{"id":104828,"date":"2019-08-22T12:43:09","date_gmt":"2019-08-22T10:43:09","guid":{"rendered":"https:\/\/novanews.co.za\/rooirose\/?p=104828"},"modified":"2019-08-22T12:43:09","modified_gmt":"2019-08-22T10:43:09","slug":"keanu-reeves-enigma","status":"publish","type":"post","link":"https:\/\/novanews.co.za\/rooirose\/keanu-reeves-enigma\/","title":{"rendered":"Keanu Reeves: Enigma"},"content":{"rendered":"

Keanu Reeves: Enigma deur Margaret Gardiner. Hooffoto: Magnus Sundholm vir die HFPA.<\/em><\/p>\n

 <\/p>\n

Op 54 lyk Keanu Reeves<\/strong> steeds nie veel anders as die jong ou wat dekades gelede in die lawwe komedie Bill & Ted\u2019s Excellent Adventure<\/em> sy eerste buiging op die silwerdoek gemaak het nie. Sedertdien het sy rolle in trefferflieks soos Speed, Point Break, The Matrix en Something\u2019s Gotta Give<\/em> van hom \u2019n bekende Hollywood-gesig gemaak.<\/p>\n

Hy is baie slim. En baie snaaks \u2013 een van daardie ouens wat met \u2019n ernstige gesig die grootste klomp nonsens kwytraak sonder dat jy agterkom dat hy besig is om met jou die gek te skeer. Maar wanneer dit by onderhoude kom, is hy meestal nie \u2019n maklike man nie. Hy is hoflik maar jy moet gewoonlik met een-woord-antwoorde tevrede wees. Daarby het hy die gewoonte om jou uitdrukkingloos aan te staar en \u2019n paar sekondes lank te aarsel voor hy praat sodat jy begin dink dat hy jou nie gehoor het nie, of dat hy nie verstaan wat jy s\u00ea nie.<\/p>\n

Gelukkig is sy antwoorde die senutergende proses werd. Toe hy met rooi rose<\/em> in die London Hotel in Los Angeles gesels het, was hy baie meer tegemoetkomend as tevore en het nie geskroom om oor sy persoonlike lewe te praat nie.<\/p>\n

 <\/p>\n

 <\/p>\n

Jy was al in soveel flieks maar van jou persoonlike lewe weet ons eintlik min?<\/strong><\/span>
\nEk gaan nie baie uit nie (lag). Ek is meestal by die huis. Ek werk, ek studeer …<\/p>\n

 <\/p>\n

Maar hoe kry jy dit reg om uit die kollig te bly? Wat beteken roem vir jou?<\/span><\/strong>
\nDie woord \u201cfame<\/em>\u201d kom van die Latynse woord \u201cfama<\/em>\u201d wat beteken dat jy \u201cbekend\u201d geword het. Ek dink dis baie koel dat ek die geleentheid het om werk te kan doen waarvan die gehore hou. Ek hou daarvan om mense te ontmoet, te gesels, raakpunte te kry …<\/p>\n

Dis lekker om iemand se hand te skud en \u2019n handtekening uit te deel, of \u2019n selfie te neem. En in die vermaaklikheidsw\u00eareld is die erkenning van ander kunstenaars ewe belangrik. Dit skep geleenthede om my werk te kan doen en kreatief te wees. Dis waaroor alles gaan.<\/p>\n

 <\/p>\n

Waar bly jy?<\/span><\/strong><\/p>\n

Ek bly in West Hollywood. Jy kan my adres google (lag). Dis \u2019n mooi huis, nie baie groot nie.<\/p>\n

 <\/p>\n

Ek het iewers gehoor dat jy jou eie motorfiets ontwerp het? Is dit omdat jy nie iets op die mark gekry het waarvan jy hou nie?<\/strong><\/span><\/p>\n

Ja. Ek het \u2019n motorfietsmaatskappy, Arch Motorcycles, gestig en ons vervaardig motorfietse op bestelling. Eintlik verkoop ons \u2019n motorfiets-ervaring wat jy n\u00earens anders kan kry nie. Ek wil graag elke dag iets skep waaroor ek passievol is, en in my geval is dit motorfietse.<\/p>\n

 <\/p>\n

Jy laat motorfietse soos kunswerke klink?<\/span><\/strong><\/p>\n

Ja, motorfietse is vir my pragtig. Arch Motorcycles<\/em> bied vir my die geleentheid om iets moois te skep waarin vorm en funksie bymekaarkom. Ek dink ons is suksevol met die vorm-en-funksie-aspek. Maar dis nie goedkoop nie. Dis immers nie \u2019n hamburger nie (lag) – dis \u2019n pragtige motorfiets. In di\u00e9 stadium vervaardig ons net een model omdat ons aspekte soos hoogte, voetposisie\u00a0 en kontrole in ag moet neem om die produk by jou behoeftes te laat aanpas. Dis amper soos om \u2019n pak klere te laat maak wat perfek pas.<\/p>\n

