{"id":51700,"date":"2023-08-30T18:37:11","date_gmt":"2023-08-30T16:37:11","guid":{"rendered":"https:\/\/novanews.co.za\/noordkaapbulletin\/fees-der-feeste-in-kimberley-aangebied-20230830-2\/"},"modified":"2025-03-21T15:35:44","modified_gmt":"2025-03-21T13:35:44","slug":"fees-der-feeste-in-kimberley-aangebied-20230830-2","status":"publish","type":"post","link":"https:\/\/novanews.co.za\/noordkaapbulletin\/fees-der-feeste-in-kimberley-aangebied-20230830-2\/","title":{"rendered":"\u2018Fees der feeste\u2019 in Kimberley aangebied"},"content":{"rendered":"\n

Twee jong sangers wat as \u201csupergewild\u201d en \u2019n \u201cgroot inspirasie\u201d beskryf word, is onder die talle kunstenaars wat di\u00e9 naweek op die Yonder Hartsfees in Kimberley optree.<\/p>\n\n\n\n

Oud-Kimberliet Samantha Leonard en Dodo Nyoka, wat onderskeidelik die wenner en naaswenner van die sangkompetisie Die Kontrak <\/span>se tweede seisoen is, het albei reeds \u2019n buiging op talle verho\u00eb gemaak, en spog met verskeie eerbewyse.<\/p>\n\n\n\n

\n
\"\"

<\/p>\n

Dodo Nyoka<\/div>\n
<\/span>Foto: Verskaf<\/span> <\/div>\n<\/div>\n<\/div>\n\n\n\n

Samantha en Dodo<\/strong> tree Vrydagaand (01\/09) onderskeidelik om 20:00 en 21:00 by die Haakbosskerm op die terrein van die Yonder Hartsfees op.<\/p>\n\n\n\n

Enige besoeker met \u2019n toegangskaartjie tot die feesterrein kan di\u00e9 optredes bywoon, asook di\u00e9 van ander kunstenaars, insluitend PJ Powers en die Soweto-gospelkoor<\/strong>, wat Saterdagaand optree. <\/p>\n\n\n\n

Ander bekende kunstenaars \u00e9n plaaslike talent kry ook \u2019n beurt op die verhoog tydens die feesdae wat van Donderdag tot Sondag duur.<\/p>\n\n\n\n

\n
\"\"

<\/p>\n

Samantha Leonard<\/div>\n
<\/span>Foto: Verskaf<\/span> <\/div>\n<\/div>\n<\/div>\n\n\n\n

Fees ondersteun Yonder-inwoners met \u2019n gestremdheid<\/strong><\/p>\n\n\n\n

\u201cDie belangstelling in die fees is geweldig groot, en ons is baie opgewonde om dit weer vir die publiek aan te bied,\u201d s\u00ea Jannie van Zyl, feesdirekteur, en direkteur van die Noord-Kaaplandse Geestesgesondheidvereniging, waarvan Yonder deel is.<\/p>\n\n\n\n

Die Yonder Hartsfees word ten bate van die Yonder-inwoners wat daagliks met \u2019n gestremdheid leef, aangebied.<\/p>\n\n\n\n

By Yonder doen hulle vaardigheids- en lewensontwikkeling om hulle te bemagtig om in die ope arbeidsmark hul deel by te dra. <\/p>\n\n\n\n

Altesaam 37 mense wat met \u2019n gestremdheid leef, is reeds werksaam in die ope arbeidsmark en vaar baie goed. Hulle verdien hul eie salaris en van hulle ondersteun hul families tuis, s\u00ea Van Zyl.<\/p>\n\n\n\n

Die Yonder-program is so saamgestel dat, indien die mense wat reeds vaardighede bemeester het weens die ekonomiese toestand in die land nie \u2019n werksgeleentheid kry nie, daar vir hulle binne Yonder werk geskep word om hul vaardighede te beoefen.<\/p>\n\n\n\n

Vroe\u00ebr vanjaar het vier mense hul werk in die ope arbeidsmark verloor, en was ons in staat om ook vir hulle werk te skep. <\/p>\n\n\n\n

