{"id":101241,"date":"2025-09-18T11:18:18","date_gmt":"2025-09-18T09:18:18","guid":{"rendered":"https:\/\/novanews.co.za\/rooirose\/?p=101241"},"modified":"2025-09-18T11:30:28","modified_gmt":"2025-09-18T09:30:28","slug":"eier-goed-brein-baba-hart-omega","status":"publish","type":"post","link":"https:\/\/novanews.co.za\/rooirose\/eier-goed-brein-baba-hart-omega\/","title":{"rendered":"Waarom eiers ‘n plek op jou bord verdien"},"content":{"rendered":"

Deur Salom\u00e9 Delport. <\/em><\/p>\r\n

 <\/p>\r\n

Vraag: Hoeveel vet is in \u2019n eier?<\/strong><\/h4>\r\n

Antwoord: Net een enkele teelepeltjie!<\/strong><\/p>\r\n

Die vette in eiers is regtig min genoeg. Een eier bevat maar net 5-6g vet \u2013 net soveel as in een teelepel botter (dink aan botterkoffie!), olie of margarien. Selfs maer vleissnitte bevat drie keer meer vette per porsie. \u2019n Opgehoopte eetlepel gerasperde kaas (soveel as wat mens tipies op \u2019n twee-sny toebroodjie sit) bevat 10-12g vette. As jy jou eier in \u2019n lepel kookolie gaar maak, of twee lepels botter gebruik om jou Franse eierbroodjie te braai, is dit nie die eier se skuld dat daar baie vet in die gereg is nie. As jy vette wil bespaar, moenie op eiers sny nie. Kyk liewer hoe en waarin jy jou kos gaarmaak. As dit nie noodsaaklik is om kos te braai nie, moenie! \u00a0<\/p>\r\n

 <\/p>\r\n

Vraag: Ek is besorg oor die vette in diereprodukte, soos eiers? <\/strong><\/h4>\r\n

Antwoord: Moenie wees nie \u2013 dit sluit gesonde omega-3s in<\/strong><\/p>\r\n

Elke eier bevat natuurlik sowat 180mg omega-3 vetsure. En dan kan jy nog omega-3 verrykte eiers koop. Die meeste voedingkenners beveel aan dat jy sowat 250mg per dag gebruik. Met net een eier is jy amper daar.<\/p>\r\n

Lees ook:\u00a08 maklike breinoefeninge wat vir almal werk<\/a> \u00a0<\/p>\r\n

 <\/p>\r\n

Vraag: Tel eier as \u2019n diereprote\u00efen? <\/strong><\/h4>\r\n

Antwoord: Ja \u2013 en dit is die goudstandaard vir alle prote\u00efene<\/strong><\/p>\r\n

As jy doelbewus kies wat jy eet omdat jy jou gewig dophou kyk mens meestal net na kilojoules en\/of koolhidrate. Eiers is hiervoor uitstekend maar eiers kry selfs ho\u00ebr punte vir die gehalte van die prote\u00efen daarin. Dit word selfs as die goudstandaard gebruik waarteen alle ander prote\u00efene \u2013 selfs skaap en biefstuk \u2013 gemeet word. Eiers tel as \u2019n volledige prote\u00efen omdat dit al nege van die essensi\u00eble aminosure (prote\u00efenboustene, wat ons liggame nie self kan vervaardig nie; ons kan hulle net uit ons kos kry) bevat. Maar dalk wou jy eintlik weet hoe vegetari\u00ebrs eiers sien? Kyk na die volgende vraag. \u00a0<\/p>\r\n

 <\/p>\r\n

Vraag: Kan ek eiers vir my vegetari\u00ebrkind voorsit? <\/strong><\/h4>\r\n

Antwoord: Ja, eiers is goed vir hom<\/strong><\/p>\r\n

Vegetari\u00ebrs eet eiers terwyl veganiste eiers uitsluit. Pollotari\u00ebrs<\/a> eet eiers \u2013 en baie pesketari\u00ebrs ook. Omdat al hierdie dieetstyle rooivleis uitsny moet hulle ekstra moeite doen om seker te maak dat hulle genoeg van al die noodsaaklike aminosure inkry<\/a>, deur byvoorbeeld te sorg dat hul dieet sade \u00e9n grane \u00e9n neute \u00e9n peule insluit. As jy egter \u2019n eier eet kry jy al nege noodsaaklike aminosure op een slag. Boonop is die prote\u00efen in eiers baie meer biobeskikbaar as die prote\u00efen in plantbronne daarvan. Om dit anders te stel: as jy \u2019n eier eet weet jy jy kry al die noodsaaklike aminosure, terwyl spesifieke voedingstowwe in plante kan keer dat van die aminosure opgeneem word. \u00a0<\/p>\r\n

