Die Bolandse dorp Paarl vier lente met die terugkeer van die jaarlikse Waterblommetjiefees hierdie Saterdag (2 September) van 09:00-16:00.<\/p>\n\n\n\n
Windmeul Kelder en Rhebokskloof, gerieflik minder as 5 km uitmekaar gele\u00eb, het kragte saamgesnoer om hierdie inheemse, seisoenale lekkerny ten toon te stel en \u2019n prettige fees vir die hele gesin te bied.<\/p>\n\n\n\n
Die waterblommetjie is een van Suid-Afrika se bekendste eetbare plante met \u2019n lang geskiedenis van gebruik deur die inheemse Khoikhoi \u2013 medisinaal sowel as \u2019n voedsame voedsel. <\/p>\n\n\n\n
Feesganger sal waterblommetjies, wat slegs vir \u2019n kort tydperk elke jaar gedurende die laat winter en vroe\u00eb lente beskikbaar is, op \u2019n verskeidenheid maniere tydens \u2019n dag vol pret kan proe.<\/p>\n\n\n\n
Toegang tot die fees is gratis, maar besoekers word wel gevra om een of meer blikkieskos per persoon as \u201ctoegangsfooi\u201d te skenk. Die blikkies sal n\u00e1 die fees aan die amptelike feesliefdadigheidsorganisasie, Athlone House of Strength, \u2019n skuiling vir mishandelde vroue en kinders in die Paarl, geskenk word.<\/p>\n\n\n\n
Heerlike waterblommetjiesgeregte en bekroonde wyne asook vermaak in lewende lywe is by Rhebokskloof op die program. Hierdie gesinsvriendelike bestemming met sy weelderige grasperke en pragtige uitsigte is ideaal vir gesinne en bied talle aktiwiteite vir die jongspan \u2013 en dit terwyl die grootmense \u2019n verskeidenheid waterblommetjiesgeregte en \u2019n glas wyn kan geniet.<\/p>\n\n\n\n
Windmeul gaan sy gebruiklike potjiekoskompetisie aanbied met groot pryse op die spel in die tradisionele en nie-tradisionele afdelings, asook vir die beste stalletjie. <\/p>\n\n\n\n
Die fees val saam met die maandelikse Windmeul-boeremark, waar besoekers vars plaaslike produkte \u2013 juis produkte soos plaaslike waterblommetjies \u2013 asook talle ander Bolandse varsprodukte kan koop.<\/p>\n\n\n\n