{"id":265721,"date":"2025-07-17T17:00:00","date_gmt":"2025-07-17T15:00:00","guid":{"rendered":"https:\/\/novanews.co.za\/kougaexpress\/namakwaland-reeds-besig-om-sy-blommekleed-vir-skouspel-oop-te-gooi\/"},"modified":"2025-07-18T09:17:20","modified_gmt":"2025-07-18T07:17:20","slug":"namakwaland-reeds-besig-om-sy-blommekleed-vir-skouspel-oop-te-gooi","status":"publish","type":"post","link":"https:\/\/novanews.co.za\/kougaexpress\/namakwaland-reeds-besig-om-sy-blommekleed-vir-skouspel-oop-te-gooi\/","title":{"rendered":"Namakwaland reeds besig om sy blommekleed vir skouspel oop te gooi"},"content":{"rendered":"\n

Ideale toestande vroe\u00ebr vanjaar het ‘n perfekte omgewing vir vroe\u00eb ontkieming van blomme in dele van die Namakwaland geskep – veral vir die madeliefiespesies.<\/p>\n\n\n\n

Die Namakwa- Nasionale Park het sedert Maart vanjaar goeie re\u00ebnval ondervind, met gereelde opvolgbuie, en koue temperature wat met sonnige periodes afgewissel is. Warmer tydperke gedurende die laatherfs en vroe\u00eb winter het lente-agtige toestande nageboots, wat van die blomspesies vroe\u00ebr as gewoonlik laat begin blom het.<\/p>\n\n\n\n

\n

Tans het blomme oor die Namakwa- Nasionale Park en omgewing reeds begin blom, al is dit in sekere gebiede op die stadium kol-kol. Dit dui daarop dat die blomseisoen nog in sy vroe\u00eb stadium is, s\u00ea JP Louw, woordvoerder en kommunikasiehoof van die Suid-Afrikaanse Nasionale Parke (SANParke).<\/p>\n<\/blockquote>\n\n\n\n

Die Skilpad-gebied en omgewing begin nou ontwaak, terwyl dele van die 4×4-eko-roete, insluitend Wildeperdehoek en Kookfontein wat binne die park gele\u00eb is, reeds vol helder kleure is, s\u00ea Genevieve Maasdorp, kommunikasiehoof van SANParke se ariede streek.<\/p>\n\n\n\n

\"\"
Maia Darkin (toe twee jaar oud) van Kaapstad geniet die weelde van die blommeprag in die Biedouw-vallei naby Wupperthal. Di\u00e9 foto is ‘n paar jaar gelede geneem. Sy was glo betower deur die blommeprag. Foto: Lise Beyers<\/figcaption><\/figure>\n\n\n\n

Dit word voorspel indien gunstige weer voortduur besoekers ‘n dramatiese gedaantewisseling in die komende weke kan verwag, met blomme wat wydverspreid behoort voor te kom. Boonop, indien die huidige patroon van koue weer en volgehoue sagte re\u00ebnbuie voortduur en die warm, dro\u00eb oostewinde afwesig bly, kan ‘n lang en skouspelagtige blomseisoen is die Namakwaland verwag word. <\/p>\n\n\n\n

Tans is toestande gunstig dat die blomseisoen tot diep in Augustus en selfs tot in September sal duur. <\/p>\n\n\n\n

\n

“As jy nog nie begin beplan het om vanjaar se blomseisoen te ervaar nie, maak gou, want die blomme haal alles uit om besoekers aan die Namakwa- Nasionale Park te verwelkom,” raai die woordvoerders aan.<\/p>\n<\/blockquote>\n\n\n\n

Op Facebook s\u00ea Mike Spies van Namakwa Toere<\/a> dat die Namakwaland pragtig in blom in. “Die veld is reeds vol plate, maar daar is beslis nog wat gaan kom,” voorspel hy. <\/p>\n\n\n\n

Goeie beplanning is belangrik om ‘n uitstappie na die blommew\u00eareld so goed as moontlik te benut. In ‘n onderhoud <\/a>met lekkeslaap.co.za s\u00ea Marn\u00e9 Lloyd dat die blomme nie net tot sekere dorpe in di\u00e9 streek en tot mensgemaakte grense beperk is nie. Lloyd gee talle nuttige wenke in die onderhoud. <\/p>\n\n\n\n

In nog ‘n Facebook-plasing skryf Ester Claassen vanaf Springbok dat die oranje Namakwalandse madeliefies welig in blom is.<\/p>\n\n\n\n