 <\/p>\r\n

\"Eiers:

VladislavStarozhilov\/istock images<\/p><\/div>\r\n

 <\/p>\r\n

Vraag: Moet ek \u2019n bietjie spinasie by my eier sit vir anti-oksidante? <\/strong><\/h4>\r\n

Antwoord: Eiers is s\u00e9lf \u2019n anti-oksidant!<\/strong><\/p>\r\n

Anti-oksidante kom nie net in rooi, groen en geel vrugte en groente voor nie; eiers bevat ook kragtige anti-oksidante soos vitamien E en selenium. Die waarde van \u2019n eier as \u2019n anti-oksidant word eintlik heeltemal vergeet. Maar spinasie, tamatie, sampioene, basilieblare en pietersielie saam met jou eier is altyd \u2019n uitstekende keuse. Hulle verskaf vesel, wat afwesig in eiers is. (Dit is eintlik \u2019n goeie wenk wat jy met daardie vraag beet het – om dit mens se persoonlike re\u00ebl te maak dat jy altyd vesel saam met jou eier sal eet.) \u00a0<\/p>\r\n

 <\/p>\r\n

Vraag: Kan ek \u2019n gekookte eier vir my kind inpak skool toe? <\/strong><\/h4>\r\n

Antwoord: Ja, dit hou drie, vier dae!<\/strong><\/p>\r\n

Die dop van \u2019n eier is die wonderlikste verpakking denkbaar. Dit hou al die voedingstowwe binne \u00e9n al die kieme buite, by rou en selfs by gekookte eiers. Dus, solank die eier nie afgedop is nie, is dit uitstekende padkos, skoolkos, werkskos, piekniekkos, veldkos en selfs koshuiskos. In die somer hou \u2019n hardgekookte eier drie dae op enige koel plek, al is dit buite die yskas. In die winter kan dit vier dae hou. \u00a0<\/p>\r\n

 <\/p>\r\n

Vraag: Hoeveel kilojoules is in \u2019n eier? <\/strong><\/h4>\r\n

Antwoord: Verbasend min!<\/strong><\/p>\r\n

Daar is net 330kJ in \u2019n groot eier. Dit is \u2019n derde tot die helfte minder as in rooivleis, maer maalvleis, varkvleis, skaapvleis en selfs hoendervleis wat 800-1 200kJ in \u2019n gewone porsie van sowat 100g bevat, afhangende van hoe dit gaar gemaak is. Selfs \u2019n 100g porsie vis bevat dubbeld soveel kilojoules as \u2019n eier. Nie dat hierdie prote\u00efene ongesond is nie. Dit is net dat \u2019n eier uitstekende waarde is teenoor hul “prys” in kilojoules. Daarom is dit \u2019n goeie keuse is as een van jou prote\u00efene vir die dag, veral as jy wil gewig verloor of hard werk om jou gewig laag te hou.<\/p>\r\n

Wenk:<\/strong>\u00a0Die kilojoules klim skerp as jy eiers in olie gaarmaak. Kook of posjeer jou eiers, gebruik \u2019n kleefvrye pan of mikrogolf dit.<\/p>\r\n

Lees ook:\u00a0Is jy dalk uitgebrand? Toets jouself<\/a> \u00a0<\/p>\r\n

 <\/p>\r\n

Vraag: Bevat eiers koolhidrate? <\/strong><\/h4>\r\n

Antwoord: Nee, nie eers een gram nie<\/strong><\/p>\r\n

Die Bantingdieet het beslis gekom om te bly. Al bant<\/em> jy nie, weet ons almal nou dat as jy vetjies wil afskud beter jy jou le\u00eb koolhidrate beperk. Hiervoor is eiers tops. Dit bevat nie net min koolhidrate nie \u2013 dit bevat g\u00e9\u00e9n koolhidrate! Dit is nou mits jy jou eier nie saam met dik snye brood eet nie. Hou die koolhidrate laag deur jou eier saam met tamaties, babaspinasie, roket, sampioene, aspersies, murgpampoentjies, tiemie en so aan te geniet. \u00a0<\/p>\r\n

 <\/p>\r\n

\"Eiers:

