{"id":296678,"date":"2026-02-10T13:16:30","date_gmt":"2026-02-10T11:16:30","guid":{"rendered":"https:\/\/novanews.co.za\/noordkaapbulletin\/?p=296678"},"modified":"2026-02-10T13:16:32","modified_gmt":"2026-02-10T11:16:32","slug":"video-kimberleigh-hondlegende-van-kimberley-se-groot-gat-dood","status":"publish","type":"post","link":"https:\/\/novanews.co.za\/noordkaapbulletin\/video-kimberleigh-hondlegende-van-kimberley-se-groot-gat-dood\/","title":{"rendered":"VIDEO | Kimberleigh: Hondlegende van Kimberley se Groot Gat dood"},"content":{"rendered":"\n

Kimberleigh, die hond wat in November 2013 deur ao. John Seeley van die polisie se soek-en reddingseenheid uit die Groot Gat in Kimberley gered en later deur hom aangeneem is, is op Dinsdag 10 Februarie dood nadat sy \u0149 aantal gesondheidsprobleme, pyn en lyding ervaar het.<\/p>\n\n\n\n

Seeley, wat nie meer in die polisiediens is nie, s\u00ea hy is verskriklik hartseer en het nie geweet haar dood sou so pynlik wees nie.<\/p>\n\n\n\n

Die hond wat destyds aan \u2019n pastoor behoort het, het vermoedelik agter meerkatte aan op die terrein van die Groot Gat beland en oor die rand en meer as 70 meter oor kranse in die gat water geval waar sy dae lank was. Sy het kort-kort op \u0149 rotslysie gerus.<\/p>\n\n\n\n

Sy kon weens veiligheidsredes nie met ‘n helikopter uit die Groot Gat gelig word nie. Sy is na \u2019n moeisame poging<\/a> op \u2019n snikhete dag deur die polisie, bygestaan deur onder meer die DBV, ER24, De Beers en ander rolspelers, gered.<\/p>\n\n\n\n

\"\"<\/figure>\n\n\n\n

Seeley wat met spesiale toerusting in die water gegaan het, het \u2019n uur lank met Kimberleigh deurgebring om haar vertroue te wen voordat hy haar in \u2019n harnas aan sy lyf vasgemaak en teen die loodregte kranse <\/a>en die steil sanderige rand met \u0149 ankerkabel opbeweeg het.<\/p>\n\n\n\n

Hoewel daar meer as 100 aansoeke was om haar aan te neem, het Seeley haar aangeneem nadat die oorspronklike eienaar haar aan die DBV geskenk het. Seeley en sy vrou, Brenda, het haar Kimberleigh gedoop.<\/p>\n\n\n\n

Storie in boek vasgevang<\/h3>\n\n\n\n

Seeley se heldedaad is later in Wendy Maartens se kinderboek Kaptein Seeley \u2013 Kimberley se waterwoe<\/em>f<\/a>, vasgevang.<\/p>\n\n\n\n

\u201cKimberleigh het my loopbaan gemaak. Sy het my laat besef wat \u2019n mens in uiterste omstandighede kan doen, en wat \u2019n mens kan bereik as jy daad by die woord sit. Ons twee het selfs die Noord-Kapenaar van die Jaar-eerbewys gekry\u201d s\u00ea Seeley.<\/p>\n\n\n\n

Hy s\u00ea sy band met haar het \u201cnatuurlik begin toe ek en sy daar onder die Gat was en ek haar moes oortuig dat ek haar gaan uithaal.<\/p>\n\n\n\n

\u201cNadat sy by ons kom bly het, het sy dadelik aangepas, en was soos \u0149 engel. Sy het ons lewenswyse verander, iets wat ek nie gedink het \u0149 troeteldier kan doen nie. Kimberleigh het ons gesin en familie nader aan mekaar gebring. Sy was die mees intelligente hond wat ons ooit gehad het. My jongste seun Tristan was veral gek oor haar. Sy was liefdevol, en \u2019n getroue waghond, en het later Brenda se oppasser geword,\u201d s\u00ea Seeley.<\/p>\n\n\n\n

\"\"<\/figure>\n\n\n\n

Hy meen daar sal nooit weer \u0149 hond soos Kimberleigh wees nie.<\/p>\n\n\n\n

\u201cNatuurlik was sy \u0149 kwaai waghond, maar \u0149 liefdevolle troeteldier. Sy was gek oor swem in ons swembad, maar kon nie meer teen die einde swem nie. Sy het baie agteruitgegaan weens rug- en heupprobleme en moes gedurig pynpille kry. Sy kon weens katarakke nie meer goed sien nie. Ons vermoed sy was meer as 14 jaar oud.\u201d<\/p>\n\n\n\n

Vir Brenda is die verlies van Kimberleigh swaar om te verwerk.<\/p>\n\n\n\n

\u201cSy het baie gely in die laaste tyd, en ons moes haar ronddra. Dit was swaar om te sien dat die lewe nie meer lekker is nie. Sy het veggees gehad, asook baie liefde vir ons hele familie. Ons sal haar nooit vergeet nie.\u201d<\/p>\n\n\n\n

Die gesin beplan om \u0149 spesiale gedenkplekkie met Kimberleigh se as en haar pootafdruk in die huis of tuin te maak.<\/p>\n\n\n\n

\n