwerkte vleis. Die biefstuk en omelet op jou bord herinner jou op geen manier aan \u2019n sagmoedige Jerseykoei of \u2019n moederlike hoenderhennetjie met haar string kuikentjies nie.<\/p>\n

Terloops, insekte behoort ook van vegetari\u00ebrs tot vis-, vrugte- en hoendereters te geval. In die stadium lyk dit nie of ons binnekort vars en\/of herkenbare insekgeregte by die plaaslike Spar te koop gaan kry nie. Dit sal veel eerder verwerk aangebied word, soos as bestanddeel in souse en in verwerkte vorms soos balletjies, velletjies en poeiers. Dink aan al die vorms en geure waarin koring, mielies en mout as ontbytpappe aangebied word.<\/p>\n

Lees ook: Kan \u2019n vegetari\u00ebr ooit genoeg prote\u00efene kry?<\/a><\/p>\n

Help, \u2019n veganis en vegetari\u00ebr kom eet by my!<\/a><\/p>\n

Jy gaan vir seker in die toekoms insekprote\u00efen gebruik, in onder meer prote\u00efenverrykte kos, prote\u00efenstafies, maaltydaanvullers en spierbouers \u2026 sover ons kon vasstel nog nie in SA nie.<\/p>\n

Jy sal dus kan smul, sonder om deur pootjies en vlerke gekonfronteer te word.<\/p>\n

 <\/p>\n

 <\/p>\n

\u2019n Silwerskoon bedryf<\/h4>\n

Daar is w\u00eareldwyd dosyne insekplase aan die ontwikkel. Moenie dink moderne insekplase lyk soos vullishope nie. Soos met enige voedselfabriek of verwerkingseenheid is dit higi\u00ebniese plekke waar streng gehaltebeheer geld.
\nVan die voordele van insekboerdery is<\/p>\n