{"id":46381,"date":"2024-08-05T09:17:29","date_gmt":"2024-08-05T07:17:29","guid":{"rendered":"https:\/\/novanews.co.za\/paarlpost\/paarlse-hoofseun-het-as-n-held-gesterf-20240802\/"},"modified":"2025-03-20T05:58:59","modified_gmt":"2025-03-20T03:58:59","slug":"paarlse-hoofseun-het-as-n-held-gesterf-20240802","status":"publish","type":"post","link":"https:\/\/novanews.co.za\/paarlpost\/paarlse-hoofseun-het-as-n-held-gesterf-20240802\/","title":{"rendered":"Paarlse hoofseun \u2018het as \u2019n held gesterf\u2019"},"content":{"rendered":"\n

Julano King (18), hoofseun van die Paulus Joubert Sekond\u00eare Skool in die Paarl, was baie lief vir sy oupa en wou hom beskerm toe sy neef na bewering moeilik geraak en King in die nek gesteek het. Hy het dus as \u2019n held gesterf.<\/p>\n\n\n\n

D\u00edt was die woorde van Julano se klasonderwyser tydens \u2019n roudiens wat die afgelope Vrydag deur sy skoolmaats, opvoeders, gesins- en familielede in die skoolsaal bygewoon is.<\/p>\n\n\n\n

Julano is op 17 Julie in die hospitaal dood nadat hy glo tydens \u2019n onderonsie met sy neef Gershwin Fransman (23) in die nek gesteek is.<\/p>\n\n\n\n

Fransman het hom die volgende dag aan die polisie oorgegee en Maandag (29 Julie) sy aansoek om borgtog in die Paarl-landdroshof laat vaar.<\/p>\n\n\n\n

Hy bly in aanhouding tot sy volgende hofverskyning op 29 Augustus, waarna die saak na verwagting na die streekhof verwys sal word.<\/p>\n\n\n\n

In \u2019n emosionele toespraak tydens Julano se roudiens die afgelope Vrydag het Viall Mondo, sy klasonderwyseres, vertel hoe aangenaam dit was om hom in haar klas te h\u00ea. <\/p>\n\n\n\n

\u201cEk het Julano in graad 10 ontmoet toe hy by my toerisme gekry het. Ek het myself altyd so bekyk aan di\u00e9 kind. Hy het uitgestaan soos \u2019n seer vinger. Hy was altyd netjies en baie hardwerkend.<\/p>\n\n\n\n

\u201cJulano was daardie jaar die topleerder in toerisme. Altyd by die ouervergadering, as sy ma daar was, het ons net positiewe terugvoering oor hom gegee. Daar was dan \u2019n groot glimlag op sy gesig, want hy het sy ma trots gemaak.<\/p>\n\n\n\n

\u201cJulano was almal se vriend en niemand sy vyand nie. Toe ons die tyding gekry het, het ek vir myself ges\u00ea dit kan nie wees nie \u2013 nie Julano nie; nie my kind nie. <\/p>\n\n\n\n

\u201cDaardie dag was \u2019n donker dag vir sy klas en die hele skoolgemeenskap. Ons was in rou in gedompel.<\/p>\n\n\n\n

\u201cSy oupa het aan ons vertel wat gebeur het en dit het ons verder gebreek. Julano het eintlik as \u2019n held gesterf. Hy wou sy oupa beskerm; hy wou sy huismense beskerm,\u201d het Mondo in haar toespraak ges\u00ea.<\/p>\n\n\n\n

\n
\"Jolene

<\/p>\n

Jolene King, Julano se ma. Foto: Rasaad Adams<\/div>\n
<\/span><\/span><\/div>\n<\/div>\n<\/div>\n\n\n\n

Na afloop van die roudiens het Paarl Post<\/em> buite die skoolsaal met sy ouers, Jolene King en Marshall Allies, gepraat.<\/p>\n\n\n\n

Sy ma het ges\u00ea die gebeure is nog rou en die familie verwerk dit nog.<\/p>\n\n\n\n

\u201cMy kind was letterlik almal se wekker in die huis. Hy het almal op hul tone gehou. Ons mis alles van hom \u2013 sy musiek, die reuk van sy kos . . . Alles in my kamer herinner my aan hom,\u201d het sy ges\u00ea.<\/p>\n\n\n\n

Sy s\u00ea nadat sy Julano se lyk gaan besigtig het, het sy \u2019n mate van afsluiting en vrede gevind.<\/p>\n\n\n\n

Sy het ook klem daarop gel\u00ea dat sy die familielid wat van sy moord beskuldig word, vergewe het.<\/p>\n\n\n\n

\u201cEk vergewe hom. Ek gaan nie haat saam met my ronddra nie, want ek moet afsluiting vind om te kan aanbeweeg. Dit is hoe die lewe maar nou is.<\/p>\n\n\n\n

\u201cWat gebeur het, het gebeur. Ons kan nou niks aan die situasie doen nie. Ek weet ek gaan die paadjie van herstel suksesvol loop.\u201d<\/p>\n\n\n\n

\n