Die ander opsie sou wees dat hulle sonder werk by die huis moet wees.<\/p>\n\n\n\n

Hierdie geleenthede is beskikbaar omdat die Noord-Kaaplandse Geestesgesondheidvereniging dit vir die mense met \u2019n gestremdheid moontlik maak deur middel van geldinsameling. <\/p>\n\n\n\n

Die Yonder Hartsfees is so \u2019n geleentheid waar geld gegenereer word om die organisasie geldelik lewensvatbaar vir die toekoms te hou.<\/p>\n\n\n\n

Tans word twee afdelings ontwikkel om verswakte mense met \u2019n gestremdheid by te staan. Die behoefte vir die versorging van verswakte mense vir 24 uur per dag neem geweldig toe, en die koste hieraan verbonde is baie hoog. <\/p>\n\n\n\n

Elke kaartjie wat vir die fees gekoop word, maak dit moontlik om die doelwit te bereik om geldelik lewensvatbare dienste aan die persoon met \u2019n gestremdheid te lewer.<\/p>\n\n\n\n

\n
\"\"

<\/p>\n

PJ Powers en die Soweto-gospelkoor tree by die Yonder Hartsfees op. <\/div>\n
<\/span> Foto: Verskaf<\/span> <\/div>\n<\/div>\n<\/div>\n\n\n\n

Yonder Hartsfees vir die hele gesin<\/strong><\/p>\n\n\n\n

Soos voorheen bied stalletjies produkte te koop aan \u2013 van eetgoed tot kuns, speelgoed, handgemaakte ware, huishoudelike produkte en plante, en nog meer. <\/p>\n\n\n\n

Boonop sal die pretpark vir kinders, sportgeleenthede en meer besoekers ure lank vermaak. <\/p>\n\n\n\n

Vanjaar is die Yonder Experience en Die Spens nuut op die fees, waar die vaardighede van Yonder-inwoners besigtig kan word en van hul produkte te koop aangebied word. <\/p>\n\n\n\n

Vrydag <\/span>om 09:00 vind \u2019n aanbieding oor bewusmaking van mense met \u2019n gestremdheid plaas. As deel van die fees begin die interprovinsiale boccia-kampioenskapsbyeenkoms by die Elizabeth Conradie-skool, en dit duur tot Sondag. <\/p>\n\n\n\n

Plaaslike kunstenaars tree op en \u2019n skoonheidskompetisie word onder meer aangebied, met Dodo se optrede om 21:00 wat die dag se program afsluit.<\/p>\n\n\n\n

Saterdag <\/span>om 07:00 begin die para-fietsry\u00adwedren by die Kimberley Junior School, met \u2019n pretwedloop om 08:00 op die feesterrein. Ollie die Nar, DJ Tom Tom en Carine Beyleveld vermaak die kleinspan om 09:00, en Amore Bekker is die gas op \u2019n oggendtee-geselligheid om 10:00. Toutrek en bulletjierugby vind plaas, met PJ Powers en die Soweto-gospelkoor, saam met skoolkore, wat om 17:00 optree. <\/p>\n\n\n\n

Om 21:00 is dit Nicholis Louw se beurt.<\/p>\n\n\n\n

Sondag <\/span>om 10:00 begin \u2019n gospel-oggend, met kunstenaars wat tot 13:00 optree. <\/p>\n\n\n\n

Kaartjies aanlyn, by die toegangshek, te koop<\/strong><\/h3>\n\n\n\n

Van Zyl het sy dank teenoor die Sol Plaatje-munisipaliteit uitgespreek wat die afdraai vanaf die N12 skoongemaak het, en wat ook die duikweg in Kenilworthweg meer toeganklik vir verkeer gemaak het. <\/p>\n\n\n\n

Die fees vind weer op Malu-park, die feesterrein van die Noord-Kaaplandse Geestesgesondheidvereniging in Kimdustria, plaas. <\/p>\n\n\n\n

Veilige parkering is langs Hendrik van der Biljstraat by die toegangshekke beskikbaar. Vervoer na die terrein kan ook gere\u00ebl word.<\/p>\n\n\n\n