Wendy Kaizer-Philander, die voorsitter van die Wes-Kaapse provinsiale wetgewer se staande komitee belas met maatskaplike ontwikkeling, het Woensdag (13 November) as deel van haar departement se toesigrol \u2019n onaangekondigde verrassingsbesoek by die Paarlse kantoor van die Suid-Afrikaanse Agentskap vir Maatskaplike Sekerheid (Sassa) afgel\u00ea.<\/p>\n\n\n\n
Kaizer-Philander se besoek kom te midde van \u2019n vlaag klagtes wat haar kantoor ontvang het oor die swak gehalte diens en lang wagtye by di\u00e9 betrokke kantoor.<\/p>\n\n\n\n
Die kantoorbestuurder het tydens haar besoek ges\u00ea die meeste van die klagtes kan aan \u2019n tekort aan personeel toegeskryf word. <\/p>\n\n\n\n
\u201cOor die Wes-Kaap heen is daar daagliks klagtes van mense wat sukkel om Sassa-toelaes uitbetaal te kry. <\/p>\n\n\n\n
\u201cEen van die uitdagings wat by hierdie kantoor ervaar word, is dat daar glo nie genoeg personeel is nie.<\/p>\n\n\n\n
\u201cDit is natuurlik nie die eerste keer dat ons dit by ons kantoor hoor nie. Sassa het op nasionale vlak \u2019n komitee wie se verantwoordelikheid dit is om vakante poste te vul,\u201d het sy Woensdag buite die Paarlse kantoor ges\u00ea.<\/p>\n\n\n\n
\u201cEk is wel vanoggend deur hierdie personeel verseker dat hulle daardie ekstra take verrig sonder enige vergoeding sodat soveel as moontlik mense moontlik gehelp kan word.<\/p>\n\n\n\n
\u201cHierdie kantoor bedien beide die Drakenstein asook die Stellenbosch- munisipale gebiede,\u201d het Kaizer-Philander bygevoeg.<\/p>\n\n\n\n
Sy is ook ingelig dat daar gereeld tegniese probleme met die aanlyn stelsel by die Paarlse tak ervaar word.<\/p>\n\n\n\n
\u201cDie netwerkprobleme wat verlede maand ervaar is, is intussen reggestel, maar die stelsel wat in Oktober in werking getree het, veroorsaak glo vertragings.<\/p>\n\n\n\n
\u201cDaar is die nodige politieke wil in die Wes-Kaap om hierdie individuele probleme op te los. Ons verwagting is dus dat die provinsiale regering Sassa sal nooi en \u2019n pad saam met hulle sal stap om sodoende hierdie klagtes na die beste van ons vermo\u00eb op te los.\u201d<\/p>\n\n\n\n
Volgens Kaizer-Philander sal \u2019n portefeuljekomitee eersdaags \u2019n openbaredeelnameveldtog begin nadat \u2019n onlangse opname onder bejaarde Sassa-begunstigdes ernstige probleme oor di\u00e9 staatsdepartement aan die lig gebring het.<\/p>\n\n\n\n
\u201cSassa as \u2019n nasionale staatsentiteit sal na die tafel toe moet kom. Ons wil weet hoekom is dit die geval dat poste nie gevul word nie.<\/p>\n\n\n\n
\u201cHoekom is dit die geval dat die stelsel nie ten gunste van ons mense werk nie? <\/p>\n\n\n\n
\u201cOns gaan veral fokus op ons plattelandse gebiede. Dis hier waar mense dikwels ver van die dienste af is en nie die nodige kommunikasie ontvang nie, maar ook brood op die tafel wil sit.\u201d<\/p>\n\n\n\n
Sy het verder ges\u00ea voorstelle sal gedoen word oor hoe kommunikasie by die Paarlse kantoor tussen begunstigdes en die personeel verbeter kan word \u2013 veral met die aanmeld van klagtes en voorstelle.<\/p>\n\n\n\n
Kaizer-Philander lewer Donderdag (14 November) \u2019n rede in die provinsiale wetgewer waarin sy \u2019n skerp fokus sal plaas op die klagtes wat haar kantoor oor Sassa in die provinsie ontvang het.<\/p>\n\n\n\n
Die debat word om 14:00 op die provinsiale wetgewer se digitale platforms uitgesaai.<\/p>\n\n\n\n