{"id":294578,"date":"2025-11-17T08:06:33","date_gmt":"2025-11-17T06:06:33","guid":{"rendered":"https:\/\/novanews.co.za\/noordkaapbulletin\/?p=294578"},"modified":"2025-11-17T08:48:48","modified_gmt":"2025-11-17T06:48:48","slug":"eerste-g20-leiersberaad-in-afrika-n-historiese-geleentheid-vir-suid-afrika","status":"publish","type":"post","link":"https:\/\/novanews.co.za\/noordkaapbulletin\/eerste-g20-leiersberaad-in-afrika-n-historiese-geleentheid-vir-suid-afrika\/","title":{"rendered":"Eerste G20-leiersberaad in Afrika \u2018n historiese geleentheid vir Suid-Afrika"},"content":{"rendered":"\n

JOHANNESBURG <\/strong>– Vir die Afrika-vasteland en vir Suid-Afrika is dit ‘n historiese geleentheid wanneer die G20-leiersberaad eerskomende naweek plaasvind.<\/p>\n\n\n\n

Di\u00e9 beraad op 22 en 23 November vind vir die eerste keer op die Afrika-vasteland en boonop in Johannesburg onder die roterende voorsitterskap van Suid-Afrika plaas. Hiertydens sal staatshoofde en verteenwoordigers van talle lande en toonaangewende ekonomie\u00eb by die Johannesburg Ekspo-sentrum (JEC) te Nasrec byeenkom. <\/p>\n\n\n\n

Die Groep van 20 (G20) is ‘n internasionale forum wat in 1999 gestig is, en bestaan uit ontwikkelende en ontwikkelde lande wat poog om oplossings vir ekonomiese en finansi\u00eble probleme oor die w\u00eareld heen te vind. <\/p>\n\n\n\n

G20 word die “Groep van 20” genoem omdat dit aanvanklik 19 individuele lande plus een groot streeksorganisasie, die Europese Unie (EU), ingesluit het. Toe die Afrika-Unie (AU) in 2023 bygevoeg is, het die totale aantal permanente lede en organisasies 21 geword, hoewel die naam nie verander is nie. Suid-Afrika is die enigste lidland uit Afrika.<\/p>\n\n\n\n

\"G20
Die G20-leiersberaad vind eerskomende naweek in Johannesburg plaas. FOTO: Facebook<\/figcaption><\/figure>\n\n\n\n

Verteenwoordig ongeveer twee-derdes van w\u00eareldbevolking<\/h3>\n\n\n\n

Die G20-lidlande verteenwoordig 85% van die w\u00eareld se bruto binnelandse produk (GDP), meer as 75% van internasionale handel, en ongeveer twee-derdes van die w\u00eareldbevolking.<\/p>\n\n\n\n

Hierdie beraad is begin n\u00e1 die finansi\u00eble krisis wat oor die w\u00eareld heen plaasgevind het met die ineenstorting van die Lehman Brothers-bank. Die bestaande G20-vergadering van ministers van finansies en goewerneurs van die sentrale bank is opgradeer na die vlak van staatshoofde, en die eerste G20-beraad is in November 2008 in Washington DC gehou.<\/p>\n\n\n\n

Lande met lidmaatskap is Argentini\u00eb, Australi\u00eb, Brasili\u00eb, Kanada, China, Frankryk, Duitsland, Indi\u00eb, Indonesi\u00eb, Itali\u00eb, Japan, Republiek van Korea (Suid-Korea), Mexiko, Rusland, Saoedi-Arabi\u00eb, Suid-Afrika, Turkye, Verenigde Koninkryk en Amerika, asook die EU en die AU.<\/p>\n\n\n\n

Die G20 het nie ‘n permanente sekretariaat of personeel nie en die president- of voorsitterskap roteer jaarliks \u200b\u200btussen die lidlande. Samestelling van die agenda vind in oorleg met ander lede en in reaksie op ontwikkelings in die w\u00eareldekonomie plaas. Die voorsitterskap word deur ‘n driemanskap ondersteun wat uit die huidige, vorige en volgende gasheerland bestaan.<\/p>\n\n\n\n

Suid-Afrika se voorsitterskap bepaal tema<\/h3>\n\n\n\n

Suid-Afrika het die G20-voorsitterskap op 1 Desember 2024 opgeneem, en hou dit tot einde November, waarna dit op 1 Desember aan Amerika oorhandig word.<\/p>\n\n\n\n

Vanjaar se tema, voorgestel onder Suid-Afrika se voorsitterskap, is “Solidariteit, Gelykheid, Volhoubaarheid”. Die voorspelling is dat vanjaar se G20-beraad veel meer sal fokus op die kwessies van ontwikkelende lande en “Global South” se voorkeursake. <\/p>\n\n\n\n

\"\"<\/figure>\n\n\n\n

Tydens die Staatsrede van 2024 het president Cyril Ramaphosa ges\u00ea: “Ons sal Afrika se ontwikkeling bo-aan die agenda plaas wanneer ons die G20 in 2025 aanbied.”<\/p>\n\n\n\n

Suid-Afrika, wat deur die W\u00eareldbank as die w\u00eareld se land met die meeste ongelykheid aangewys is, het ‘n span kundiges opdrag gegee om w\u00eareldomvattende welvaartsongelykheid te analiseer en oplossings vir die beraad aan te bied. <\/p>\n\n\n\n

Die span, gelei deur die Nobelpryswenner-ekonoom Joseph Stiglitz, het ‘n beroep gedoen op die skepping van ‘n tussenregeringspaneel om die “ongelykheidsnoodtoestand” wat 2,3 miljard mense oor die w\u00eareld heen honger laat, aan te spreek.<\/p>\n\n\n\n

LEES OOK:<\/strong> <\/strong>South Africa launches Nobel Prize-winning panel to combat global inequality<\/a><\/p>\n\n\n\n

Die Suid-Afrikaanse regering het R691 miljoen (38,7 miljoen USD) ter voorbereiding van die G20-beraad begroot. <\/p>\n\n\n\n

Wat is die besprekingspunte?<\/h3>\n\n\n\n

Volgens g20.org<\/a> is daar ho\u00eb verwagtinge dat Suid-Afrika ‘n progressiewe, mensgesentreerde, asook ontwikkelingsgeori\u00ebnteerde voorsitterskap sal lei. Sy deelname word gelei deur sy vier strategiese buitelandse beleidspilare: nasionale belange, Afrika-agenda, Suid-Suid-samewerking en multilateralisme.<\/p>\n\n\n\n

Suid-Afrika sal sy G20-voorsitterskap gebruik om steun te bepleit en mobiliseer vir ontwikkelende ekonomie\u00eb in Afrika en “Global South”, voortbouend op die pogings en suksesse van die Indonesiese, Indiese en Brasiliaanse voorsitterskappe om die ontwikkelingsagenda te bevorder. Globale skuldhervorming sal ook aangespreek word.<\/p>\n\n\n\n

\"\"
President Cyril Ramaphosa. FOTO: Facebook \/ G20 South Africa<\/figcaption><\/figure>\n\n\n\n

Suid-Afrika het die volgende vier oorkoepelende voorkeursake vir sy G20-voorsitterskap gestel:<\/p>\n\n\n\n