{"id":45933,"date":"2023-11-16T12:02:45","date_gmt":"2023-11-16T10:02:45","guid":{"rendered":"https:\/\/novanews.co.za\/kougaexpress\/oooo-koek-die-bruid-se-koek-is-gesteel-20231115-2\/"},"modified":"2025-03-13T15:42:46","modified_gmt":"2025-03-13T13:42:46","slug":"oooo-koek-die-bruid-se-koek-is-gesteel-20231115-2","status":"publish","type":"post","link":"https:\/\/novanews.co.za\/kougaexpress\/oooo-koek-die-bruid-se-koek-is-gesteel-20231115-2\/","title":{"rendered":"KYK | Oooo koek! Die bruid se koek is gesteel!"},"content":{"rendered":"

Die gaste by \u2019n spogtroue by \u2019n boetiekhotel net buite Thornhill, het nog een oomblik die vier laag sjokolade troukoek met swart en goue versiersel bewonder, en na die eerste paar danse\u2026 was die koek skoonveld.<\/p>\n

\u201cOns het nog nie eers kans gehad om die koek te sny en foto\u2019s te neem nie,\u201d vertel die bruid, Than-Lee Lewis. Die koek is deur \u2019n plaaslike bakster gemaak en het hulle R2 500 uit die sak gejaag. Ons het \u2019n soort mafia-tema gehad, en alles was swart en bietjie goud.\u201d<\/p>\n

Almal het hoog en laag gesoek vir die koek, maar dit was n\u00earens te vinde nie. Ten einde laaste is die paartjie vir \u2019n paar dae op wittebrood. <\/p>\n

Met hulle terugkeer tuis op Jeffreysbaai, het hulle \u2019n video-boodskap van een van die trougaste gekry. <\/p>\n

\u201cOk, I have got your cake. If you want your cake, and if you want your cake to be safe and sound, you have to be here tomorrow morning before twelve-o\u2019clock, otherwise we start eating it!\u201d s\u00ea die ondeunde vriend van die bruidegom. <\/p>\n

Than-Lee s\u00ea sy het dadelik besef dis di\u00e9 kalant wat al talle troukoeke vasgel\u00ea het, en sy was reg om sy neus in die koek te vryf. \u201cEn my man, Rory (\u2019n mede-eienaar en kaptein van \u2019n tjokkaboot), was toe wraggies al die tyd deel van die gekonkel!\u201d<\/p>\n

\u201cOns het toe die volgende dag na Edgar se huis gegaan, en die koek nog net so mooi daar aangetref. Ag, dit was eintlik baie sweet<\/span> at the end<\/span>. Hy het \u2019n hele filosofie agter die koek-stelery, en ons is groot vriende uitmekaar nadat ons daar die koek gesny het en vonkelwyn geniet het,\u201d verduidelik die nuwe Mevrou Lewis.<\/p>\n

\n
\"troupaar\"<\/p>\n
Die bruidspaar Tahn-Lee en Rory Lewis op hul troudag sowat twee weke gelede. <\/div>\n
<\/span>Foto: Sovrin Photography<\/span> <\/div>\n<\/div>\n<\/div>\n

Koekboef<\/strong><\/p>\n

Gepraat van Tant Koek se Hoenderhaan! Die koekboef wat sy gesig gewys het op die video, Edgar Doubell, is \u2019n alombekende onderskrywer van versekering en polisse op Jeffreysbaai. <\/p>\n

Hy het nie geskroom om van sy eskapades te vertel nie. <\/p>\n

\u201cDit was nogal \u2019n uitdaging om di\u00e9 koek daar by die hotel te steel. Toe die mense lekker dans, het ek dit eers kombuis toe geneem. Daarna het ek dit stilletjies, en baie versigtig kar toe gedra en dit op my vrou se skoot neergesit,\u201d vertel hy. <\/p>\n

\u201cDis wraggies nie maklik om met \u2019n vier laag koek ongesiens uit te stap nie.\u201d<\/p>\n

Al 45 koeke gesteel<\/strong><\/p>\n

\u201cJa, dis al die 45ste troukoek wat ek gegaps het,\u201d s\u00ea hy ingenome. <\/p>\n

\u201cEk het darem nog nooit groot moeilikheid gekry nie. Ek gee altyd die koek terug. Net een keer het ek \u2019n koek agter op \u2019n bakkie gelaai, en dit het stukkend geskud. <\/p>\n

\u201cMaar ek het die paartjie daarvoor vergoed. En \u2019n slag op Brandfort het twintig ouens my amper opgedons, maar ek kon dit afweer. Ek vat ook altyd eers die koek n\u00e1 die foto\u2019s geneem is en die koek gesny is, maar ek het gehoor by Than-hulle se troue was daar mense wat die koek sou smash<\/span>. Toe red ek eintlik die mooi koek.\u201d<\/p>\n

\u201cEk wil darem net s\u00ea dis alles met goeie intensies!\u201d Hy meen hy het \u2019n goeie rede vir sy koekstelery.<\/p>\n