{"id":45868,"date":"2024-08-15T14:14:01","date_gmt":"2024-08-15T12:14:01","guid":{"rendered":"https:\/\/novanews.co.za\/noordkaapbulletin\/besige-entrepreneur-van-kimberley-skitter-as-semi-finalis-van-mev-heelal-suid-afrika-20240815-2\/"},"modified":"2025-06-01T17:46:06","modified_gmt":"2025-06-01T15:46:06","slug":"besige-entrepreneur-van-kimberley-skitter-as-semi-finalis-van-mev-heelal-suid-afrika-20240815-2","status":"publish","type":"post","link":"https:\/\/novanews.co.za\/noordkaapbulletin\/besige-entrepreneur-van-kimberley-skitter-as-semi-finalis-van-mev-heelal-suid-afrika-20240815-2\/","title":{"rendered":"Entrepreneur van Kimberley ‘n semi-finalis van Mev. Heelal Suid-Afrika"},"content":{"rendered":"\n

Charn\u00e9 Cronj\u00e9 van Kimberley is \u2019n semi-finalis in die 2024 Mev. Heelal Suid-Afrika-kompetisie, en di\u00e9 bedrywige entrepreneur is hard aan die werk in haar reis na die volgende rondte terwyl sy al haar ander lewenstake daarmee balanseer.<\/p>\n\n\n\n

Cronj\u00e9 is die stigter van die grootste Afrikaanse ouerondersteuningsgroep op Facebook, Mammas 24\/7, is \u2019n berader n\u00e1 sy haar meestersgraad in Christelike berading verwerf het, en is met haar doktorsgraad besig.<\/p>\n\n\n\n

Sy is boonop \u2019n skrywer, en benewens die voortdurende betrokkenheid by elke plasing op Mammas 24\/7, het sy vir Carpe Diem en die vrouetydskrif Finesse<\/em> geskryf. Sy was ook die mede-redakteur vir Goue Munt<\/em>, `n gratis geselstydskrif wat in Kimberley versprei het. Voorheen was sy ook \u2019n vryskutdosent vir studente in die bediening. <\/p>\n\n\n\n

Bo dit alles is sy \u2019n eggenote en maat vir haar man, Rudi, en die ma van twee kinders, Makayla en Kayden, wat vanjaar in gr. 4 en gr. 6 is. <\/p>\n\n\n\n

‘Drome vir ‘n rede in jou hart’<\/h4>\n\n\n\n

Cronj\u00e9 se passie om individue te lei en bemagtig het meegehelp dat die Mev. Heelal Suid-Afrika-kompetisie haar \u201cgeroep\u201d het, en sy om \u201celke hoek en draai\u201d \u2019n inskrywingsvorm daarvoor gesien het.<\/p>\n\n\n\n

\u201cLater kon ek nie meer weghardloop daarvan nie,\u201d vertel Cronj\u00e9 wat nog nooit voorheen belanggestel het om vir so iets in te skryf nie.<\/p>\n\n\n\n

Haar grootste doelwit wat sy deur deelname aan die kompetisie wil bereik is om vir vroue te wys dat bemagtiging binne bereik is.<\/p>\n\n\n\n

“Elkeen is uniek en elkeen het iets om te bied. Jy is waardevol, jy is genoeg! Moenie in jou vermo\u00eb twyfel nie. Drome is vir \u2018n rede in jou hart en jy moet gehoorsaam wees en dit nastreef.”<\/p>Charn\u00e9 Cronj\u00e9<\/cite><\/blockquote><\/figure>\n\n\n\n

Vir haar eie menswees was die deelname tot dusver uiters positief.<\/p>\n\n\n\n

\u201cEk het baie geleer oor selfvertroue; dit is iets wat ek al my lewe lank mee sukkel. In die kompetisie is daar nie tyd om in jouself te twyfel nie. Alles gebeur so vinnig en dan kom selfvertroue onverwags en vanself.\u201d<\/p>\n\n\n\n

In di\u00e9 reis word \u2019n susterskap met mede-deelnemers gevorm, en Cronj\u00e9 het opnuut bewus geraak van die impak wat elkeen kan h\u00ea deur sy stem te gebruik.<\/p>\n\n\n\n

\"\"
Charn\u00e9 Cronj\u00e9 van Kimberley, \u2018n semi-finalis in die Mev. Heelal Suid-Afrika-kompetisie. Foto: Verskaf<\/figcaption><\/figure>\n\n\n\n

Die skrikwekkende en kommerwekkende syfers van huishoudelike geweld en mishandeling is ook \u2019n aspek wat sy aanspreek.<\/p>\n\n\n\n

\u201cMense is so bang om uit te praat, veral oor die gevolge wat hulle dalk mag beleef of die oordeel wat hulle van ander mag ontvang. Hierdie siklus moet gestop word. Ons moet fokus om saam te werk om dit te bekamp en om slagoffers \u2018n veilige spasie te gee om hul waarheid te deel.\u201d<\/p>\n\n\n\n

Deel daarvan om di\u00e9 doelwit te bereik, is om noue bande met Caritas Gemeenskapsfokus te vorm. <\/p>\n\n\n\n

Die aanwys van die wenner vind in Februarie 2025 plaas, met \u2019n stemplakkaat-periode wat later gaan volg waartydens die publiek vir \u2019n wenner kan stem.<\/p>\n\n\n\n

