{"id":47670,"date":"2023-02-09T17:49:38","date_gmt":"2023-02-09T15:49:38","guid":{"rendered":"https:\/\/novanews.co.za\/kougaexpress\/gholfbaan-maak-dalk-plek-vir-multi-miljard-rand-ontwikkeling-20230208-2\/"},"modified":"2023-02-09T17:49:38","modified_gmt":"2023-02-09T15:49:38","slug":"gholfbaan-maak-dalk-plek-vir-multi-miljard-rand-ontwikkeling-20230208-2","status":"publish","type":"post","link":"https:\/\/novanews.co.za\/kougaexpress\/gholfbaan-maak-dalk-plek-vir-multi-miljard-rand-ontwikkeling-20230208-2\/","title":{"rendered":"J’baai: Gholfbaan maak dalk plek vir multi-miljardrand-ontwikkeling"},"content":{"rendered":"

Die moontlikheid bestaan dat \u2019n multi-miljard Rand ontwikkeling op die gholfbaan in Jeffreysbaai binne \u2019n paar jaar die gesig van die dorp kan verander.<\/p>\n

Die Kouga-munisipaliteit het in die media begin adverteer om die gemeenskap en moontlike ontwikkelaars bewus te maak daarvan dat daar \u2019n proses begin word om na die moontlike ontwikkeling te kyk. Die tydperk vir reaksie en kommentaar is van dertig dae tot sestig dae verleng.<\/p>\n

Geen laekoste behuisig nie<\/strong><\/span> <\/p>\n

Daar is groot kommer by inwoners dat die gesogte gholfbaan met \u2019n see-uitsig, sal plek maak vir laekoste behuising. Die Kouga se munisipale bestuurder, Charl du Plessis, het alle vrese besweer. <\/p>\n

\u201cIndien die sowat drie-miljard-rand ontwikkeling sou voortgaan, sal dit soos \u2019n klein \u2018village\u2019 wees, wat oop sal wees vir almal, nie net diegene wat daar sal bly nie. Daar word in di\u00e9 stadium beoog om behuising en algemene dorpsontwikkeling soos winkels daar te h\u00ea, asook sportgeriewe en kantore. Dit sal die waarde van eiendomme in die omgewing verhoog,\u201d verduidelik Du Plessis.<\/p>\n

Kommersi\u00eble besluit<\/strong><\/p>\n

Tans betaal die gholfklub \u2019n geringe bedrag van \u2019n paar duisend rand per maand huur aan die munisipaliteit. \u201cIndien dit \u2019n ontwikkeling word, kan dit \u2019n inkomste van sowat 30-40 miljoen Rand aan slegs eiendomsbelasting aan die munisipaliteit verskaf. <\/p>\n

Moontlikhede<\/strong><\/p>\n

Du Plessis verduidelik dat daar \u2019n paar moontlikhede is wat kan gebeur. Die uitkoms van die gemeenskapsproses kan meebring dat die gholfbaan en alles daar bly soos dit is, met geen ontwikkeling wat sal plaasvind nie. <\/p>\n

Daar is \u2019n alternatief dat die munisipaliteit \u2019n ander gholfbaan ontwikkel. <\/p>\n

\u201cDaar word gekyk na plekke soos Paradysstrand, naby die watersuiweringswerke of selfs op privaatgrond. <\/p>\n

\u201cDit sal \u2019n nuwe klubhuis, die baan en besproeiing insluit. <\/p>\n

\u201cDie klub sal vergoed word vir verbeterings wat reeds aangebring is. Die voordeel is dat die gholfbaan dan nie meer grond hoef te huur nie, maar eienaarskap kan neem,\u201d s\u00ea du Plessis.<\/p>\n

Ontwikkelaar<\/strong><\/p>\n

Die munisipale bestuurder s\u00ea daar is al die afgelope tien jaar gereeld navrae van ontwikkelaars om die waardevolle grond te ontwikkel wat sowat R55 miljoen Rand werd is. <\/p>\n

Die ontwikkelaar sal verantwoordelik wees vir die dienste, en voorsiening van water en riooldienste. Indien die tennisbane of enige van die ander sportklubs se geriewe moet verander, sal dit vir die koste van die ontwikkelaar wees. Daar sal ook nuwe toegangspaaie moet wees. <\/p>\n

Daar is tans \u2019n plan vir ontwikkeling ingedien, maar geen besluit sal geneem kan word voor openbare deelname nie. <\/p>\n

Bate vir die dorp<\/strong><\/p>\n

\u201cDit sal beslis \u2019n bate vir die dorp wees. Die huidige gholfbaan het nege gaatjies, en vergelyk nie juis goed met ander bane in die omgewing nie, soos die by St Francisbaai, Humansdorp en selfs Hankey. Dit is wel goedkoop om hier te speel. Hierdie is \u2019n geleentheid vir \u2019n beter baan. Dit sal nou nie \u2019n ontwerpersbaan wees nie, maar dit sal ongeveer R30 miljoen beloop om \u2019n nuwe baan te vestig,\u201d s\u00ea Du Plessis.<\/p>\n

Sou die ontwikkeling voortgaan, sal dit eers oor sowat tien jaar voltooid wees. Die huidige baan sal vir minstens nog drie jaar soos nou kan voortgaan, aldus Du Plessis.<\/p>\n

Ander sportgeriewe bly<\/strong><\/p>\n

Die ander sportgeriewe soos die rolbal-, tennis- en muurbalklubs sal nie in die gedrang wees nie. Indien dit sou nodig wees om bv. die tennisbane te skuif, sal die ontwikkelaar nuwes in die omgewing moet voorsien.<\/p>\n

Nog geen besluit nie<\/strong><\/p>\n

Du Plessis beklemtoon dat daar nog geen besluit geneem is nie. <\/p>\n

\u201cOns het pas begin om te adverteer vir openbare deelname. Daar sal ook openbare vergaderings gehou word, en ons moedig mense aan om dit by te woon om die ware feite te kry, en nie op bewerings op sosiale media te reageer nie.\u201d<\/p>\n

Daar is ook nog glad nie op \u2019n ontwikkelaar besluit nie, en die ontwikkeling sal op tender uitgaan. Stadsbeplanning sal ook \u2019n groot rol speel. <\/p>\n

Hy moedig die publiek aan om kommentaar, klagtes en insette skriftelik in te dien by die munisipale bestuurder by Da Gamaweg 33, Jeffreysbaai. Dit kan ook op die munisipaliteit se webblad gedoen word deur die meningsopnameskakel. Die sluitingsdatum is 26 Maart 2023.<\/p>\n

\u201cOns sal graag wil sien dat dit \u2019n wen-wen situasie vir die hele dorp sal wees. Daar is reeds \u2018n taakspan aangestel om die beoogde ontwikkeling te fasiliteer.\u201d<\/p>\n