{"id":46053,"date":"2024-08-02T15:30:15","date_gmt":"2024-08-02T13:30:15","guid":{"rendered":"https:\/\/novanews.co.za\/noordkaapbulletin\/joop-se-huis-bied-hoop-vir-talle-in-kakamas-20240801-2\/"},"modified":"2025-07-04T14:28:37","modified_gmt":"2025-07-04T12:28:37","slug":"joop-se-huis-bied-hoop-vir-talle-in-kakamas-20240801-2","status":"publish","type":"post","link":"https:\/\/novanews.co.za\/noordkaapbulletin\/joop-se-huis-bied-hoop-vir-talle-in-kakamas-20240801-2\/","title":{"rendered":"Joop se Huis bied hoop vir talle in Kakamas"},"content":{"rendered":"\n

Joop se Huis in Kakamas het as \u2019n droom en \u2019n gebed begin, en vandag dien dit as \u2019n baken van hoop in Kakamas. <\/p>\n\n\n\n

Joop se Huis, Gemeenskap\u00adsentrum van Lig en Lewe, het in Mei 2023 met die fokus op welsyn begin. <\/p>\n\n\n\n

Marika Fair, dogter van wyle Joop van der Ham, welbekende gemeenskapsman en oogkundige, het soos haar pa \u2019n droom gehad om iets vir die gemeenskap op die besigheidsperseel by 11de Laan in Kakamas in te rig. <\/p>\n\n\n\n

Sy het saam met haar broer, Johann van der Ham, \u2019n sendeling van Malawi, en Cobus en Louise Rabie by die perseel vir \u2019n antwoord en rigting gaan bid. <\/p>\n\n\n\n

Omtrent drie dae later het vier vroue \u2013 Suna Rossouw, Jana Visser, Denette Agenbag en Chrisna Oberholzer \u2013 vir Marika genader met die versoek om \u2019n sopkombuis in die gebou te begin. <\/p>\n\n\n\n

Dit het die bal aan die rol gesit, en kort daarna is \u2019n komitee gevorm om die reeds bestaande nie-winsgewende organisasie Joop van der Ham-stigting te bestuur.<\/p>\n\n\n\n

\"\"\/
Skenkings van onder meer tamaties word uitsorteer, in samewerking met vrywilligers. Foto: Verskaf<\/figcaption><\/figure>\n\n\n\n

Koeponstelsel by Koskas gebruik<\/h4>\n\n\n\n

Die Koskas gebruik een van die winkels op die perseel wat in \u2019n kombuis en spens omskep is. Hier word kos in grootmaat voorberei.<\/p>\n\n\n\n

\u2019n Koeponstelsel is hier in gebruik. Hier kan enigeen vir R20 \u2019n koepon koop en wanneer \u2019n behoeftige vir kos vra of so \u2019n persoon opgemerk word, kan die persoon gevra word om vir \u2019n uur te werk, soos die skoonmaak van sypaadjies, uittrek van onkruid en meer. <\/p>\n\n\n\n

N\u00e1 afhandeling van die werk kry die persoon die koepon waarmee \u2019n voedsame bord kos teen 12:00 op weeksdae by Joop se Huis afgehaal kan word.<\/p>\n\n\n\n

Ander honger of werklose persone kan ook om 10:00 hier byeenkom waar hulle saam onder toesig \u2019n uur se werk in die gemeenskap doen. <\/p>\n\n\n\n

S\u00f3 is hulle al ingespan by die Tuin van Hoop by die dorpsingang, om slaggate te vul en dele in die dorp skoon te maak waarby die munisipale werkers nie uitkom nie. <\/p>\n\n\n\n

Persone kan ook vir \u2019n uur in die groentetuin van Joop se Huis werk.<\/p>\n\n\n\n

\"\"
Vrywilligers werk in die tuin by Joop se Huis. Foto: Verskaf<\/figcaption><\/figure>\n\n\n\n

N\u00e1 afhandeling van die werk, teen ongeveer 11:30, keer hulle terug na Joop se Huis waar elkeen opnuut van sy waardigheid en skeppingsdoel bewus gemaak word. \u2019n Dank- en voorsieningsgebed word gedoen, en om 12:00 ontvang elkeen \u2019n bord kos. <\/p>\n\n\n\n

\u201cSo kry elkeen met kos in sy maag weer krag om vir \u2019n werk te gaan soek,\u201d vertel Robert Fair, \u2019n betrokkene. Hy s\u00ea daar is talle mense wat hulle bedank en wie getuig dat hulle werk gekry het. <\/p>\n\n\n\n

Volwassenes word meestal by Joop se Huis ondersteun, en duisende etes is die afgelope jaar reeds verskaf. Tussen tien en 20 persone daag weeksdae op vir werk in ruil vir kos. In die afseisoen, as daar nie werk op die plase is nie, kan dit tot 30 mense wees. <\/p>\n\n\n\n

