{"id":100698,"date":"2018-09-07T16:20:41","date_gmt":"2018-09-07T14:20:41","guid":{"rendered":"https:\/\/novanews.co.za\/rooirose\/?p=100698"},"modified":"2018-09-07T16:21:25","modified_gmt":"2018-09-07T14:21:25","slug":"vas-ooreet-vet-gewig","status":"publish","type":"post","link":"https:\/\/novanews.co.za\/rooirose\/vas-ooreet-vet-gewig\/","title":{"rendered":"Van vas na fees: Gaan jy ooreet en vet word?"},"content":{"rendered":"

Van vas na fees: Gaan jy ooreet en vet word? deur Salom\u00e9 Delport. Foto: pexels<\/em><\/p>\n

 <\/p>\n

Hierdie is artikel 7 in \u2019n reeks van 14 waar Salom\u00e9 dagboek hou van haar vas-ervaring PLUS bykomende inligting verskaf.<\/p>\n

Lees die artikel op bl. 60 in die September 2018-uitgawe en volg ons daaglikse artikels om meer uit te vind.<\/p>\n

 <\/p>\n

Woensdag, Dag 3\u00a0<\/strong><\/p>\n

Dit voel asof gister maar net herhaal. Ek ry lekker fiets en eet laat ontbyt, sonder dat hongerte of lae bloedsuiker my pla.<\/p>\n

Die middag lewer \u2019n klein foutjie op: ek val vir \u2019n sjokolade toe ek laatmiddag inkopies doen. Hmm, ja, ek het gefaal toe ek kos koop op die risikotye, soos oor middagete en laatmiddag net voor aandete.<\/p>\n

Ek voel egter nie doodskuldig nie. Ek het \u2019n kleintjie gekoop \u2013 en die idee is mos dat ek maar net gewoonweg eet tydens die vry-eet ure. As ek nie gevas het nie sou ek vir seker \u2019n sjokoladetjie \u2013 my groot swak \u2013 geniet het. Net darem so een of twee keer per week.<\/p>\n

 <\/p>\n

Eet mense op \u2019n vas meer of minder as mense wat nie vas nie?<\/h4>\n

Maar vir seker is dit \u2019n feit soos \u2019n koei dat jy soos \u2019n os gaan lyk as na elke vas jou vergryp aan lekkernye. Maar gaan dit gebeur? Die navorsing s\u00ea dit is onwaarskynlik.<\/p>\n

Verskeie ondersoeke wys dat mense wat gereeld vas juis ook minder eet in hul vry-eet tyd. Die jongste ondersoek deur dr. Kristina Varady van die Universiteit van Illinois in Chicago wat in Junie 2018 verskyn het wys dat mense op die 16\/8 tydens hul vry-eet ure gemiddeld 1 400 kJ m\u00ednder ge\u00ebet het as die kontrolegroep. Dit is eintlik heelwat minder.<\/p>\n

Sjoe! Het ek?<\/p>\n

Dr Michelle Harvie en prof. Anthony Howell van die Universiteit van Manchester skryf in \u2019n 2017 oorsigartikel in Behavioral Sciences dat daar \u2019n soort van oordrag effek is \u2013 as jy vandag minder eet, eet jy m\u00f4re vanself minder. Hulle het bevind dat mense tot 20% minder op nie-vas dae eet.<\/p>\n

Hopelik het ek in totaal minder ge\u00ebet.<\/p>\n

<\/h4>\n

Wat om te eet terwyl jy ni\u00e9 vas nie<\/h4>\n

Ek het ook gelees dat vasters aangeraai word om te hou by die tipiese Mediterreense dieet wanneer hulle vry eet. Daardie mense eet mos darem ook lekker gebak?<\/p>\n

Maar dit is logies dat vas nie \u2019n towerstaffie is nie. As jy ooreet en te\u00a0 min oefen gaan jy gewig optel. Die navorsing wys eerder dat as mense wel gewig optel, is vas nie die rede daarvoor nie. Gereelde vas kan dit selfs makliker vir jou maak om minder te eet.<\/p>\n

Ek vas nie regtig om gewig te verloor nie. Ek vas omdat dit potensieel gesonder is. As ek gewig verloor is dit ook gesonder – en \u2019n bonus. Maar ek wil tog versigtiger wees. Dr Harvie, wat ook die boek The Two Day Diet<\/em> geskryf het, s\u00ea in hul artikel dat dit lyk asof mense wat koolhidrate op hul vry-eet dae beperk tog \u2019n bietjie meer vet verloor.<\/p>\n

Terloops, die Mediterreense dieet behels baie groente, brood, kaas, olyfolie, eiers, vis en vrugte. Hulle drink ook matig wyn, gebruik botter matig en eet rooivleis een tot drie keer per week. Verder is stap deel van die kultuur en is die mense taamlik fiks.<\/p>\n

 <\/p>\n

Oor na jou<\/h4>\n

Vas jy om gewig te verloor? Gaan jy sjokolades en lekkernye uitsny? Wat is jou doelwitte, as jy vas?<\/p>\n

Groete!\u00a0Salome<\/em><\/p>\n

 <\/p>\n

Lees ook<\/strong><\/p>\n