{"id":44712,"date":"2024-11-09T11:47:08","date_gmt":"2024-11-09T09:47:08","guid":{"rendered":"https:\/\/novanews.co.za\/noordkaapbulletin\/bundel-hou-twyfelhoekie-wyshede-byderhand-20241105-2\/"},"modified":"2025-03-21T16:56:20","modified_gmt":"2025-03-21T14:56:20","slug":"bundel-hou-twyfelhoekie-wyshede-byderhand-20241105-2","status":"publish","type":"post","link":"https:\/\/novanews.co.za\/noordkaapbulletin\/bundel-hou-twyfelhoekie-wyshede-byderhand-20241105-2\/","title":{"rendered":"Bundel hou Twyfelhoekie-wyshede byderhand"},"content":{"rendered":"\n

Sy eie boekery van ongeveer 11 000 boeke laat Hannes No\u00ebth daagliks die waarde van die geskrewe woord in gedrukte vorm besef, beleef en waardeer. <\/p>\n\n\n\n

Dit was deel van die rede waarom No\u00ebth, skrywer van die weeklikse Twyfelhoekie-rubriek in NoordkaapBulletin<\/span>, besluit het om \u2019n bundel met 365 van di\u00e9 rubrieke saam te stel.<\/p>\n\n\n\n

No\u00ebth skryf sedert Mei 2011 di\u00e9 Twyfelhoekies vir die publikasie, en die afgelope 13 jaar is meer as 600 gepubliseer. <\/p>\n\n\n\n

Met Kimberley as die \u201cgeboorteplek\u201d van die Twyfelhoekies is di\u00e9 bundel heel gepas op Vrydag 1 November ook in di\u00e9 stad, by die Stillerwe\u00eb-aftreeoord, bekendgestel.<\/p>\n\n\n\n

No\u00ebth, uitvoerende direkteur van Solidariteit Helpende Hand en woonagtig in Pretoria, was in 2011 predikant by die Gereformeerde kerk Kimberley toe hy en die destydse redakteur van die publikasie, toe nog Noordkaap<\/span>, oor die moontlikheid van \u2019n rubriek gepraat het. <\/p>\n\n\n\n

N\u00e1 meer as 13 jaar het die gewildheid van die rubriek nie afgeneem nie, en ook nie No\u00ebth se deursettingsvermo\u00eb en dissipline om klokslag en weekliks so \u2019n rubriek \u2013<\/span> boonop sonder betaling \u2013 te lewer nie.<\/p>\n\n\n\n

\n
\"bundel\"

<\/p>\n

\u2018n Totaal van 365 Twyfelhoekies saamgebundel.<\/div>\n
<\/span>Foto: Helena Barnard<\/span> <\/div>\n<\/div>\n<\/div>\n\n\n\n

Vanaf die eerste Twyfelhoekie wou No\u00ebth lewenswysheid met diepte deel, wat terselfdertyd nie te swaar moes wees nie.<\/p>\n\n\n\n

\u201cHoe mooi dat die Here vir ons stories in ons daaglikse lewe gee,\u201d s\u00ea hy. <\/p>\n\n\n\n

Hy skryf oor dit wat hy waarneem en beleef in die w\u00eareld waarin hy geplaas is, met nie \u2019n dag wat verbygaan sonder dat hy die plaas Twyfelhoek tussen Petrusburg en Koffiefontein onthou nie. <\/p>\n\n\n\n

\u201cDie plaas Twyfelhoek het my sekuriteit in \u2019n onseker w\u00eareld gegee,\u201d s\u00ea hy,<\/p>\n\n\n\n

Twee temas veral sentraal in mense se lewe<\/strong><\/h3>\n\n\n\n

No\u00ebth was in sy sesde jaar van tersi\u00eare opleiding toe hy besef dat soveel dinge daagliks om \u2019n mens gebeur waaroor jy nooit dieper dink nie. Hy het besef dat soveel mense op \u2019n dag by jou verbygaan oor wie se menswees of omstandighede jy nie dink nie. Hy het ook vertel van \u2019n verjaardagkaartjie wat hy daardie jaar vir \u2019n 91-jarige tannie gegee het. Daarin het gedruk gestaan: \u201cGese\u00ebnde jaar\u201d.<\/p>\n\n\n\n

Oor di\u00e9 boodskap het hy vir homself gevra wat h\u00fd eintlik vir die bejaarde wil s\u00ea, en wat die beste woorde sou wees. <\/p>\n\n\n\n

Deur sy daaglikse kom en gaan met mense oor die land heen het hy n\u00e1 jare se rubriekskryf besef dat veral twee temas sentraal staan: Die soeke van die mens na vrede in alle tye; en die besef dat jy se\u00ebninge ontvang \u2013 in alle omstandighede. <\/p>\n\n\n\n

\u201cMoenie net oorleef nie. Moenie leef uitstel totdat jy gereed is daarvoor nie,\u201d s\u00ea hy.<\/p>\n\n\n\n

Die boekbekendstelling is ook deur Karin Muller bygewoon. Sy noem No\u00ebth haar \u201cbladsy-buurman\u201d omdat sy reeds die afgelope tien jaar die Potpourri-rubriek skryf wat ook op bl. 4 geplaas word. <\/p>\n\n\n\n