Die Koskas voorsien ook een maal per week gratis sop en brood aan 30 tot 60 volwassenes by die asgate. Baie van diegene herwin rommel wat hulle teen \u2019n lae vergoeding aan herwinningsentrums lewer. Di\u00e9 mense, wat reeds vir hulself iets doen, word so bygestaan.<\/p>\n\n\n\n

\"\"
Denette Agenbag, deel van die komitee van Joop se Huis, by \u2019n persoon wat rommel by die asgate herwin. Foto: Verskaf<\/figcaption><\/figure>\n\n\n\n

Verder ondersteun Joop se Huis \u2019n nie-winsgewende organisasie in Alheit wat behoeftige bejaardes ondersteun.<\/p>\n\n\n\n

Die Koskas voorsien ook kos waar die behoefte ontstaan, en soos goedgekeur deur die komitee. <\/p>\n\n\n\n

Die Klerekas is nog \u2019n winkel by Joop se Huis. Dit is \u2019n tweedehandse klerewinkel gevul met klereskenkings uit die gemeenskap, en is drieledig; om geld vir die organisasie en Koskas in te samel; om klere goedkoop aan die publiek en behoeftiges te verskaf; en om klere te skenk waar groot nood is. <\/p>\n\n\n\n

Programme vir straatkinders beplan<\/h4>\n\n\n\n

Hoewel die komitee graag straatkinders wil help, word \u2019n strategie nog beplan. <\/p>\n\n\n\n

\u201cBaie van die straatkinders slaap snags in hul woongebied maar kom bedags dorp toe op soek na kos. Ons wil nie kinders met kos dorp toe lok nie. By die skole kry die kinders kos, maar die straatkinders voel nie gemaklik in die skole nie,\u201d vertel Robert.<\/p>\n\n\n\n

\"\"
Annaline de Koker, vrywilliger en werker by Joop se Huis. Foto: Verskaf<\/figcaption><\/figure>\n\n\n\n

\u2019n Program wat oorweeg word, en wat voor die ontstaan van Joop se Huis aan die gang was, is die Wen-Wen Swop Shop wat deel van die nie-winsgewende organisasie is. Daar is egter op di\u00e9 stadium nie iemand wat dit voluit vanuit die Langverwag-woonbuurt kan bedryf nie.<\/p>\n\n\n\n

Vir di\u00e9 program tel kinders herwinbare materiaal op, sorteer dit en bring dit op \u2019n gegewe dag na die plek waar die \u201cswop shop\u201d gehou word. Dit wat hulle versamel het, word geweeg en daarvolgens kry hulle \u2019n koepon met punte. Daarmee kan hulle in die Swop Shop allerlei koop, soos kos, skryfbehoeftes en toiletware. <\/p>\n\n\n\n

\u201cDie program het al honderde kinders se lewe aangeraak deur aan hulle te wys dat hulle self iets kan doen in die soms haglike omstandighede waarin hulle hul bevind. Hul menswaardigheid word herstel en dit bring baie hoop.\u201d<\/p>Robert Fair<\/cite><\/blockquote><\/figure>\n\n\n\n

Nog \u2019n idee en droom is om vir straatkinders \u2019n alternatief te skep waar hulle in die dag bymekaar kan kom, veilig voel, aanvaar word, kos kry en op \u2019n spesiale manier by opvoeding betrek word. Van daar kan van hulle weer met ondersteuning terug geplaas word in staatskole.<\/p>\n\n\n\n

Om di\u00e9 droom te bewaarheid moet samewerking met onder meer die departement van onderwys en die polisie beding word, en dan moet die geriewe en personeel ook bekom word.<\/p>\n\n\n\n

Elkeen kan bydra lewer<\/h4>\n\n\n\n

Kosskenkings wat van ondernemings en individue geskenk word, is van uiterse waarde vir die werksaamhede van Joop se Huis.<\/p>\n\n\n\n

Behalwe skenkings van kos, vleis, en kontant, kan die publiek help deur ander te vertel van Joop se Huis, en om ook ou klere te skenk. Daar is \u2019n behoefte aan baba- en kinderklere. Die publiek kan die Klerewinkel ook ondersteun deur klere te kom koop.<\/p>\n\n\n\n

\"\"
Robert Fair wys hoe eenvoudig dit is om \u2019n koepon van R20 by die Koskas te koop. Agter die toonbank is Daleen Warkus. Foto: Verskaf<\/figcaption><\/figure>\n\n\n\n

Die Klerekas se tye is Maandag tot Donderdag van 09:00 tot 13:00, Vrydag 10:00 tot 15:00, en Saterdag 09:00 tot 13:00.<\/p>\n\n\n\n

Nog afloswerkers word in die Klerekas benodig, asook mans wat kan help fasiliteer en toesig hou met die persone wat opdaag om te werk vir kos. <\/p>\n\n\n\n

\u201cDit is voorwaar \u2018n riem onder die hart om te sien hoeveel mense van hul tyd, vaardighede en besittings vir die welsyn van ons dorp gee. Saam kan ons meer bereik en ons eie welsyn van ons gemeenskap bou,\u201d beklemtoon Robert. <\/p>\n\n\n\n