{"id":44975,"date":"2024-10-18T17:53:54","date_gmt":"2024-10-18T15:53:54","guid":{"rendered":"https:\/\/novanews.co.za\/noordkaapbulletin\/delta-dieter-mik-vir-800-parkruns-na-600-kafgedraf-is-20241017\/"},"modified":"2025-03-21T16:53:48","modified_gmt":"2025-03-21T14:53:48","slug":"delta-dieter-mik-vir-800-parkruns-na-600-kafgedraf-is-20241017","status":"publish","type":"post","link":"https:\/\/novanews.co.za\/noordkaapbulletin\/delta-dieter-mik-vir-800-parkruns-na-600-kafgedraf-is-20241017\/","title":{"rendered":"‘Delta Dieter’ mik vir 800 parkruns n\u00e1 600 kafgedraf is"},"content":{"rendered":"\n

Met sy 600ste parkrun wat hy die afgelope naweek kafgedraf het, mik die 76-jarige Dieter Meyer na die 800-kerf, en indien moontlik, selfs die 1 000-kerf.<\/p>\n\n\n\n

\u201cDelta Dieter\u201d, soos hy bekend is, was een van die 26 atlete wat in November 2011 die eerste parkrun in Suid-Afrika saam met Bruce Fordyce, uitvoerende hoof van parkrun in Suid-Afrika, by Delta Park voltooi het.<\/p>\n\n\n\n

\n
\"parkrun\"

<\/p>\n

Die 76-jarige Dieter Meyer (middel) het op Saterdag 12 Oktober sy 600ste parkrun-geleentheid voltooi. \u201cDelta Dieter\u201d, soos hy bekend is, was een van die 26 atlete wat in November 2011 die eerste parkrun in Suid-Afrika by Delta Park saam met Bruce Fordyce voltooi het. Atlete van die Kimberley Harriers Running Club, van wie Meyer lid is, het Saterdag sy mylpaal tydens die Kimberley-parkrun by Rooifontein meegemaak. Van links is Liesl Lightfoot, Farrell Moses, Roshelle Jacobs, Meyer, Sammy Louw (voorsitter), en Ria en David Janse van Vuuren.<\/div>\n
<\/span>Foto: Helena Barnard<\/span> <\/div>\n<\/div>\n<\/div>\n\n\n\n

Sy 500ste parkrun het hy in Oktober 2022 saam met Fordyce by Delta Park voltooi.<\/p>\n\n\n\n

Meyer het nie net die 3 000 km van die 600 parkruns onder sy voete voel verbyvlieg nie. <\/p>\n\n\n\n

Hy het onder meer \u2019n blou nommer vir die Two Oceans- en \u2019n groen nommer vir die Comrades-ultramarathon. Die voltooiing van tientalle bergwedlope, die Midmar-myl wat hy nagenoeg 17 keer geswem het, asook fietsrenne \u2013 onder meer die Cape Town Cycle Tour wat hy 13 keer voltooi het \u2013 skets sy passie vir sport.<\/p>\n\n\n\n

\n
\"parkrun\"

<\/p>\n

\u2018n Spesiale koek, asook \u2018n T-hemp, is vir Dieter Meyer gereed gekry vir die voltooiing van sy 600ste parkrun.<\/div>\n
<\/span>Foto: Helena Barnard<\/span> <\/div>\n<\/div>\n<\/div>\n\n\n\n

Die afgelope Saterdag, 12 Oktober, het talle atlete van die Kimberley Harriers Running Club, waar hy \u2019n lid is, aan die Kimberley-parkrun by Rooifontein deelgeneem om in Meyer se prestasie en vreugde te deel.<\/p>\n\n\n\n

Sammy Louw, voorsitter, en Dave Janse van Vuuren, wat onder meer 30 Comrades-ultramarathons voltooi het, het saam met Meyer oor die eindstreep gehardloop.<\/p>\n\n\n\n

\n
\"parkrun\"

<\/p>\n

Twee lede van die Kimberley Harriers Running Club, David Janse van Vuuren (links, wie reeds 30 Comrades-ultramarathons voltooi het) en Sammy Louw (regs, voorsitter van die klub), het die eindstreep van Dieter Meyer se 600ste parkrun saam met hom genader.<\/div>\n
<\/span>Foto: Facebook\/Kimberley parkrun<\/span> <\/div>\n<\/div>\n<\/div>\n\n\n\n

\u2019n Koek, spesiaal vir Meyer gebak, is n\u00e1 die tyd met ander parkrunners gedeel.<\/p>\n\n\n\n

Meyer het al op meer as 120 verskillende plekke aan parkrun-geleenthede deelgeneem. Die beste tyd wat hy behaal het, is 22:59.<\/p>\n\n\n\n

Oor die voltooiing van sy 600ste parkrun in 35:15 het Meyer ges\u00ea dat hy \u201con top of the world\u201d voel. <\/p>\n\n\n\n

Hy het mense aangemoedig om uit die huis te kom en saam met hul kinders aktief te wees.<\/p>\n\n\n\n