{"id":102711,"date":"2018-10-19T13:08:16","date_gmt":"2018-10-19T11:08:16","guid":{"rendered":"https:\/\/novanews.co.za\/rooirose\/?p=102711"},"modified":"2018-10-19T13:10:25","modified_gmt":"2018-10-19T11:10:25","slug":"margaret-se-wereld-n-besige-blitsbesoek-aan-new-york","status":"publish","type":"post","link":"https:\/\/novanews.co.za\/rooirose\/margaret-se-wereld-n-besige-blitsbesoek-aan-new-york\/","title":{"rendered":"Margaret se W\u00eareld: \u2019n Besige blitsbesoek aan New York"},"content":{"rendered":"

Margaret se W\u00eareld: \u2019n Besige blitsbesoek aan New York deur Margaret Gardiner. Hooffoto: Margaret Gardiner.<\/em><\/p>\n

 <\/p>\n

Ek is in New York en, wag, hoeveel onderhoude moet ek doen?!<\/p>\n

\"\"

Ek, sonder grimering, rasend honger, maar ek stop gou by die New Yorkse openbare biblioteek vir \u2019n foto voor ek hotel toe gaan.<\/p><\/div>\n

N\u00e1 die besige tyd met die Emmy-toekennings<\/a> het ek geweet ek moet dit rustiger vat, maar toe kom die kans om onderhoude te doen met Jamie Dornan<\/strong> van\u00a050 Shades Of Gray<\/em>-faam, Peter Dinklage<\/strong> van\u00a0Game of Thrones <\/em>en Hugh Jackman<\/strong> wat in die nuwe fliek,\u00a0The Front Runner<\/em>, speel. En daarby ook onderhoude met \u2019n hele spul akteurs van gewilde TV-vertonings! Ek was \u2019n bietjie moeg n\u00e1 die onlangse gesondheidskwessies en sosiale avonture, maar gelukkig slaap ek lekker op vliegtuie. Die vyf uur lange vlug van die weskus na die ooskus van Amerika sal ononderbroke slaap verseker.<\/p>\n

Lees ook: Margaret se W\u00eareld: Die Emmy-toekennings<\/a><\/p>\n

Ek bly in een van die nuwe boetiekhotelle in Manhattan, The Andaz. Dit is kunstig en die klerekas is van glas.<\/p>\n

\"\"

\u2019n Klerekas van glas!<\/p><\/div>\n

Die gratis bottels water en versnaperinge is \u2019n voordeel in \u2019n stad waar \u2019n glas melk met kamerdiens jou $50 kan kos. Baie lekker! Maar die ontvangs volg nie altyd navrae op nie, en hul personeel kan gerus \u2019n bietjie opgelei word in doeltreffende kli\u00ebntediens en kommunikasie.<\/p>\n

Ek neem altyd die vroegste vlug na New York sodat ek kan aanpas en voorberei.<\/p>\n

\"\"

Ek en Demi-Leigh by die Mej. SA-re\u00fcnie vroe\u00ebr vanjaar<\/p><\/div>\n

Ek arriveer laatmiddag in Manhattan. Die lug is klam. Ek en ons huidige Mej. Heelal, Demi-Leigh Nel-Peters<\/strong>, het al vergeefs probeer om mekaar in New York te ontmoet. Maar di\u00e9 keer het ons dit reggekry. Ek wou haar nooi na die premi\u00e8re van die Emma Stone<\/strong>-TV-reeks,\u00a0Maniac<\/em>, maar sy moes weer \u2019n vlug haal.<\/p>\n

\"\"

Emma Stone doen promosiewerk vir Maniac, \u2019n reeks waarin sy verskeie karakters speel. Foto: Magnus Sundholm vir die HFPA.<\/p><\/div>\n

