{"id":100792,"date":"2018-09-09T23:47:29","date_gmt":"2018-09-09T21:47:29","guid":{"rendered":"https:\/\/novanews.co.za\/rooirose\/?p=100792"},"modified":"2018-09-09T23:47:29","modified_gmt":"2018-09-09T21:47:29","slug":"vas-sosiale-lewe-naweek","status":"publish","type":"post","link":"https:\/\/novanews.co.za\/rooirose\/vas-sosiale-lewe-naweek\/","title":{"rendered":"Hoe om ‘n vas rondom jou sosiale lewe in te pas"},"content":{"rendered":"

Hoe om ‘n vas rondom jou sosiale lewe in te pas deur Salom\u00e9 Delport<\/em><\/p>\n

Hierdie is artikel 8 in \u2019n reeks van 14 waar Salom\u00e9 dagboek hou van haar vas-ervaring PLUS bykomende inligting verskaf.<\/p>\n

Lees die artikel op bl. 60 in die September 2018-uitgawe en volg ons daaglikse artikels om meer uit te vind.<\/p>\n

<\/h4>\n

Hoe om ‘n vas rondom jou sosiale lewe in te pas<\/h4>\n

 <\/p>\n

Dag 6, Saterdag<\/strong><\/p>\n

 <\/p>\n

Hoe vas mens oor naweke?<\/h4>\n

Naweke is sosiaal \u2013 en sosiaal beteken etes en koffies en drankies. As jy ontbyt oorslaan is brunch<\/em> en koffie ‘n probleem. Kuiers saans beteken gewoonlik dat jy eers laataand klaar eet – en soveel later die volgende oggend die vas kan breek. Dit moet nog moeiliker wees as jy so vas dat jy aandete weglaat. Hoe op aarde sosialiseer mens dan?<\/p>\n

Deur die week is dit taamlik maklik om die 16\/8 vas te volg. Oor die naweke verg dit bietjie fyntrap. So is daar ‘n basaar by die aftree-oord wat ons moet gaan ondersteun ter wille van familie, en my man nooi my vir pannekoek. Ons het die vorige aand teen aguur klaar ge\u00ebet. Ek moet dus vas tot twaalfuur vandag. Ons ry elfuur. Gelukkig is die plek gepak, en teen die tyd dat ons pannekoek kry is dit halfeen. Die koffietafels is vol, en op die ou end is dit 13h00 voor ons by eet uitkom.<\/p>\n

Dit is dus ‘n uur later as wat ek my vas mag breek. Maar dit pla my glad nie \u2013 glad en geheel en al nie.\u00a0 Dit is die maklikste ding op aarde om ontbyt oor te slaan en om die vastyd ‘n bietjie te rek – as mens besig is. En, net soos al die vorige dae, is ek regtig nie onbehoorlik honger nie.<\/p>\n

Die aand lewer die tipiese naweekroetine op: ons kuier saam met vriende. En soos dit met \u2018n groepkuier gaan is ons eers teen 10h30 klaar ge\u00ebet. Ek tel die ure in my kop af: middagete m\u00f4re teen 14h30 …<\/p>\n

Sjoe! Hoe gaan ek dit regkry?\u00a0Die gesin kom eet m\u00f4re by ons. Almal arriveer gewoonlik teen 13h00, en dan eet ons teen 14h00. Is dit erg as \u2018n mens jou vas \u2018n halfuur vroe\u00ebr breek? Seker darem nie.<\/p>\n

Dit was toe verbasend maklik. Niemand het eers opgemerk dat ek nie peusel aan die kaasbordjie vooraf nie.<\/p>\n

Teoreties het ek net so lank as op elke ander dag gevas. Maar in mens se kop klink die eerste ete teen halfdrie baie erger as ‘n eerste ete teen twaalfuur, eenuur. Daarby dwing niemand jou om te eet nie – mense let beswaarlik op of jy iets eet of net water, tee of koffie drink nie. Dit wys jou net hoe baie van mens se denke oor vas, hongerte, etes en hoe dit ander mense affekteer in jou kop rondmaal, eerder as dat dit objektief gebaseer is.<\/p>\n

Dit lyk my dit is taamlik maklik om die 16\/8 vas by jou sosiale lewe in te pas. Ek beplan om\u00a0vanaand (Sondagaand) vroeg klaar te eet, sodat ek Maandag weer by meer “normale” etenstye kan inval.<\/p>\n

 <\/p>\n

Oor na jou<\/h4>\n

Naweke is beslis \u2018n uitdaging. Hoe maak mens as jy vas? Jy wil tog nie \u2018n drama van jou vas maak as jy rondkuier of gaste het nie. Watter wenke het jy?<\/p>\n

 <\/p>\n

Groete!\u00a0 (Gesondheid, weer eens!)\u00a0 – Salome<\/em><\/p>\n

 <\/p>\n

Lees ook<\/strong><\/p>\n