{"id":270917,"date":"2025-10-10T18:35:01","date_gmt":"2025-10-10T16:35:01","guid":{"rendered":"https:\/\/novanews.co.za\/noordkaapbulletin\/?p=270917"},"modified":"2025-10-10T18:50:24","modified_gmt":"2025-10-10T16:50:24","slug":"hengelaars-trek-groot-pryse-by-24ste-bloemhofdam-bonanza-uit","status":"publish","type":"post","link":"https:\/\/novanews.co.za\/noordkaapbulletin\/hengelaars-trek-groot-pryse-by-24ste-bloemhofdam-bonanza-uit\/","title":{"rendered":"Hengelaars trek groot pryse by 24ste Bloemhofdam Bonanza uit"},"content":{"rendered":"\n

‘n Karp van 75cm in lengte het aan Jaco van der Walt die titel as algehele wenner van vanjaar se 24ste jaarlikse The Courier Guy Bloemhofdam Bonanza besorg.<\/p>\n\n\n\n

Hiervoor kon hy R100 000 prysgeld huis toe neem. Kort op sy hakke, met ‘n karp van 73,5cm, is Ann Wheeler wat R30 000 prysgeld ontvang het.\n<\/p>\n\n\n\n

\"Jaco
Die wenkarp gevang deur Jaco van der Walt. Foto’s: Verskaf<\/figcaption><\/figure>\n\n\n\n

Die “monsterbaber” van 147cm en 27,33kg wat Johan Potgieter uitgetrek het, het hom die wenner in die baberafdeling gemaak met R50 000 prysgeld. \n<\/p>\n\n\n\n

Deelnemers wat nie wenvisse gevang het nie, het pryse in die talle gelukstrekkings ter waarde van R60 000 gewen.\n<\/p>\n\n\n\n

Bernard Venter van die organiseerders Eco-Care Trust, s\u00ea die fokus was op karp as spesie omdat dit die speelveld tussen alle deelnemers gelyk maak. \n<\/p>\n\n\n\n

\"Johan
Johan Potgieter se wenbaber het 27,33kg geweeg. Foto: Verskaf<\/figcaption><\/figure>\n\n\n\n

Pryse in talle afdelings, gelukstrekkings gewen<\/h3>\n\n\n\n

Afgesien van die reuse pryse vir wenners, was daar ook pryse in die oewer-, boot- en vroue-afdeling te wen, asook in die afdeling vir hengelaars met gestremdhede. \n<\/p>\n\n\n\n

Deelnemers het ook in aanmerking gekom om aan die mooiste spandragkompetisie deel te neem, en pryse te wen.\n<\/p>\n\n\n\n

LEES OOK:<\/strong> <\/strong>Knewels gevang by 23ste Bloemhof Bonanza; vrou algehele wenner<\/a><\/p>\n\n\n\n

Venter s\u00ea juniors het gestoei om bloukurpers te vang want talle van di\u00e9 spesie het nie die strawwe winter in die Bloemhofdam oorleef nie en net een bloukurper is uitgetrek. ‘n Afdeling vir deelnemers met ‘n gestremdheid is ook aangebied.\n<\/p>\n\n\n\n

\"\"\/
Pieter Mieny en sy gesin mis nie ‘n Bloemhof Bonanza nie. By hulle is Bernard Venter (derde van links) van Eco-Care Trust.<\/figcaption><\/figure>\n\n\n\n

Hy s\u00ea die Sandveld- en Sloepoewer wat weer by die Noordwes- en Verlatenkraal-oewer gevoeg is, het aan deelnemers meer hengeloewer-moontlikhede gegee.\n<\/p>\n\n\n\n

Soos voorheen is die wenners van die onderskeie afdelings per lengte van die vis bepaal. Di\u00e9 meetstelsel het verskeie voordele bo die van inweeg. Daar is nie hope vis by die weegstelsel nie en die visse se lengtes word deur die deelnemers op hul selfone ingedien wat meebring dat nie almal na ‘n sentrale punt hoef te ry om vis te laat weeg nie. <\/p>\n\n\n\n

Elke deelnemer kan op ‘n elektroniese leiersbord op sy foon die lengtes volg, en slegs visse wat binne die pryse se struktuur val, word deur ‘n beampte geverifieer.\n<\/p>\n\n\n\n

\n
\"\"

Algehele wenner Jaco van der Walt by Chrissie van der Walt (middel), en Angelique en Wynand van Tonder. <\/figcaption><\/figure>\n\n\n\n
\"\"
Die Happy Hookers in hul hengeldrag. <\/figcaption><\/figure>\n\n\n\n
\"\"

Wenner van die langste baber, Johan Potgieter (middel) met spanmaat Gino Sada en Bernard Venter. <\/figcaption><\/figure>\n\n\n\n
\"\"
Die hengelspan Fatties & Shorties in hul hengeldrag. <\/figcaption><\/figure>\n<\/figure>\n\n\n\n

Terugvoer uiters positief<\/h3>\n\n\n\n

Venter s\u00ea die terugvoer vanaf deelnemers en borge was uiters positief. \n<\/p>\n\n\n\n

“Dit is duidelik dat dit een van die aangenaamste Bloemhofdam Bonanzas was.”\n<\/p>\n\n\n\n

‘n Deelnemer skryf op Eco-Care Trust<\/a> se Facebook-blad: “Dit was baie lekker ek dink almal het hulle geniet – een van die beste well-organised Bloemhof Bonanzas”.<\/p>\n\n\n\n

Die organiseerders, Eco-Care Trust, bedank The Courier Guy, Mafika Engineering en al hul ander borge, deelnemers en die Noordwes Parkeraad.<\/p>\n\n\n\n