Die Drakenstein-vallei het verlede Donderdag gejuig weens die nuus dat Ulrich le Roux van die Ho\u00ebr Jongenskool Paarl as die topmatrikulant vir 2021 in Suid-Afrika \u2013 en die Wes-Kaap \u2013 aangewys is.<\/strong><\/p>\n\n\n\n Di\u00e9 skaam jongman s\u00ea hy het glad nie verwag hy sou s\u00f3 \u2019n groot prestasie behaal nie. <\/p>\n\n\n\n \u201cEk moet s\u00ea ek was baie verras toe ek hoor my naam is op die lys as een van die toppresteerders in die land. Ek is ook baie bly dat al die harde werk wat ek deurgaans ingesit het uiteindelik so lonend was.\u201d<\/p>\n\n\n\n Ulrich skryf sy sukses toe aan sy ma, Karen, \u2019n wiskunde-onderwyser, wat ook \u2019n groot rol in sy ander akademiese prestasies gespeel het. <\/p>\n\n\n\n Sy het voorheen ook by Boishaai skoolgehou. <\/p>\n\n\n\n Ulrich het ook sy dank aan sy onderwysers en die skool uitgespreek en s\u00ea \u201csonder hulle sou niks van dit enigsins moontlik gewees het nie\u201d.<\/p>\n\n\n\n \u201cNog \u2019n rolmodel in my lewe is gewis my broer, Henri. Hy het my altyd net gewys hoe om die grense uit te daag en te mik na iets wat half onmoontlik lyk. Maar, as jy hard genoeg probeer en aanhou en nooit ophou nie, kry jy dalk uiteindelik net wat jy wil h\u00ea.\u201d<\/p>\n\n\n\n Die Covid-19-pandemie het talle onvoorsiene struikelblokke vir leerders veroorsaak. Wat Ulrich gehelp het, is dat hy konstant was met sy leerwerk en die prestasies wat hy wou bereik.<\/p>\n\n\n\n \u201cDit is gewis nie maklik om op \u2019n ho\u00ebr vlak akademies te presteer nie \u2013 veral van laerskool af. Wat gewis help, is om baie bestendig te bly en die gewoonte aan te leer om baie van \u2019n baie jong ouderdom af goed te doen. Ek sal ook s\u00ea dit help definitief om \u2019n baie goeie rooster vir jou studietye te h\u00ea, maar ook vir tye tussenin om te ontspan. As jy by \u2019n streng rooster hou, help dit gewis om in jou eksamens te presteer.\u201d<\/p>\n\n\n\n Ulrich glo dit is belangrik om \u2019n balans in \u2019n mens se lewe te h\u00ea. Hy s\u00ea hy dink nie hy sou so goed kon leer as hy nie aan sport deelgeneem het of iets anders wat aktief is, gedoen het nie. <\/p>\n\n\n\n Hy het van gr.1 tot gr.12 hokkie gespeel. Volgens hom het dit hom gehelp om te ontspan nadat hy lank hard studeer het.<\/p>\n\n\n\n Weg van die skoolboeke en die sportveld oefen en lees Ulrich nogal baie in sy vrye tyd. <\/p>\n\n\n\n \u201cEk oefen nogal baie, soos reg deur die Desember-vakansie \u2013 ek het baie gaan draf. Ek lees ook gereeld \u2019n boek, want ek het die afgelope jaar nie juis tyd daarvoor gehad nie.\u201d<\/p>\n\n\n\n Conrad Poole, uitvoerende burgemeester van die Drakenstein-munisipaliteit, het Vrydag in \u2019n kort toespraak ges\u00ea: \u201cUlrich, oor dit wat jy bereik het \u2013 weet vandag jy het baie mense en kinders se harte gesteel, en mag hierdie skool van sterkte tot sterkte gaan. En aan die klas van 2022 \u2013 laat di\u00e9 prestasie vir jou \u2019n uitdaging wees om selfs nog beter te vaar en seker te maak dat ons weer met die beste in die land wegstap.\u201d<\/p>\n\n\n\n