‘Hartswens om altyd verskil te maak’<\/h4>\n\n\n\n

\u201cEk is dankbaar vir die meer as 150 000 mammas wat dit volg en wie deur die jare mekaar bystaan, ondersteun, raad gee en bemoedig. <\/p>\n\n\n\n

\u201cSonder hulle, wie die plasings lees, sou die blad nie moontlik gewees het nie. Elke share, elke like, elke comment en elke lees van \u2019n plasing hou die blad aan die gang.\u201d<\/p>\n\n\n\n

\"\"
Charn\u00e9 Cronj\u00e9 tydens \u2019n uitreik-aksie. Foto: Verskaf<\/figcaption><\/figure>\n\n\n\n

Voorheen het Cronj\u00e9 vertel dat niemand weet hoe om die perfekte ma te wees nie, maar met ander se ondersteuning, raad en bemoediging kan jy die beste moontlik vir jou kind doen.<\/p>\n\n\n\n

\u201cMy hartswens met Mammas 24\/7 was en sal altyd wees om \u2018n verskil te maak, om mense se harte aan te raak, al is dit hoe klein.\u201d<\/p>\n\n\n\n

Waar Cronj\u00e9 vroe\u00ebr jare waargeneem het dat mense negatiewe of kritiese kommentaar op ander se plasings lewer, beleef sy nou dat dit afgeneem het.<\/p>\n\n\n\n

\u201cEk voel trots daarop dat meer en meer mense besef daar is nie plek daarvoor in ons samelewing nie; dat ons mekaar het en dat ons mekaar m\u00f3\u00e9t ondersteun.\u201d<\/p>\n\n\n\n

Oor haar beradingsrol, as CC Counselling, beklemtoon sy dat om hulp te vra, \u2019n dapper stap vorentoe is. Haar geloof is \u2019n goue draad deur alles wat sy aanpak. <\/p>\n\n\n\n

\n

Die grootste kwelpunte waarmee vroue worstel sluit dikwels emosionele uitdagings in soos selfbeeld, spanning, en die druk om alles te balanseer. Meer en meer vroue twyfel in hulself, en in hul waarde.<\/p>\n<\/blockquote>\n\n\n\n

\u201cHulle voel net nie genoeg nie. My raad aan hulle is om hulself genoeg tyd en ruimte te gee vir selfsorg, om ondersteuning te soek by ander vroue, en om nie te huiwer om hulp te vra nie. <\/p>\n\n\n\n

\u201cDit is belangrik vir vroue om hul eie behoeftes te erken en te prioritiseer te midde van al die verantwoordelikhede wat hulle hanteer.\u201d<\/p>\n\n\n\n

Syself het \u2019n paar maande gelede erge spanning beleef nadat sy n\u00e1 tien jaar van vreeslike maagpyn, \u201cwaar dit voel of alles binne my skeur,\u201d \u2019n operasie moes ondergaan nadat vasgestel is dat haar blaas, baarmoeder en maagwand aanmekaar gegroei het n\u00e1 haar laaste keisersnit tien jaar gelede. <\/p>\n\n\n\n

\u2019n Laporotomie is op haar uitgevoer, met heelwat risiko\u2019s verbonde aan die prosedure om die organe weg van mekaar te sny.<\/p>\n\n\n\n

Toe Cronj\u00e9 n\u00e1 die suksesvolle operasie uit narkose wakker word, het sy van dankbaarheid gehuil. <\/p>\n\n\n\n

\u201c \u2018n Mens besef nie altyd, tot jy in so situasie is en die beheer uit jou hande is, hoe vinnig dinge kan draai of skeefloop nie.\u201d<\/p>\n\n\n\n

\"\"
Charn\u00e9 Cronj\u00e9 tydens die Mnr. en Mej. Diamantveld-kroningsgeleentheid waar sy as \u2019n beoordelaar opgetree het. Foto: Verskaf<\/figcaption><\/figure>\n\n\n\n

Volg haar reis<\/h4>\n\n\n\n

Ongeag soveel spreekwoordelike hooi op haar vurk s\u00ea Cronj\u00e9 dat sy lankal nie meer net 24-uur in \u2019n dag het nie. <\/p>\n\n\n\n

\u201cSoms voel ek dat ek die w\u00eareld se tyd het; en ook dat ek nie genoeg doen nie. Ek dink dit is die rede hoekom ek net meer en meer aanpak. <\/p>\n\n\n\n

\u201cAs iemand s\u00ea hulle het nie tyd vir iets nie, kan hulle \u2018n draai by my kom maak. Maar dis net deur die Here se genade. Wanneer Hy wil h\u00ea jy iets moet doen of aanpak, sal Hy die tyd vir jou gee. <\/p>\n\n\n\n

\u201cHy sal seker maak die tyd staan so bietjie stil, spesiaal vir jou, om alles op jou lysie te voltooi.\u201d<\/p>\n\n\n\n

Volg Cronj\u00e9 se doen en late op Facebook by Charne Cronje \u2013 Mrs Universe South Africa 2024 Semi-Finalist<\/a>; Mammas 24\/7<\/a>; en Charne Cronje Counselling<\/a>.<\/p>\n\n\n\n

Besoek die Facebook-blad Mrs Universe South Africa <\/a>of Charne Cronje \u2013 Mrs Universe South Africa 2024 Semi-Finalist<\/a> om uit te vind hoe om vir Cronj\u00e9 in di\u00e9 kompetisie te stem. <\/p>\n\n\n\n