{"id":46110,"date":"2021-10-28T11:36:34","date_gmt":"2021-10-28T09:36:34","guid":{"rendered":"https:\/\/novanews.co.za\/komani-karoo\/bedford-lushowe-n-belewenis-soos-min-20211027-2\/"},"modified":"2025-03-19T18:17:15","modified_gmt":"2025-03-19T16:17:15","slug":"bedford-lushowe-n-belewenis-soos-min-20211027-2","status":"publish","type":"post","link":"https:\/\/novanews.co.za\/komani-karoo\/bedford-lushowe-n-belewenis-soos-min-20211027-2\/","title":{"rendered":"Bedford-lushowe \u2019n belewenis soos min"},"content":{"rendered":"\n

Moenie dink daar is fout met jou wanneer jy van di\u00e9 fees terugkeer huis toe en dadelik in jou eie grond \u2013 selfs al is dit \u2019n potplant op die vensterbank \u2013 begin krap nie, want d\u00ect is hoe die lushowe van die Bedford Tuinfees, \u2019n mens inspireer.<\/p>\n\n\n\n

En hierdie jaar is daar genade vir diegene wat die eerste naweek van die 2021 Bedford Tuinfees gemis het, want oor die naweek van 5-7 November kry besoekers w\u00e9\u00e9r die geleent-heid om die blommeprag en tuinpraal met die tweede oop naweek eerstehands te beleef.<\/p>\n\n\n\n

Die ware fees van die Bedford Tuinfees is om die roetes na die verskillende plase in die omstreke van Bedford te besoek om hul besonderse tuine te kan beleef.<\/p>\n\n\n\n

Daar kan nie \u2019n enkele groen- \u00f3f blommetuin in hierdie dorre w\u00eareld wees nie \u2013 kyk dan hoe eet die koedoe saam met die beeste uit die voerbak, het dit in 2019 deur die verslaggewer se gedagtes gemaal toe sy die R63 na Bedford gevolg het.<\/p>\n\n\n\n

Maar met die eerste stilhou by die plaas Albertvale (12 km buite Bedford), het die besef dadelik ingesink dat dit \u2019n dag vol van lowerryke verrassings in dorre w\u00eareld gaan wees, want hier is klaar gewys wat met \u2019n bietjie water en baie groen vingers gedoen kan word.<\/p>\n\n\n\n

Blomryke beddings skuil in die koelte van ho\u00eb bome teen die moordende Karoo-son, organiese groentetuine is aangel\u00ea, en kosplante is ook in die \u201cgewone\u201d beddings ge\u00efntegreer, want op Albertvale geld die beginsel dat jy ook moet plant om te kan eet, het Kim van Niekerk, boervrou, nog laas verduidelik.<\/p>\n\n\n\n

Ge\u00efnspireerd deur Albertvale se lushof en toewyding tot gesonde grond (hier vind jy ook \u2019n erdwurmplaas en komposhope), het ons die Bedford Tuinfees-roete s\u00f3 gretig gevolg dat ons skaars die droogheid van die veld langs die verbindingsroetes opgemerk het.<\/p>\n\n\n\n

Elke tuin wat deel is van die Bedford Tuinfees het haar kleurryke en lowergroene verrassings \u00f3f met die eerste oogopslag \u00f3f in stukkies verrassings aangebied. Sommige tuine informeel, ander formeel, maar almal ewe besielend.<\/p>\n\n\n\n

Die laaste stilhoupunt was die plaas Belmont (s\u00f3 wonderlik om te sien dit is vanjaar ook weer deel van die fees) waar \u2019n mens net in verwondering kon staan oor die massas kleurryke rose, geplant in blokke. Spoelklip en rots uit die omgewing is ook met groot welslae aangewend om struktuur aan terrasse en sommige beddings te gee. <\/p>\n\n\n\n

Tog het Bedford se lushowe \u2019n belangrike boodskap aan ons oorgedra: Gee nie om watter droogte om jou heen woed nie, hou dit anderkant die hek met soveel as moontlik mooi om jou heen. Werk aan jou eie lushof, dan is dinge draagliker.<\/p>\n\n\n\n

Vanjaar staan di\u00e8 boodskap n\u00f3g sterker, want nie net het Bedford en omstreke se tuinskeppers aangehou plant en versorg deur die droogte nie, hul groen vingers het aanhou werk deur COVID-19 met al sy vrese en inperkinge. <\/p>\n\n\n\n

Verlede jaar kon die fees juis nie weens die pandemie aangebied word nie, daarom is vanjaar se aanbieding oor twee naweke (een is reeds agter die rug) soveel meer besonder.<\/p>\n\n\n\n