{"id":297316,"date":"2026-03-05T08:41:05","date_gmt":"2026-03-05T06:41:05","guid":{"rendered":"https:\/\/novanews.co.za\/noordkaapbulletin\/?p=297316"},"modified":"2026-03-05T16:13:08","modified_gmt":"2026-03-05T14:13:08","slug":"orrel-se-vashaaknoot-lei-na-kultuurkuier-ver-in-die-ou-kalahari","status":"publish","type":"post","link":"https:\/\/novanews.co.za\/noordkaapbulletin\/orrel-se-vashaaknoot-lei-na-kultuurkuier-ver-in-die-ou-kalahari\/","title":{"rendered":"Orrel se vashaaknoot lei na kultuurkuier ‘Ver in die ou Kalahari’"},"content":{"rendered":"\n

‘n Vashaaknoot van die orrel van die NG kerk Van Zylsrus het indirek tot ‘n kultuurkuier in die Kalahari gelei.<\/p>\n\n\n\n

Onder groot kameeldoringbome op die gasteplaas Oppiknoppi in die Severn-omgewing, het die dekor van di\u00e9 kultuurkuier geen twyfel gelaat dat dit Valentynsdag “Ver in die ou Kalahari” was nie.<\/p>\n\n\n\n

Lidmate van die Doringdraaiwyk van die NG kerk Kuruman, asook Van Zylsrus- en Askhamvriende is vir di\u00e9 kuier deur Pieter en Tania Grov\u00e9 ontvang.<\/p>\n\n\n\n

\"\"
Willie de Bruin met een van die selfie-rame met die aasvo\u00eblgeoglief as tema. FOTO: Verskaf<\/figcaption><\/figure>\n\n\n\n

Die idee vir di\u00e9 kuier het by Pieter Pienaar posgevat toe hy gedurende die beplanningsfase van die eerste Van Zylsrus kunsteweek in 2025 verneem het dat die orrel by die NG kerk Van Zylsrus \u2018n vashaaknoot het wat omtrent R9 000 sal kos om reg te maak. Wanneer die orrel reg is, sal orreluitvoerings gedurende toekomstige kunsteweke aangebied kan word, het hy gedink. <\/p>\n\n\n\n

Plaaslike vriende het saamgestem en s\u00f3 het elkeen wat die kultuurkuier meegemaak het, R100 vir die orrel se regmaak geskenk.<\/p>\n\n\n\n

\"\"
Pieter Pienaar met vlerke. FOTO: Verskaf<\/figcaption><\/figure>\n\n\n\n

Met die beplanning van die kuier is die lang afstande en versengende hitte in ag geneem met Askham en Oppiknoppi wat byvoorbeeld 240 km uitmekaar is.<\/p>\n\n\n\n

Afgesien van inspirerende praatjies, was daar byderwetse selfie-rame en \u2018n skyfskiet-kompetisie met ‘n windbuks. Boonop kon elkeen wat enigiets vervaardig, bak of kook dit uitstal en verkoop.<\/p>\n\n\n\n

Dien ook as platform vir talentvolles<\/h3>\n\n\n\n

“In die platteland is soveel talentvolle mense, maar uitstalgeleenthede ontbreek soos baie kleindorpse kunsvlyters sal kan beaam,” s\u00ea Pienaar. Konfyte, heuning, dro\u00eb vrugte, kleurvolle Valentynskoekies en trooskussinkies was onder meer te koop.<\/p>\n\n\n\n

LEES OOK: <\/strong>Aasvo\u00ebl-geoglief sprei sy vlerke in die Kalahari-sand<\/a><\/p>\n\n\n\n

Kalahariskrywers en -digters het ook saamgestaan. Heleen Bruwer het haar nuutste publikasie, Phanina<\/em>, bekendgestel en Chummy de Bruin, skrywer en samesteller van Kalahari-stories, het vertel hoe die Pennevrug-bundel ontstaan het wat verlede jaar vir die kunsteweek saamgestel en gedruk is. H\u00e9l\u00e8ne Burger, taalkenner en -versorger, het vertel van hulpmiddels om vir geskrewe taalgebruik aan te wend.<\/p>\n\n\n\n

\"\"
Talle tuisgemaakte produkte het ook ‘n uitstalruimte tydens die kultuurkuier gekry. FOTO: Verskaf <\/figcaption><\/figure>\n\n\n\n

Nog ‘n oogmerk van die kuiergeleentheid was om die teenwoordig in te lig oor kultuuraktiwiteite in die wyer streek en om klem te plaas op moontlikhede wat die kreatiewe ekonomie bied. <\/p>\n\n\n\n

“Jagters wat die Kalahari in die jagseisoen besoek vorm die grootste deel van die kreatiewe ekonomie, maar in die stiller maande wanneer oornagfasiliteite leeg is, moet ander aspekte dalk aangespreek en ingespan word,” s\u00ea Pienaar.<\/p>\n\n\n\n

Gert van Zyl, toerismekenner van Askham en eienaar van Thirstland Trails, het vertel wat hulle in die omgewing van die Kgalagadi Oorgrenspark doen om internasionale en plaaslike toeriste te lok. <\/p>\n\n\n\n

\n
\"\"
Pieter en Tania Grov\u00e9<\/figcaption><\/figure>\n\n\n\n
\"\"
Chummy de Bruin en die windbuks<\/figcaption><\/figure>\n<\/figure>\n\n\n\n

Marathondag, konsert wy geoglief amptelik in<\/h3>\n\n\n\n

Pienaar, wat saam met die Van Zylsrus-gemeenskap, Site Specific Collective-span<\/a> en Kobus Duvenhage-bouers werk om die aasvo\u00eblgeoglief, wat \u2018n Google Earth-landmerk sal wees, in Mei klaar te maak, het kortliks verslag gelewer oor die vordering hiervan. Later vandeesmaand word die laaste 15 000 klippe gelaai om die geoglief te voltooi en Saterdag 9 Mei vind \u2018n marathondag plaas om fondse hiervoor aan te vul. Later die dag word \u2018n opelugkonsert aangebied om die geoglief in te wy.<\/p>\n\n\n\n

\n