{"id":100832,"date":"2018-09-11T10:14:06","date_gmt":"2018-09-11T08:14:06","guid":{"rendered":"https:\/\/novanews.co.za\/rooirose\/?p=100832"},"modified":"2018-09-10T00:14:39","modified_gmt":"2018-09-09T22:14:39","slug":"hoe-lank-vas-voordele","status":"publish","type":"post","link":"https:\/\/novanews.co.za\/rooirose\/hoe-lank-vas-voordele\/","title":{"rendered":"Hoe lank moet jy vas voor die voordele inskop?"},"content":{"rendered":"

Hoe lank moet jy vas voor die voordele inskop? deur Salom\u00e9 Delport<\/em><\/p>\n

 <\/p>\n

Hierdie is artikel 7 in \u2019n reeks van 14 waar Salom\u00e9 dagboek hou van haar vas-ervaring PLUS bykomende inligting verskaf.<\/p>\n

Lees die artikel op bl. 60 in die September 2018-uitgawe en volg ons daaglikse artikels om meer uit te vind.<\/p>\n

Vyfde week, Vrydag<\/p>\n

 <\/p>\n

Hoe lank moet jy vas om ontslae te raak van oortollige glukose?<\/h4>\n

Ek is nou gemaklik in die gewoonte om eers baie laat ontbyt te eet \u2013 of dit eintlik oor te slaan. Ek was inderdaad by \u2018n perskonferensie waar ons tienuur die oggend southappies bedien is. Dit was glad nie lekker om so “vroeg” te eet nie.\u00a0 Ek het die hele dag “verkeerd” gevoel. (Hmmm … ek gee glads te maklik toe as enige prikkel om te eet in ‘n sosiale situasie homself aanbied. Niemand het verwag dat\u00a0ek moet eet nie; die bord is aangebied maar ek kon ook maar net nee dankie ges\u00ea het…)<\/p>\n

Daarom beskou ek myself nou as geheel en al aangepas op die 16\/8 vas. Ek is deur allerlei sosiale geleenthede waar ek agtien en selfs twintig uur gevas het, weens afsprake wat dit onmoontlik gemaak het om vroe\u00ebr te eet.<\/p>\n

Vas as ‘n lewenstyl is volhoubaar \u2013 vir my in elk geval.<\/p>\n

Ek is bly dit werk vir my, omdat dit die soort voordele inhou wat ek vir my gesondheid nodig het. Ek eet nie altyd min genoeg nie. Daarvoor is ek heeltemal te lief vir stysel. Gelukkig spreek die vasdieet juis dit aan.<\/p>\n

Maar kan mens te kort vas? Of te lank vas?<\/p>\n

 <\/p>\n

Hoekom ons bloedsuikervlak hoog bly<\/h4>\n

Die probleem, s\u00ea die ondersteuners van die vastende leefstyl, begin by ons tipiese eetpatroon: ons minstens elke ses uur te eet, en selfs elke drie uur … of uurliks, as jy ‘n knibbelaar is. So bly jy die glukosevlak in jou bloed opdruk. As jy boonop onaktief is leef jy met ‘n chronies\u00a0ho\u00eb bloedsuikervlak.<\/p>\n

Die navorsingsgemeenskap wat vasting voorstaan is van mening dat oortollige glukose nie net die rede vir ekstra kilogramme is nie maar ook instrumenteel is in die ontwikkeling van inflammasie, ho\u00ebr cholesterolvlakke, ho\u00ebr trigliseriede (vette – en dus van hartsiektes), verlies van sensitiwiteit vir insulien (wat op \u2018n groot kans op diabetes dui) en ook ho\u00ebr bloeddruk. Party wil dit selfs aan demensie en kanker koppel maar daarvoor is die bewyse nog taamlik dun.<\/p>\n

As jy gesond wil oud word is dit volgens hulle belangrik om so te leef dat jou bloedsuikervlakke net-net voldoende is dat jy genoeg energie het. Jy weet jy kry dit reg as jy nie gewig optel nie.<\/p>\n

Die feit is dat sowat 50% van ons oorgewig is.<\/p>\n

Dit is juis waarom die vasdieet deesdae so hoog aangeslaan word: dit is \u2018n taktiek wat alle oortollige glukose in jou bloedstroom en alle ekstra glikogeen in jou lewer en spiere opslurp. Die vasdieet onderbreek hierdie konstant ho\u00eb glukosevlak.<\/p>\n

As elke bietjie kos gee jou glukosevlakke nog ‘n hupstoot gee, hoe lank moet jy vas om die reeds beskikbare glukose op te gebruik en uit te kom by daardie punt waar vas jou begin baat?<\/p>\n

<\/h4>\n

Hoeveel ure voor jou vas jou bloedsuiker behoorlik laat sak?<\/h4>\n

Die kenners reken jou liggaam neem sowat 12-18 uur om al die ongebruikte glukose en glikogeen (van jou vorige dag se kos) te verbrand. Alles hang af van hoe aktief jy is, hoe koud dit is, of jy begin vas in die oggend en dus aktief is terwyl jy vas, teenoor vas deur die nag, wanneer jy slaap en min energie gebruik.<\/p>\n

Daarom is die algemene denke dat die voordele inskop as jy minstens 18 uur vas. Maar daar is mense wat twaalf uur vas en voel dit baat hulle. En wat as jy studeer of aan sport deel neem? Dan is ‘n vas van twaalf uur sekerlik meer as voldoende?<\/p>\n

Dit lyk asof dit nie soveel saak maak hoe gereeld jy vas nie. Selfs die Mormoonse maandelikse vas lewer goeie resultate. Ons weet nog nie of dit beter is as die 18\/6 of die 2\/5 vas nie.<\/p>\n

<\/h4>\n

Oor na jou<\/h4>\n

Hoeveel ure vas jy tipies?\u00a0 As jy jou cholesterol laat meet het voor jy begin vas het, het dit gedaal? Ek sal graag wil weet, om \u2018n idee te kry hoe dit ander mense soos jy dit ervaar.<\/p>\n

Groete!\u00a0 Salom\u00e9<\/em><\/p>\n

 <\/p>\n

Lees ook<\/strong><\/p>\n