Die goeie nuus is dat elkeen van ons op die regte tyd beskikbaar was. Demi was op pad na die gimnasium en ek het pas met \u2019n vlug-haredos gearriveer. My gesig wys die vlugvoosheid en die letsel. (Ek vlieg sonder grimering sodat ek my gesig teen die dro\u00eb lug op die vliegtuig kan behandel.)<\/p>\n

Lees ook Margaret se onderhoud met Demi-Leigh: Die mooiste in die Heelal<\/a><\/p>\n

Ons stem saam dat ons voorkoms nie die rede is waarom ons mekaar ontmoet nie. Ek kies koers na my hotel in die noordooste en sy stap suidwes. Ons sien mekaar oorkant die straat by \u2019n verkeerslig en gil van plesier. Ons drink koffie (ek) en sap (sy) en gesels lekker. Ons kuier te lank, gee mekaar \u2019n drukkie en belowe om volgende keer weer te probeer.<\/p>\n

\"\"<\/p>\n

Terwyl sy wegstap, neem ek \u2019n sirkelroete terug na die hotel om die stad se klam lug te ervaar. Dit raak skemer in die Big Apple en die mis begin aan die wolkekrabbers \u201ceet\u201d. Mense speel tafeltennis en ek wonder wie van hulle die volgende dag gaan werk, want dit is al n\u00e1 nege.<\/p>\n

Ek is honger!<\/em> Ek stap by die hotelkroeg in. Dit is polsend besig, maar hulle kry \u2019n tafel vir een. Die vertrek is aards. Donker hout. Atmosferiese beligting. My kos arriveer. Kammossels op \u2019n bed van mieliepuree met olywe, tamaties en koljanderblare vir my grommende maag. Heerlik! Die tekstuur van die mielies is die basis van \u2019n mengsel geure. Ek adem dit in, maar dit is weg voor jy kan s\u00ea: Smaak heerlik! Ek gaan na my kamer om vir die onderhoude voor te berei.<\/p>\n

Die volgende dag doen ek onderhoude met die akteur van Bull, Michael Weatherly<\/strong>, wat voorheen in NCIS was. Sy hand is in \u2019n verband toegedraai. Ons gesels en hy vertel \u2019n lang kreatiewe storie, maar bly die einde verander. Hy erken uiteindelik sy hand makeer niks. Hy wou net \u2019n geselspunt skep. Hy is een van die snaaksste mense, maar hy het hartseerdae as kind beleef.<\/p>\n

Instinct, Private Life, Escape at Dannemora<\/em> en The Good Doctor<\/em> vlieg verby. So ook My Dinner with Herv\u00e9<\/em>, A Private War,<\/em> albei met Jamie Dornan<\/strong>, en Maniac<\/em> met Emma Stone<\/strong>. Ek doen ook \u2019n vinnige video-onderhoud vir die Globe-webtuiste.<\/p>\n

Lees ook Margaret se onderhoud met Jamie Dornan: Jamie Dornan: 50 skakerings van interessant<\/a><\/p>\n

\"\"

Video-onderhoud met Jamie Dornan<\/p><\/div>\n

Die ster van The Good Fight<\/em>, voormalig van The Good Wife<\/em> en Mama Mia<\/em>, Christina Baranski<\/strong>, is brandmaer en onberispelik aangetrek. Aan die einde van die dag doen ek \u2019n onderhoud met Hugh Jackman<\/strong> vir The Front Runner.<\/em> Hierdie man is beslis een van die gaafste mense in die vermaakbedryf. Ek vra die kameraman om \u2019n wye hoek te neem om die letsel te verbloem en Hugh, wat na die gesprek luister, bied aan dat ons sitplekke ruil sodat die kamera kan fokus op die kant van my gesig waar die letsel nie sigbaar is nie. Hoe gaaf! Ek waardeer sy aanbod. Ons gesels lekker oor die fliek wat handel oor die tyd toe die pers begin het om in die persoonlike lewe van politici te krap. (Sluit aan by my YouTube-kanaal<\/a> om die onderhoud te sien.)<\/p>\n