{"id":100781,"date":"2018-09-04T15:33:52","date_gmt":"2018-09-04T13:33:52","guid":{"rendered":"https:\/\/novanews.co.za\/rooirose\/?p=100781"},"modified":"2018-09-04T15:33:52","modified_gmt":"2018-09-04T13:33:52","slug":"vas-nadele-hoofpyn-dehidrasie","status":"publish","type":"post","link":"https:\/\/novanews.co.za\/rooirose\/vas-nadele-hoofpyn-dehidrasie\/","title":{"rendered":"Het ‘n vas nadele?"},"content":{"rendered":"

Het ‘n vas nadele?\u00a0 Deur Salom\u00e9 Delport. Foto: pexels<\/em><\/p>\n

 <\/p>\n

Hierdie is artikel 5 in \u2019n reeks van 14 waar Salom\u00e9 dagboek hou van haar vas-ervaring PLUS bykomende inligting verskaf.<\/p>\n

Lees die artikel op bl. 60 in die September 2018-uitgawe en volg ons daaglikse artikels om meer uit te vind.<\/p>\n

 <\/p>\n

Vrydag Dag 5<\/strong><\/p>\n

\u2019n Vriendin vra uit oor hoofpyn terwyl jy vas: Sy is \u2019n dieetkundige en s\u00ea hoofpyn is baie algemeen as jou bloedsuiker val, soos wat gebeur as jy vas.<\/p>\n

 <\/p>\n

 <\/p>\n

Verskillende sienings oor hoofpyn en vasdi\u00ebte<\/h4>\n

Die alternatiewe terapeute s\u00ea hoofpyn terwyl jy vas is \u2019n teken dat jou liggaam besig is om gifstowwe uit te skei. Volgens hulle probeer jou liggaam jou teen gifstowwe beskerm. Daarom stoor dit gifstowwe in die vetweefsel, weggeb\u00eare waar dit geen skade doen nie. Maar wanneer jy so dieet dat die vetjies wegsmelt word die toksiese stowwe in daardie kilogramme vet vrygelaat in jou gestel, waar dit tipies hoofpyn veroorsaak en\/of jou moeg en sleg laat voel. Die hoofpyne verdwyn soos jou liggaam die gifstowwe uitskei.<\/p>\n

Ek het sover nie hoofpyn nie maar ek gaan lees op, en sien gou dat vas en lae bloedsuiker een van die wyd erkende snellers van hoofpyn en selfs migraine is. Daar is verskeie teorie\u00eb en hoogs tegniese verklarings daarvoor, soos die balans tussen die eksitore in die brein, depolarisasie, en so aan. Om dit te verstaan is vir die meeste van ons onnodig. Ons wil maar net beter voel.<\/p>\n

<\/h4>\n

 <\/p>\n

<\/h4>\n

Hoe vastende hoofpyn voel<\/h4>\n

Volgens \u2019n artikel in die Current Pain Headache Report<\/a>\u00a0ontwikkel sommige mense hoofpyn as hulle vas. Mense wat normaalweg maklik hoofpyn kry, is ook meer geneig tot hoofpyn terwyl hulle vas. Tot soveel as die helfte van vastendes kla van hoofpyn.<\/p>\n

Hoofpyn ontwikkel gewoonlik eers na sestien uur van vas. Die regverdigbare afleiding is dan sekerlik dat mense op die 16\/8 dieet \u2019n kleiner risiko op hoofpyn het as mense wat die 5\/2 of die alternatiewe dag-vas volg. Die hoofpyn verdwyn binne 72 uur nadat mens weer begin eet. Volgens hierdie artikel ervaar mense hoofpyn terwyl hulle vas oor die voorkant van die hoof. Dit is meestal \u2019n dowwe, ligte, nie-kloppende hoofpyn.<\/p>\n

As jy as deel van jou vas koffie en tee uitsny kan jy ook hoofpyn weens onttrekking kry.<\/p>\n

<\/h4>\n

 <\/p>\n

Planne met hoofpyn terwyl jy vas<\/h4>\n

Vermoedelik is dehidrasie by die meeste van ons die onderliggende probleem. Dus is ekstra water die beste oplossing, eerder as \u2019n hoofpynpil.<\/p>\n

Onthou, baie van jou daaglikse water kom uit jou kos. Vrugte en groente bevat baie water – rondom 80%! So 86% van \u2019n appel se volume (gewig ook) is water. As jy \u2019n appel eet wat min of meer so groot soos \u2019n koppie is, “drink” jy eintlik \u2019n driekwart koppie water. Ons tel dit nie as water nie en drink dan nog sowat 1,5 liter water per dag. Terwyl jy vas is daar nie kos wat water kan bydra nie. Daarom moet jy nou eintlik meer water drink.<\/p>\n

 <\/p>\n

Is daar ander nadele aan vas?<\/h4>\n

Nie eintlik nie, behalwe dat jy kan honger voel en buierig kan wees, veral nader aan die einde van jou vastyd. Jou konsentrasie kan dan ook swakker wees. Die enigste ander nadeel is dehidrasie.<\/p>\n

 <\/p>\n

Oor na jou<\/h4>\n

Kry jy hoofpyn as jy vas? Watter soort vas volg jy? Help dit as jy bietjie meer water drink? Laat weet hoe jy dit ervaar?<\/p>\n

Groete (en gesondheid!) Salom\u00e9<\/p>\n

 <\/p>\n

Lees ook<\/strong><\/p>\n