TARIK KIZILKAYA\/istock images<\/p><\/div>\r\n

 <\/p>\r\n

Vraag: Sal \u2019n eier vir ontbyt jou versadig hou? <\/strong><\/h4>\r\n

Antwoord: Ja, tot middagete<\/strong><\/p>\r\n

Soos jy reeds weet is \u2019n eier \u2019n uitstekende bron van prote\u00efen en gesonde vette \u2013 wat altwee jou bloedsuikervlak konstant hou vir vier tot ses uur \u2013 en jou dus versadig en skerp hou, al is jy hoe besig.<\/p>\r\n

Lees ook: Eiers vir ontbyt – \u2019n wenresep vir elke dag!<\/a> \u00a0<\/p>\r\n

 <\/p>\r\n

Vraag: Eiers is reg vir jou hart, maar wat van jou bloeddruk? <\/strong><\/h4>\r\n

Antwoord: Dit is reg daarvoor ook<\/strong><\/p>\r\n

Anders as wat lank gelede gedink is (in die vorige eeu, om die waarheid te s\u00ea) verhoog eiers nie jou cholesterol nie. Cholesterol is inderdaad van die belangrikste voedingstowwe vir jou brein en om die wande van elke liewe sel in jou liggaam gesond en funksioneel te hou. Daarom sorg jou lewer dat jy \u00e1ltyd genoeg cholesterol het deur self cholesterol te maak as jou dieet te min sou verskaf. Jou liggaam het \u2019n ingeboude “sensor” of terugvoerstelsel wat bepaal hoeveel cholesterol beskikbaar is; as jy \u2019n eier eet maak dit eenvoudig minder cholesterol. Boonop weet ons nou dat eiers bloeddruk help laag hou, wat dit selfs beter vir jou hart maak. Maar dan moet jy nie \u2019n lepel sout oor jou eier gooi nie. Proe \u2019n slag jou eier met toe o\u00eb \u2013 Moeder Natuur het klaar sout ingesit!<\/p>\r\n

Lees ook: Is eiergeel goed vir jou?<\/a><\/p>\r\n

Lees ook: Eiers en hartlyers<\/a> \u00a0<\/p>\r\n

 <\/p>\r\n

Vraag: Kan eiers jou o\u00eb beskerm? <\/strong><\/h4>\r\n

Antwoord: Ja, en nie net teen katarakte nie<\/strong><\/p>\r\n

Die jongste katarakoperasies is wonderlik suksesvol maar daar is min wat dokters vir jou kan doen as jou sig verswak as gevolg van die ander algemene toestand van oogveroudering, naamlik makul\u00eare degenerasie. Die beste wat jy vir jouself kan doen is om lewenslank eiers te eet – rondom sewe per week. Dit lyk asof mense wat meer eiers eet ook minder geneig is tot makul\u00eare degenerasie en selfs katarakte. Navorsers glo dat dit te doen het met zeaxantien en lute\u00efen, wat altwee die retina help gesond hou. Eiergeel is die rykste bron hiervan. \u00a0<\/p>\r\n

 <\/p>\r\n

Vraag: Wat van eiers om Alzheimersiekte te voorkom? <\/strong><\/h4>\r\n

Antwoord: Wel, dit \u00eds goed vir jou brein …<\/strong><\/p>\r\n

Wie vrees nie \u2019n bietjie (of erge) demensie of selfs Alzheimer- en Parkinsonsiekte as jy ouer word nie? Eiergeel bevat cholien<\/a>, wat die basiese bousteen van een van jou brein se belangrikste boodskappers (asetielcholien) is. Toestande wat breinveroudering weerspie\u00ebl soos demensie, Alzheimersiekte<\/a> en Parkinsonsiekte<\/a> word deur \u2019n verskeidenheid van faktore veroorsaak. Eiers alleen kan dit nie voorkom nie; en eiers kan dit ook nie omkeer of genees nie, of eers stadiger laat verloop nie. Maar eiers is \u2019n uitstekende bron van breinvoedingstowwe, soos cholien en vitamien E. Dus maak eiers \u2019n belangrike bydrae tot breingesondheid. Een eier per dag is ten minste voordelig vir jou brein.<\/p>\r\n

Wenk:<\/strong> Dit is veral belangrik dat jy eiers eet terwyl jy swanger is, om die nodige breinvoeding vir jou baba te verseker. \u00a0 Eiers is een van die beste bronne van cholien, en as jy eers weet hoe goed dit vir jou is, sal jy seker maak dat jy vyf eiers per week eet.<\/p>\r\n\r\n\r\n\r\n\r\n\r\n

 <\/p>\r\n