{"id":268734,"date":"2025-08-21T14:47:58","date_gmt":"2025-08-21T12:47:58","guid":{"rendered":"https:\/\/novanews.co.za\/noordkaapbulletin\/?p=268734"},"modified":"2025-08-21T14:48:02","modified_gmt":"2025-08-21T12:48:02","slug":"hoor-lirieke-beleef-verhale-van-hoop-tydens-joshua-na-die-reen-se-optrede","status":"publish","type":"post","link":"https:\/\/novanews.co.za\/noordkaapbulletin\/hoor-lirieke-beleef-verhale-van-hoop-tydens-joshua-na-die-reen-se-optrede\/","title":{"rendered":"Hoor lirieke, beleef verhale van hoop tydens Joshua na die Re\u00ebn se optrede"},"content":{"rendered":"\n

Uit die meer as tien jaar se ervaring wat hy reeds in die musiekbedryf opgedoen het, het Jacques de Villiers van Joshua na die Re\u00ebn-faam (JNDR) besef dat mense baie eenders is; dat almal na meer in die lewe soek.<\/p>\n\n\n\n

Ook het hy tydens konserttoere en reise deur die land besef dat dit ‘n wonderlike plek is.<\/p>\n\n\n\n

“Hoewel daar negatiewe dinge is, is daar meer om oor positief te wees,” s\u00ea hy.<\/p>\n\n\n\n

\n

JNDR tree Vrydagaand 29 Augustus tydens ‘n geleentheid vir vroue net buite Kimberley op, met Raziela Kosterman op viool en Stephen Jonathan op kitaar. Die geleentheid word deur die NG kerk Bakenskop aangebied.<\/p>\n<\/blockquote>\n\n\n\n

JNDR is bekend vir betekenisvolle musiek, ‘n unieke styl, en diep lirieke – vroue wat die geleentheid bywoon, kan presies dit verwag \u00e9n om van JNDR se nuutste lirieke te hoor.<\/p>\n\n\n\n

Die natuur is sentraal in al JNDR se uitreikings, vanaf sy debuutalbum in September 2013, met “Lig op die Horison” as een van sy eerste groot treffers, gevolg deur die album “Die W\u00eareld binne my” (2016), “Someraarde (2019), en “Die Vallei” (2023).<\/p>\n\n\n\n

“Die natuur is nog altyd in my lewe; dit voel nog altyd soos ‘n goeie vriend,” vertel Jacques, en s\u00ea baie van sy inspirasie kom van tyd wat hy in die natuur deurgebring het. “As ons mooi soek, gaan ons al die antwoorde in die natuur kry – God het dit so geskape.”<\/p>\n\n\n\n

\"\"\/
Joshua na die Re\u00ebn oftewel Jacques de Villers. Foto: Verskaf<\/figcaption><\/figure>\n\n\n\n

Hy vertel dat hulle op ‘n plaas tussen Johannesburg en Parys grootgeword het, en dat sy ouers hom en sy broers van jongs die verbintenis met die natuur geleer het. Sy ouers het nog altyd baie van reis gehou, en sy pa het verkies om die kleiner en meer onbekende paaie te ry. <\/p>\n\n\n\n

Staproetes is ook op Jacques se lys van gunstelingdinge. Hy het al vele staproetes aangepak waaroor hy s\u00ea dat elkeen eintlik ‘n pelgrimstog is omdat dit ‘n mens na aan die natuur, en aan jouself, bring. <\/p>\n\n\n\n

Kort nadat hy en sy vrou, Dan\u00e9l, getroud is, het hulle vir drie maande ‘n rugsaktoer deur Europa gedoen. Met drie jong kinders – twee dogters en ‘n seun – in die huis kom hulle tans nie veel by langer staptogte uit nie. Maar vir hom en Dan\u00e9l is dit belangrik om hul kinders s\u00f3 groot te maak dat hulle die balans in die lewe kan raaksien. <\/p>\n\n\n\n

Hulle het meer as ‘n jaar gelede ‘n drastiese besluit geneem om tuisonderrig aan die kinders te gee. Hierdeur is dit moontlik dat sy gesin hom kan vergesel wanneer hy kruis en dwars oor die land heen optree.<\/p>\n\n\n\n

