{"id":60397,"date":"2022-08-12T13:56:32","date_gmt":"2022-08-12T11:56:32","guid":{"rendered":"https:\/\/novanews.co.za\/paarlpost\/brand-eis-drie-diere-20220810-2\/"},"modified":"2025-03-19T23:31:16","modified_gmt":"2025-03-19T21:31:16","slug":"brand-eis-drie-diere-20220810-2","status":"publish","type":"post","link":"https:\/\/novanews.co.za\/paarlpost\/brand-eis-drie-diere-20220810-2\/","title":{"rendered":"Brand eis drie diere"},"content":{"rendered":"\n

Minstens drie huise in Paarl en Wellington het in \u2019n kwessie van 48 uur skade gely, terwyl drie troeteldiere in een voorval dood is.<\/p>\n\n\n\n

Diamant-landgoed brand<\/strong><\/p>\n\n\n\n

Die bevelvoerder van die Drakenstein-plaaswag (DFW), Daan van Leeuwen Boomkamp, s\u00ea die eerste brand het verlede Donderdag om 08:25 in \u2019n huis naby die Diamant-landgoed op die R45 in Paarl verwoesting gesaai.<\/p>\n\n\n\n

\u201cDie mistige weerstoestande het drama veroorsaak toe die digte mis dit onmoontlik gemaak het om die rook \u00f3f brandende vlamme op te spoor. Ondersoek is deur DFW-vrywilligers ingestel, wat gevind het dat \u2019n huis enkele kilometers weg op die R45 teen die hange van die berg aan die brand was.\u201d<\/p>\n\n\n\n

Die drama het op die toneel ontvou toe die vrywilligers gevind het dat die bejaarde huisbewoners se twee honde en \u2019n kat versmoor het.<\/p>\n\n\n\n

\u201cDie huis het taamlik skade opgedoen en die laaste bietjie vlamme in die slaapkamer en die huis se dak is geblus. Die hartseerste van als is dat niemand die voorval by die brandweer of DFW aangemeld het nie.\u201d<\/p>\n\n\n\n

\"\"\/<\/figure>\n\n\n\n

<\/p>\n\n\n\n

Hy s\u00ea die troeteldiere was in die huis vasgevang en was reeds dood toe die redders hulle opgespoor het.<\/p>\n\n\n\n

Huis in Evanstraat brand<\/strong><\/p>\n\n\n\n

Later die aand om 20:52 het \u2019n tweede huisbrand in Evanstraat in Paarl-Oos aansienlike skade veroorsaak.<\/p>\n\n\n\n

\u201cDie DFW-spanne het die brand uit die bure se erf bestry, terwyl die Drakenstein-brandweer van die straat se kant af die vlamme geblus het. Die tweeledige bestrydingstegniek was suksesvol, maar die huis het aansienlike skade gely.\u201d<\/p>\n\n\n\n

Vlamme by Onverwacht-landgoed getem<\/strong><\/p>\n\n\n\n

\u201cLede van die Onverwacht-huiseienaarsvereniging was die helde toe hulle die brand se vlamme in toom kon hou totdat nooddienste by die toneel opdaag.\u201d<\/p>\n\n\n\n

S\u00f3 verduidelik Van Leeuwen Boomkamp die brandtoneel wat Vrydagmiddag om 14:08 by die Onverwacht-landgoed in Wellington afgespeel het.<\/p>\n\n\n\n

\u201cDie voorsitter van die huiseienaarsvereniging het die DFW na die toneel ontbied toe \u2019n huis aan die brand geslaan het. Terwyl die DFW en Drakenstein-brandweer nog op pad was, het lede van die huiseienaarsvereniging die brand voorlopig met \u2019n klein DFW-sleepwa bestry.\u201d<\/p>\n\n\n\n

Hy s\u00ea die Onverwacht-landgoed het private lede van die DFW wat spesiale nood-opleiding by die plaaswag ontvang het.<\/p>\n\n\n\n

\u201cVyf huiseienaars, wat deur die DFW opgelei is om die klein brandwa by die landgoed te gebruik, het hulle puik van hul taak gekwyt.<\/p>\n\n\n\n

\u201cHoewel die brand groot skade aan die huis aangerig het, is dit taamlik goed in bedwang gebring voordat dit na die stoor, wat langs die huis staan, kon versprei.\u201d<\/p>\n\n\n\n

Buiten die tragiese dood van die troeteldiere is geen beserings tydens enige van die brande aangemeld nie.<\/p>\n\n\n\n

Navrae wat aan die Drakenstein-munisipaliteit gerig is, is nie teen druktyd beantwoord nie.<\/p>\n\n\n\n