Die stembriefies is almal getel in die plaaslike verkiesing van 2021 en die vallei bly weer blou.
Die DA het weer oortuigend in Drakenstein gewen met 55,41 % van die stemme wat hulle met 36 setels in die munisipale raad laat. Dit is die DA se derde agtervolgende termyn as leiers van Drakenstein.
Maar dit toon wel dat die DA steun in Drakenstein merkbaar laer is in vergelyking met die vorige verkiesing van 2016, toe hulle met 66,02% van die stemme en 43 setels in die raad gewen.
Die ANC bly die amptelike opposisie met 19,60% (23,59%) en 13 setels in die raad.
Die verrassing vanjaar is dié van Patricia de Lille se GOOD party wat vanjaar vir die eerste keer aan plaaslike verkiesings deelgeneem het en derde geplaas is in die vallei met 5,84% van die stemme en vier setels in die raad.
Die GOOD party in Drakenstein word gelei deur die voormalige Springbok-afrigter Peter de Villiers.
Die Vryheids Front+, wat vanjaar ’n baie aktiewe veldtog geloods het, het daarin geslaag om 4,90% van die stemme en drie munisipale setels in te samel, ’n groot verbetering sedert 2016 toe hulle net 2,36% van die stemme gekry het.
Ander setels wat in die raad verkry is, is: CDR (4,25 %) drie setels – ACDP 1 (2,03 %) een setel – EFF (1,94 %) een setel – PA (1,24 %) een setel – ICOSA ( 1,14 %) een sitplek – PAC (0,86 %) een sitplek en ALJAMA (0,59 %) een sitplek.
Contad Poole bly die DA-burgemeester vir Drakenstein terwyl Moutie Richards aanhou as die ANC-opposisieleier.Vanjaar was die stempersentasie ook laer as vorige jare met slegs 51,44% van geregistreerde kiesers wat hul kruisies getrek het in vergelyking met 64,72% in 2016.
