{"id":299005,"date":"2026-04-17T10:33:30","date_gmt":"2026-04-17T08:33:30","guid":{"rendered":"https:\/\/novanews.co.za\/noordkaapbulletin\/?p=299005"},"modified":"2026-04-17T10:33:32","modified_gmt":"2026-04-17T08:33:32","slug":"ouma-stap-830km-om-geld-in-te-samel-vir-behandeling-van-kleinkind-se-rare-siekte","status":"publish","type":"post","link":"https:\/\/novanews.co.za\/noordkaapbulletin\/ouma-stap-830km-om-geld-in-te-samel-vir-behandeling-van-kleinkind-se-rare-siekte\/","title":{"rendered":"Ouma stap 830km om geld in te samel vir behandeling van kleinkind se rare siekte"},"content":{"rendered":"\n

‘n Ouma van Jan Kempdorp gaan eersdaags ‘n staptog van nagenoeg 830 kilometer vanaf di\u00e9 Noord-Kaapse dorp tot in Durban in KwaZulu-Natal ter wille van haar kleindogter aanpak.<\/p>\n\n\n\n

Behalwe dat Vicky Verster hoop om geld in te samel om te kan bydra vir haar kleindogter se medikasie, behandeling, vasgestelde eetplan en leweroorplanting, wil sy bewusmaking van Tyrosinemia tipe 1 <\/a>skep waaraan die driejarige Lyra ly.<\/p>\n\n\n\n

Verster vertrek op Maandag 4 Mei om 08:00 uit Jan Kempdorp en wil op 1 Junie in die Durban Pavilion Mall instap.<\/p>\n\n\n\n

\"\"
Lyra Verster vroe\u00ebr in die hospitaal. FOTO: Facebook<\/figcaption><\/figure>\n\n\n\n

“Ek is heeltemal net ‘n plein Jane-ouma en het nog nooit so iets aangepak nie. Ek is baie opgewonde, maar ook baie op my senuwees,” vertel sy. “Met geld kan ek nie help nie, maar ek kan stap en het besluit om Durban toe te stap. Elke tree wat ek stap is vir families met sulke kinders en vir dit wat hulle elke dag moet deurgaan.”<\/p>\n\n\n\n

Verster, wie al bykans ses jaar in Jan Kempdorp op dieselfde erf woon as Lyra se ouers, Andr\u00e9 en Kiara, vertel sy wil die leefw\u00eareld vir haar kinders en kleinkind verbeter.<\/p>\n\n\n\n

“My missie is baie persoonlik: Ek stap om die belangrikheid van vroe\u00eb diagnose en die uitdagings wat gesinne in die gesig staar om toegang tot gespesialiseerde mediese voeding te kry, te beklemtoon. Tyrosinemia Tipe 1 is seldsaam en word dikwels onderdiagnoseer. Vroe\u00eb opsporing en behandeling is noodsaaklik vir sulke kinders.”<\/p>\n\n\n\n

Gespesialiseerde sorg, evaluering voortdurend nodig<\/h3>\n\n\n\n

Tyrosinemia tipe 1 is ‘n seldsame genetiese metaboliese toestand wat veroorsaak dat Lyra se liggaam nie prote\u00efene kan verwerk nie – dit bring mee dat alledaagse kos in haar liggaam in ‘n gifstof omskep word.<\/p>\n\n\n\n

Weens di\u00e9 mediese toestand is Lyra se lewer en niere voortdurend onder druk en is elke dag ‘n fyn balans tussen ‘n streng, lae-prote\u00efen mediese eetplan, ‘n gespesialiseerde formule en ander daaglikse medikasie wat nie geredelik beskikbaar is nie.<\/p>\n\n\n\n

\n
\"\"<\/figure>\n\n\n\n
\"\"<\/figure>\n
Vicky Verster gaan vanaf Jan Kempdorp tot in Durban stap om geld in te samel vir die behandeling van haar driejarige kleindogter se rare siekte. FOTO’S: Verskaf<\/figcaption><\/figure>\n\n\n\n

Lyra het in Oktober 2024 griepsimptome begin toon, maar het nie herstel nie. N\u00e1 evaluering en verskeie toetse in hospitale is sy met Tyrosinemia tipe 1 diagnoseer wat ernstige lewerskade veroorsaak as dit nie behoorlik bestuur word nie.<\/p>\n\n\n\n

Sy benodig nou voortgesette gespesialiseerde sorg en evaluering by die Rooi Kruis-kinderhospitaal <\/a>in Kaapstad, waar sy na alle waarskynlikheid ‘n leweroorplanting sal ondergaan.<\/p>\n\n\n\n

Voordat dit kan gebeur, is verskeie besoeke na di\u00e9 hospitaal nodig. Wanneer Lyra ‘n leweroorplanting ondergaan sal haar ma vir drie tot ses maande na Kaapstad moet verhuis, wat verblyf, kos, vervoer en basiese lewenskoste insluit.<\/p>\n\n\n\n

LEES OOK:<\/strong> <\/strong>Red Cross Children\u2019s Hospital achieves historic milestone with 300th kidney transplant<\/a><\/p>\n\n\n\n

In Maart, tydens Lyra se mees onlangse besoek aan die Rooi Kruis-kinderhospitaal, is bevind dat haar milt nie meer geswel is nie, ‘n nier is steeds geswel maar stabiel, en haar lewer funksioneer hoewel dit onder stres verkeer. Die span spesialiste het besluit om nie die leweroorplanting oorhaastig te doen nie en sy is op die onaktiewe skenkerslys geplaas. <\/p>\n\n\n\n

Maar, indien ‘n geskikte lewerskenker beskikbaar word, moet Lyra binne twee ure in Kaapstad vir ‘n oorplanting wees.<\/p>\n\n\n\n

Sy moet ook weer op 1 Junie by di\u00e9 kinderhospitaal vir ‘n volgende evaluasie wees. <\/p>\n\n\n\n

Kwelling oor ondersteuningsbestuurder<\/h3>\n\n\n\n

Verster het haar roete presies uitgewerk, en is effens benoud oor onvoorspelbare en vinnigveranderende weerstoestande, asook oor langer afstande tussen dorpe – veral waar sy nog nie verblyf gekry het nie. Sy trap tans drie pare stapskoene uit – een paar wat al redelik oud is, en twee nuwer pare.<\/p>\n\n\n\n

‘n Verdere kwelling is dat sy meteens sonder ‘n ondersteuningsbestuurder is nadat die persoon wat haar sou vergesel, dit nie meer kan doen nie. <\/p>\n\n\n\n

Di\u00e9 persoon sou in ‘n eie voertuig ry en van haar bagasie vervoer, en in die nabyheid bly ter wille van haar veiligheid. Die ooreenkoms is dat Verster di\u00e9 persoon se brandstof-, verblyf- en ete-uitgawes dra.<\/p>\n\n\n\n