{"id":298992,"date":"2026-04-13T13:39:24","date_gmt":"2026-04-13T11:39:24","guid":{"rendered":"https:\/\/novanews.co.za\/noordkaapbulletin\/?p=298992"},"modified":"2026-04-13T14:04:40","modified_gmt":"2026-04-13T12:04:40","slug":"publiek-versoek-om-gevare-aan-te-meld-na-negejarige-in-gruisgroef-verdrink","status":"publish","type":"post","link":"https:\/\/novanews.co.za\/noordkaapbulletin\/publiek-versoek-om-gevare-aan-te-meld-na-negejarige-in-gruisgroef-verdrink\/","title":{"rendered":"Publiek versoek om gevare aan te meld n\u00e1 negejarige in gruisgroef verdrink"},"content":{"rendered":"\n

UPINGTON<\/strong> – “Ek het haar nannatjie genoem omdat sy so gehoorsaam was. En dan was sy ook so gewillig gewees om my in die kombuis te help wanneer ek brood gebak het”, vertel ‘n hartseer Sylvia Seekoei, ma van die negejarige Sylvia wat op 9 April in ‘n gruisgroef verdrink het.<\/p>\n\n\n\n

Sylvia was ‘n graad 3-leerder aan die Laerskool Swarthmore in Leseding buite Upington. Sy en nege maatjies het die betrokke dag na die gruisgroef gegaan wat aan die boonste kant van ‘n rotsagtige heuwel is. <\/p>\n\n\n\n

Volgens ooggetuies het Sylvia ingeval en in die moeilikheid beland. Sy kon nie swem nie en het n\u00e1 ‘n tydjie onder die stilstaande water verdwyn. Haar maats het angstig rondgeskarrel en van hulle het die nuus aan Sylvia se ma gaan oordra.<\/p>\n\n\n\n

\"Die
Die gruisgroef met water waarin Sylvia Seekoei verdrink het. FOTO: Verskaf<\/figcaption><\/figure>\n\n\n\n

Die volgende dag het polisieduikers Sylvia se liggaam gevind en uitgehaal. Volgens die oorledene se ma was daar skaafmerke aan haar kind se arms. <\/p>\n\n\n\n

Die familie beplan ‘n begrafnis vir eerskomende Saterdag wat uit die Apostoliese kerk in Leseding sal plaasvind.<\/p>\n\n\n\n

LEES OOK: <\/strong>Keep away: Canals, rivers hold high risk of drowning<\/a><\/p>\n\n\n\n

Kolonel Cherelle Ehlers, polisiewoordvoerder, s\u00ea ‘n geregtelike doodsondersoek<\/a> word deur die polisie gedoen. Op die dag van die voorval is die polisie omstreeks 16:30 in kennis gestel, en polisieduikers is na die toneel gestuur. <\/p>\n\n\n\n

Weens swak lig is die soektog later na die volgende dag uitgestel. Sylvia se liggaam is die volgende oggend gevind.<\/p>\n\n\n\n

Die polisie versoek weereens die publiek om versigtig by enige waterbron te wees. Kinders moet nooit sonder toesig waterpoele, damme, kanale of riviere besoek nie.<\/p>\n\n\n\n

Indien ‘n kind wel in die water beland, moet volwassenes so gou as moontlik na die toneel ontbied word. Kinders moet nie poog om self ‘n maatjie te red nie.<\/p>\n\n\n\n

‘n Gemeenskapsleier van Upington, Rudolph Saal, s\u00ea die voorval is ‘n geweldige tragedie vir die familie en die gemeenskap. Hy versoek dat lede van die gemeenskap voortdurend moet help uitkyk vir gevare in die omgewing, en dit by die plaaslike owerhede aanmeld.<\/p>\n\n\n\n

Lig kinders in<\/h3>\n\n\n\n

Op die webwerf childsafe.org.za<\/a> word die volgende wenke gegee wat aan kinders oorgedra of geleer moet word:<\/p>\n\n\n\n