{"id":47818,"date":"2024-04-17T08:48:00","date_gmt":"2024-04-17T06:48:00","guid":{"rendered":"https:\/\/novanews.co.za\/paarlpost\/eotic-animal-world-buite-klapmuts-ten-volle-herstel-20240412\/"},"modified":"2025-03-20T05:37:51","modified_gmt":"2025-03-20T03:37:51","slug":"eotic-animal-world-buite-klapmuts-ten-volle-herstel-20240412","status":"publish","type":"post","link":"https:\/\/novanews.co.za\/paarlpost\/eotic-animal-world-buite-klapmuts-ten-volle-herstel-20240412\/","title":{"rendered":"Exotic Animal World buite Klapmuts ten volle herstel"},"content":{"rendered":"\n

Net meer as \u2019n jaar gelede het \u2019n brand \u2019n deel van die gewilde Exotic Animal World, beter bekend as Butterfly World, buite Klapmuts beskadig. Maar vandag het di\u00e9 diereskuiling uit die as herrys en rehabiliteer en huisves oor die 700 eksotiese diere.<\/span><\/p>\n\n\n\n

\n
\"\"

<\/p>\n

\u2019n Foto n\u00e1 die brand op 12 Maart 2023, wat groot skade aan die kombuis wys. Foto: Exotic Animal World Klapmuts\/ Facebook<\/div>\n
<\/span><\/span><\/div>\n<\/div>\n<\/div>\n\n\n\n

Volgens James Lawrence, die opvoedkundige bestuurder by Exotic Animal World, was die brand \u201cverwoestend\u201d en het die kombuis waar die diere se kos voorberei word, afgebrand.<\/p>\n\n\n\n

Klein diere, soos slange, slakke, en eksotiese insekte, het ook in die slag gebly.<\/p>\n\n\n\n

Elke donker wolk het immers \u2019n silwer randjie, en d\u00edt, volgens Lawrence, was die gemeenskap se hulp en ontferming teenoor die diere en werknemers van die Exotic Animal World-skuiling.<\/p>\n\n\n\n

\u201c\u2019n Tydelike kombuis moes opgerig word, terwyl die De Wilger-restaurant en onthaal-lokaal, wat bure is van die Exotic Animal World, hul yskaste beskikbaar gestel het om die diere se kos te verkoel.\u201d<\/p>\n\n\n\n

\u201cDie hele proses om die kombuis te herbou, het drie maande geneem,\u201d s\u00ea Lawrence.<\/p>\n\n\n\n

Vandag pronk die skuiling met \u2019n splinternuwe kombuis en ontvang daagliks skoolgroepe en ander besoekers vir opvoedkundige toere oor eksotiese diere.<\/p>\n\n\n\n

Die handel en besit van eksotiese diere is onaangenaam, s\u00ea Lawrence, en betrek onder meer slange, skerpioene, skilpaaie, krimpvarkies, chinchilla\u2019s, aapspesies soos lemurs, bebaarde akkedisse (bearded dragons<\/span>), marmotte, piranha\u2019s, papegaaie en ander vo\u00ebls.<\/p>\n\n\n\n

Volgens Lawrence is dit nie onwettig om eksotiese vo\u00eblsoorte in Suid-Afrika te besit nie, meer wel inheemse dieresoorte.<\/p>\n\n\n\n

\u201cDie troeteldierwinkels weet dit ook, maar steur hulle nie daaraan nie.\u201d<\/p>\n\n\n\n

Die meeste van die diere wat Exotic Animal World rehabiliteer, word deur of Cape Nature, wat beslag l\u00ea op onwettige eksotiese diere, of troeteldierwinkels en mense wat eksotiese diere besit, maar hulle net nie meer wil h\u00ea nie, aan hulle gegee.<\/p>\n\n\n\n

\n
\"\"

<\/p>\n

\u2018n Paar werknemers by die Exotic Animal World in Klapmuts. Van links is die dierebewaarders Alicia Ambrose, Annetta Williams en Susanne Oelf, saam met James Lawrence (die skuiling se opvoedkundige bestuurder). Foto: Jana Scheeeprs<\/div>\n
<\/span><\/span><\/div>\n<\/div>\n<\/div>\n\n\n\n

Hierdie diere word dan die eiendom van die Exotic Animal World, met permitte wat deur Cape Nature uitgereik word.<\/p>\n\n\n\n

\u201cBaie keer bly die diere vir ewig by ons [Exotic Animal World] omdat hulle nie gerehabiliteer kan word nie,\u201d s\u00ea Lawrence.<\/p>\n\n\n\n

Die feit dat die diere eksoties is en nie in Suid-Afrika vrygelaat kan word nie, dra ook daartoe by.<\/p>\n\n\n\n

Een geval wat hy uitlig, is die African Grey-papegaai, wat soos ander papegaai-spesies tot die ouderdom van 80 jaar kan leef, dikwels sy eienaars oorleef en treur wanneer die persoon sterf.<\/p>\n\n\n\n

Di\u00e9 vo\u00eblsoort kan dan in depressie verval en sy vere uittrek totdat hy amper heeltemal kaal is.<\/p>\n\n\n\n

Een so \u2019n geval is aangemeld, waarna die vo\u00ebl vir rehabilitasie na die Exotic Animal World gebring is sodat hy kon leer dat hy wel \u2019n \u201cpapegaai\u201d en nie \u2019n \u201cmens\u201d is nie, volgens Lawrence.<\/p>\n\n\n\n

Di\u00e9 papegaai woon steeds by die skuiling.<\/p>\n\n\n\n

\u201cDie papegaaie se vere groei terug, maar partykeer trek hulle dit so erg uit dat dit nooit weer teruggroei nie en hulle kaal kolle op die lyf het.\u201d<\/p>\n\n\n\n