{"id":100693,"date":"2018-09-03T16:03:52","date_gmt":"2018-09-03T14:03:52","guid":{"rendered":"https:\/\/novanews.co.za\/rooirose\/?p=100693"},"modified":"2018-09-04T12:52:33","modified_gmt":"2018-09-04T10:52:33","slug":"oefen-vas-duiselig-bloedsuiker","status":"publish","type":"post","link":"https:\/\/novanews.co.za\/rooirose\/oefen-vas-duiselig-bloedsuiker\/","title":{"rendered":"Kan jy oefen terwyl jy vas?"},"content":{"rendered":"

Kan jy oefen terwyl jy vas? deur Salom\u00e9 Delport<\/em><\/p>\n

Hierdie is artikel 4 in \u2019n reeks van 14 waar Salom\u00e9 dagboek hou van haar vas-ervaring PLUS bykomende inligting verskaf.<\/p>\n

Lees die artikel op bl. 60 in die September 2018-uitgawe en volg ons daaglikse artikels om meer uit te vind.<\/p>\n

Lees ook: Kom vas saam met rooi rose\u00a0<\/a><\/p>\n

Watter een van die soorte vas pas die beste by jou?<\/a><\/p>\n

 <\/p>\n

Dinsdag, Dag 2 van my 16\/8 vas<\/strong><\/p>\n

\u00a0<\/strong><\/p>\n

Kan jy oefen terwyl jy vas?<\/h4>\n

Dinsdagoggend word ek ligweg honger wakker. Ek is verras. Op die koolhidraatdi\u00ebte was ek baie hongerder as dit!<\/p>\n

Is dit nog “early days”<\/em>? Dalk raak dit erger vorentoe? Maar\u00a0 \u2026 eintlik het ek nog glad nie gevas nie. Ek het maar net van gister af begin dink daaraan. Die gedagte is nog nie die daad nie!\u00a0Hoe ook al, vandag is ek aan die d\u00f3\u00e9n. Vanoggend is my eerste vastende opstaan.<\/p>\n

Hoe om die tyd om te kry tot 10h30, wanneer ek die vas kan breek?\u00a0Hmmm … Wat van \u2019n koppie goeie koffie? Terwyl ek koffie drink, dink ek aan \u2019n deel van my opleeswerk wat gegaan het oor oefening terwyl jy vas. Dit is skynbaar een van die beste maniere om gou gewig te verloor. Maar dan moet jy gevas wees.<\/p>\n

 <\/p>\n

 <\/p>\n

Wat is die verskil tussen “vas” en “gevas” wees?<\/h4>\n

Daar is n verskil tussen vas en gevas wees \u2013 fasting<\/em> en fasted<\/em> op Engels. Die eerste een beteken dat jy kos vermy. Jou liggaam kan egter nog baie glikogeen in die lewer en spiere h\u00ea. Jy is eers gevas (fasted<\/em>) as dit opgebruik is en jy oorskakel na vet as jou energiebron. Oefening in die gevaste toestand brand dus suiwer vetjies.<\/p>\n

Noudat ek weet dat ek maar kan oefen terwyl ek gevas is klink \u2019n lekker entjie fietsry na \u2019n goeie plan om die laaste ure te laat verbyvlieg. En dalk eindig ek die dag \u2019n paar gram ligter?<\/p>\n

Ek spring net voor nege-uur weg. Die eerste bult is taamlik styf en hy kou my. Die tweede een is nie. Hy kou my ook. Vat \u2019n vas jou krag? Ek besluit om \u2019n meer gelyke roete te trap. Dalk net so vyf kilo\u2019s, in geval my bloedsuiker dan tog val?\u00a0Dit werk goed. Dit werk b\u00e1ie goed. Ek ry twaalf kilo\u2019s met die grootste gemak. Ek dink ek sou maklik twintig kilo\u2019s kon doen. Maar my tyd is op en die werksdag wag.<\/p>\n

Tuis gekom is daar nog \u2019n halfuur oor. En ek is nie eers regtig honger nie. Ek begin gou my epos deurgaan. As ek sukkel om te konsentreer sal ek epos wat \u2019n weldeurdagte reaksie verg eenkant hou. As dit net \u2019n ja, nee of oukei vra hoef ek seker nie te diep te konsentreer nie.<\/p>\n

Dinge vorder so fluks dat dit elfuur is voor ek wonder hoe laat dit is!<\/p>\n

Mensig, dit was maklik!\u00a0Ek eet my gebruiklike gekookte eier, bietjie jogurt en \u2019n paar neute. As ek so kan aangaan is vas die regte ding vir my.<\/p>\n

 <\/p>\n

Oor na jou<\/h4>\n

Hoe is dit vir jou? Hoe het jou eerste vasdag afgeloop? Sien jy kans vir \u2019n entjie se draf of om uitasem-vinnig te gaan stap? Werk oefening terwyl jy vas vir jou?<\/p>\n

Groete!\u00a0 Salom\u00e9<\/p>\n

 <\/p>\n

Lees ook<\/strong><\/p>\n