{"id":104977,"date":"2018-12-04T10:56:36","date_gmt":"2018-12-04T08:56:36","guid":{"rendered":"https:\/\/novanews.co.za\/rooirose\/?p=104977"},"modified":"2018-12-06T10:15:24","modified_gmt":"2018-12-06T08:15:24","slug":"margaret-se-wereld-wees-trots-op-suid-afrikaners","status":"publish","type":"post","link":"https:\/\/novanews.co.za\/rooirose\/margaret-se-wereld-wees-trots-op-suid-afrikaners\/","title":{"rendered":"Margaret se W\u00eareld: Wees trots op Suid-Afrikaners"},"content":{"rendered":"

Margaret se W\u00eareld: Wees trots op Suid-Afrikaners deur Margaret Gardiner.<\/em><\/p>\n

 <\/p>\n

Ek raak nie maklik jaloers nie. Ek gun ander hul sukses en geluk. Maar ek moet erken ek is jaloers as ek sien hoe ander lande hul bekendes hanteer wat buite hul landsgrense woon.<\/p>\n

Die Australi\u00ebrs, Duitsers, Italianers en Franse bekendes word dadelik gesteun en bemark. Daar is baie van hulle\u00a0 in die bedryf, en selfs dan skarrel die lande om hulle te vertoon.<\/p>\n

Maar nie juis die Suid-Afrikaners nie. Daar beweeg nie baie Suid-Afrikaners deur Los Angeles vir onderhoude nie.<\/p>\n

Charlize Theron<\/strong> het in so \u2019n mate sukses behaal dat dit moeilik is om haar te ignoreer, maar dis vir my moeiliker om onderhoude met ander Suid-Afrikaners vas te maak. Ek is nie seker of dit is omdat hulle plaaslik so baie publisiteit kry nie of<\/em> \u2026<\/p>\n

Di\u00e9 gedagte het by my opgekom aangesien ek die afgelope maand met minstens vier Suid-Afrikaners te doen gekry het wat groot sukses behaal.<\/p>\n

\"Margaret<\/p>\n

Schalk Burger<\/strong> het die ongelooflike film Ellen: The Ellen Pakkies Story<\/em><\/a> vervaardig. Dit is die verhaal van Ellen Pakkies<\/strong>, \u2019n vrou wat daartoe gedryf word om haar eie seun te vermoor. Dit is uitstekend gedoen en die ongelooflike Jill Levenberg<\/strong> speel die ma, wat ons \u2019n kykie gee in haar innerlike stryd met moedersinstink, vergifnis en beskerming, terwyl haar seun haar huis en lewe verwoes. Die rolprent beeld uit hoe mense w\u00eareldwyd sukkel om tikverslawing te hanteer. Vir verslaafdes is dit \u2019n ontsnapping aan die werklikheid, maar vir diegene wat hulle liefhet, is dit hel. Di\u00e9 rolprent is gelyk aan Ben is Back<\/em> en Beautiful Boy<\/em>, albei uit Hollywood en gelaai met sterre, maar ons rolprent neem jou deur die probleem van die slagoffer sowel as sy gesin.<\/p>\n

\"Margaret

Regisseur Donovan Marsh en Gerard Butler as Capt. Joe Glass op die stel van Hunter Killer. Fotograaf: Jack English.<\/p><\/div>\n

Volgende is Donovan Marsh<\/strong>, wat Gerard Butler<\/strong> in Hunter Killer<\/em> geregisseer het. Die Suid-Afrikaner en die ster het saam \u2019n opwindende riller geskep. Dit is pure vermaak en ek het die teater met \u2019n positiewe gevoel verlaat. Butler speel \u2019n man wat tot die uiterste gedryf word as\u00a0 leier van \u2019n groep in ongewone omstandighede. Sy span werk nie saam nie. Marsh se regie kan nie onderskat word nie.<\/p>\n

Dit bring my by die super-Suid-Afrikaner, Troye Sivan<\/strong>, wat in\u00a0Boy Erased<\/em><\/a> teenoor Nicole Kidman<\/strong><\/a> speel.<\/p>\n

\"Margaret<\/p>\n

Marsh was Sivan se regisseur in \u2019n Suid-Afrikaanse trilogie, Spud<\/em>, wat op \u2019n reeks plaaslike boeke gegrond is. Hy woon nou in Amerika en soms in Australi\u00eb. Die Australi\u00ebrs beskou hom as hul eiendom in my onderhoud met hom op my YouTube-kanaal. Hy\u00a0praat oor wat Suid-Afrika vir hom beteken. Hy het ook die liedjie van die rolprent geskryf en gesing. Kyk na sy vertoning op my Instagram-rekening.<\/a><\/p>\n