 <\/p>\n

Hou jy daarvan om met jou motorfiets te toer?<\/span><\/strong><\/p>\n

Ja, in Frankryk het ek die R\u00fbe de Napoleon-roete gevolg wat ongelooflik was. Ek het \u2019n paar in Noord-Australi\u00eb en Amerika gedoen maar ek wil nog in Itali\u00eb, Spanje en Suid-Amerika ook uitkom. Dis op my bucket list<\/em>. Ek is nou op daardie ouderdom waar my lys van teleurstellings \u2019n bucket list<\/em> word! (lag). Hopelik sal ek by \u2019n paar uitkom voor ek op my sterfbed l\u00ea (lag) maar hopelik sal ek ook die goeie goed onthou wat ek wel gedoen het.<\/p>\n

 <\/p>\n

Jy klink vandag baie spontaan en gelukkig. Is jy op \u2019n goeie plek in jou lewe? Wat dink jy van die liefde?<\/span><\/strong><\/p>\n

Die liefde … Ek dink dis die liefde wat ons gee en ontvang wat ons lewe voed. Dis ook die essensie van alles waarna ons op soek is en waarop ons hoop. En namate ons ouer word, verander en ontwikkel daardie liefdesverhaal. Dit gaan later nie meer net oor jou persoonlike verhouding nie maar ook oor jou vriendskappe en familie. Die liefde is \u2019n krag en die verskillende kleure, verantwoordelikhede en verbindings daarvan word deur die aard van die verhouding bepaal. Dis so noodsaaklik soos water, daarsonder sal ons sterf. Dit geld nie net een-tot-een verhoudings nie maar ook gemeenskappe. Gemeenskappe kan liefde deel. Dit skep ondersteuning, geleenthede en gedeelde hoop. Dit vertel die stories van ons lewe en bind mense saam – ons is bly wanneer iemand trou en hartseer wanneer iemand skei.<\/p>\n

 <\/p>\n

En waar bevind jy jou nou?<\/span><\/strong><\/p>\n

As ek eerlik wil wees, het ek seker \u2019n paar duisend van die 984 000 weergawes van die liefde. Maar eintlik is ek baie tradisioneel. Ek is nie getroud nie, ek het nie kinders nie, maar dis iets waarvan ek dalk sal hou.<\/p>\n

 <\/p>\n

 <\/p>\n

“Ek is nie getroud nie, ek het nie kinders nie, maar dis iets waarvan ek dalk sal hou”<\/span><\/h4>\n

 <\/p>\n

 <\/p>\n

Is dit op jou wenslysie?<\/span><\/strong><\/p>\n

\u2019n Vrou en kinders was nog altyd op my lys. Daar is \u2019n doen-lys en \u2019n hoop-lys. Hopelik is ek nog eendag gelukkig genoeg.<\/p>\n

 <\/p>\n

Jy het al baie gereis. Watter plekke het jou meegevoer?<\/span><\/strong><\/p>\n

Boedapest. En die ongelooflike klein dorpies in Buton waar ons Little Buddha<\/em> verfilm het. Maar ek het nog nie genoeg gereis nie \u2013 ek het immers \u2019n lang lys moet-sien plekke (lag).<\/p>\n

Ek werk dikwels in die buiteland maar dit bring mee dat jy uiteraard al jou tyd in jou hotel en op die rolprentstel deurbring. Dis gewoonlik \u2019n baie ge\u00efsoleerde ervaring. Jy\u2019s boonop op \u2019n rolprentdieet wat beteken dat jy ook nie eens lekker kan gaan uiteet nie.<\/p>\n

Ek het op 15 besluit ek wil \u2019n akteur word. Ek het Hemingway gelees en gedink Parys is die plek vir my. My belangstelling in kuns en kos het my ook aangevuur. Ek onthou nog hoe ek op \u2019n keer twee-uur in die oggend op \u2019n brug in die middel van Parys \u2019n swaardgeveg teen myself gehad het …<\/p>\n

 <\/p>\n

Jy is in Libanon gebore?<\/span><\/strong><\/p>\n

Ja, my ma was destyds 21 en my pa 22. Hulle het dit baie geniet om daar te bly. Hulle het van die kultuur gehou en natuurlik die strande ook. My ma vertel graag die storie van die taxi-bestuurders wat vyf tale kon praat. Ek het nooit weer die geleentheid gehad om terug te gaan soontoe nie, maar hopelik kan ek dit nog doen.<\/p>\n

 <\/p>\n

Jy is nou 54, maar jy lyk nog so jonk! Hoe kry jy dit reg?<\/span><\/strong><\/p>\n

Dis seker maar gene. Ek het deesdae meer rome en produkte nodig, en ek het my lyf al deur baie dinge gesit (lag).<\/p>\n

 <\/p>\n

Doen jy enigiets spesifieks om so jonk te lyk?<\/span><\/strong><\/p>\n

Ek kyk goed na my vel en ek probeer \u2019n gebalanseerde lewe lei, hoewel ek van eet en drink hou. Ek het \u2019n wonderlike persoonlike afrigter saam met wie ek al dekades lank werk. Sy sal so af en toe vir my \u2019n boodskap stuur en om te s\u00ea dat sy my lank laas gesien het en dan wend ek maar weer \u2019n poging aan om te oefen.<\/p>\n

 <\/p>\n

Wat is jou gunstelingdrankie?<\/span><\/strong><\/p>\n

Water (lag). Ek is mal oor \u2019n glas yskoue water wanneer ek dors is. Maar andersins is dit rooiwyn of whisky.<\/p>\n

 <\/p>\n

 <\/p>\n

Meer oor Keanu<\/strong><\/p>\n