Jacques s\u00ea hoewel daar werkbare sisteme in plek is, moet jy as gesin besluit wat die beste vir julle werk, en keuses daarvolgens maak.<\/p>\n\n\n\n

\"Joshua
Joshua na die Re\u00ebn. Foto: Verskaf<\/figcaption><\/figure>\n\n\n\n

Omdat hy bewus is van die noodsaaklike verbintenis tussen mens en natuur sien hy dinge raak wat ‘n skeiding tussen di\u00e9 verbintenis bring, asook ‘n skeiding tussen gesinslede. Dit is vir hom opvallend dat wanneer ‘n mens byvoorbeeld in ‘n restaurant is, hoeveel mense om dieselfde tafel elkeen met sy selfoon besig is, sonder om met mekaar te kommunikeer.<\/p>\n\n\n\n

Rekenaars en televisieskerms kan dieselfde invloed h\u00ea. Hoewel selfone, rekenaars en televisies ‘n gegewe is, moet dit met ‘n balans in gedagte gebruik word, en jy moet steeds by jou mense uitkom.<\/p>\n\n\n\n

Die egpaar se kinders word onder meer geen skermtyd in die week toegelaat nie.<\/p>\n\n\n\n

“Omdat hulle nog jonk is, is dit maklik om toe te pas,” s\u00ea hy met ‘n lag.<\/p>\n\n\n\n

\n

Benewens bewustheid van die natuur, het hy en sy broers grootgeword met ‘n verskeidenheid musiek in die huis.<\/p>\n<\/blockquote>\n\n\n\n

“My ouers het na Meatloaf, Bonnie Tyler, klassieke en country musiek, Laurika Rauch, Theuns Jordaan en nog ander geluister,” vertel hy.<\/p>\n\n\n\n

Josh Groban se liedjie, “You raise me up” sal hom altyd aan sy pa laat dink, terwyl die liedjie “Lord of the Dance” soos gesing deur Laurika Rauch. hom altyd aan sy ma laat dink. Vir homself wek Ben Howard se album, “I Forget Where We Were” baie emosie. <\/p>\n\n\n\n

Deel verhale van stormagtige tye, tye van hoop<\/h3>\n\n\n\n

As deel van die aand se verrigtinge vertel ds. Arina Zandberg<\/a>, leraar aan di\u00e9 gemeente, van die pad wat sy en haar gesin gestap het toe sy enkele jare gelede \u2018n kankerdiagnose ontvang het – dit terwyl sy swanger was met \u2018n wonderwerkbaba waarvoor hulle jare gewag het.<\/p>\n\n\n\n

Deels omdat Augustus Vrouemaand is, en deels omdat dr. Lizanne Small<\/a> se werk op die positiewe fokus, kom sy ook aan die woord. Sy is \u2018n plastiese en rekonstruktiewe chirurg van Kimberley.<\/p>\n\n\n\n

Haar belangstelling sluit in estetiese velsorg, asook die hantering van velkankers, estetiese en rekonstruktiewe borschirurgie, en ook die rekonstruksie van brandwonde en traumaverwante beserings.<\/p>\n\n\n\n

\n
\"Die
Ds. Arina Zandberg saam met haar man, Dirk, hul oudste kind Anke, en baba Jana. <\/figcaption><\/figure>\n\n\n\n
\"\"
Dr. Lizanne Small. Foto’s: Verskaf<\/figcaption><\/figure>\n<\/figure>\n\n\n\n

Bespreek kaartjies v\u00f3\u00f3r plekke uitverkoop is<\/h3>\n\n\n\n

Vroue wat di\u00e9 geleentheid bywoon, kan uitsien na vars koffie deur Barristers Coffee Bar, smullekker versnaperinge deur die kos-koningin Wilhelmina, en \u2018n kontantkroeg.<\/p>\n\n\n\n

Boonop is \u2018n gratis aflaai-diens, geborg deur KIA Motors Kimberley, beskikbaar vir vroue wat nie kans sien om in die aand die afstand tussen die venue en Kimberley te ry nie. Di\u00e9 diens sal vroue n\u00e1 die geleentheid tot by Caltex Ranch Motors, op die hoek van Memorialweg en MacDougall-straat, neem.<\/p>\n\n\n\n