{"id":295724,"date":"2026-02-12T15:22:49","date_gmt":"2026-02-12T13:22:49","guid":{"rendered":"https:\/\/novanews.co.za\/eikestadnuus\/?p=295724"},"modified":"2026-02-12T15:26:11","modified_gmt":"2026-02-12T13:26:11","slug":"tydtoets-in-die-boord-vier-sy-40ste-bestaansjaar","status":"publish","type":"post","link":"https:\/\/novanews.co.za\/eikestadnuus\/tydtoets-in-die-boord-vier-sy-40ste-bestaansjaar\/","title":{"rendered":"Tydtoets in Die Boord vier sy 40ste bestaansjaar"},"content":{"rendered":"\n

Veertig jaar gelede het ‘n groep manne die pad in Van Rheedestraat in Stellenbosch vir hul eerste tydtoets gevat en nou, vier dekades later, pak atlete steeds elke Dinsdag hierdie roete aan. \n<\/p>\n\n\n\n

Klaus Zollner, destyds die klubkaptein van die Helderberg Harriers-atletiekklub<\/a>, onthou dat die idee vir die tydtoets di\u00e9 van wyle Justin Swart was. Zollner s\u00ea daar was ‘n behoefte vir die Eikestad om sy eie tydtoets te h\u00ea en so het ses hardlopers en hul tydhouer op die eerste Woensdag van Janaurie 1986 op die hoek van Van Rheede- en Rokewoodstraat weggespring.<\/p>\n\n\n\n

“Daar is lank gesoek vir ‘n geskikte roete in Stellenbosch. Daar is verskillende kriteria neergel\u00ea waaraan die tydtoets se roete moes voldoen. Dit moes byvoorbeeld ‘n baie plat roete vir vinnige tye wees, die minimum verkeer h\u00ea en goeie beligting deur straatligte in die winter. Ons het verskeie opsies oorweeg, soos Plankenbrug of Simonswyk, maar op die ou einde maar besluit op ‘n roete deur Die Boord,” vertel Zollner. \n<\/p>\n\n\n\n

\"\"
Michi Hugo het hierdie foto in Januarie 1986 van die eerste wegspring van die eerste tydtoets in Die Boord geneem, met ses deelnemers en een tydhouer. Die vyf herkenbare deelnemers is, van links, Francois Kirsten, Mark Todes, Botha Pretorius, Sol Jacobs en Hans Hugo.<\/figcaption><\/figure>\n\n\n\n

Hy verduidelik om die roete op te stel was ook nie ‘n eenvoudige taak nie. \n<\/p>\n\n\n\n

“Jat du Toit, destyds ‘n lektor by die departement ingeneurswese by die Universiteit Stellenbosch, het die moeilike taak gehad om vir ons ‘n roete te ont- werp. Onthou, in daai jare het daar nie so iets bestaan soos die internet of Google Maps nie! Jat moes nog kaarte met die hand teken, en die korrekte afstande daarop bepaal \u2013 glad nie so ‘n maklike onderneming nie. Sy voorstel was ‘n 2\u2009km- en ‘n 3\u2009km roete, waarvan enige veelvoud dan enige gekose afstand vir die deelnemers kon gee. Die roetes is oor die algemeen uiters gewild gevind, en tot vandag toe is daar slegs minimale aanpas- sings gedoen.”<\/p>\n\n\n\n

Oor die jare het die buurt verskeie veranderings ondergaan. Deesdae is daar die nabye Mediclinic en Spar-sentrum en Zollner verduidelik die deel Noord van Saffraanlaan het destyds net twee huise gehad.\n<\/p>\n\n\n\n

\"\"
Die groep atlete wat vanjaar op die tydstoets se verjaarsdag die welbekende roete kafgedraf het.<\/figcaption><\/figure>\n\n\n\n

“Rokewoodlaan onder teen die rivier het nog nie straatligte gehad nie, wat dit effe tricky gemaak het om op ‘n koue en donker wintersaand daar te hardloop.” \n<\/p>\n\n\n\n

Vandag keer ‘n handjie vol atlete week na week terug, met vele besoekers wat ook saam draf. \n<\/p>\n\n\n\n

Twee sulke besoekers was oud-Maties van Suid-Korea wat verlede jaar tydens ‘n besoek aan hul alma mater weer die tydstoets gaan draf het. Vandeesmaand was daar ook twee Switserse vroue wat saamgehardloop het. Zollner s\u00ea die informele samekoms is juis die lekker van die geleentheid.\n<\/p>\n\n\n\n

Wat egter soos klokslag verloop, is die tydhou van elke atleet. Vir die afgelope 24 jaar is dit die oud-onderwyser Roy Carstens van Cloetesville wat almal se tye opneem. Gevra oor sy jare lange betrokkenheid by die tydtoets, skerts Carstens dat hy nog ver het om te gaan indien hy Zollner se vier dekades van diens wil bereik. Hy s\u00ea een van die beste aspekte van die tyd- toets is dat dit slegs ‘n handjie vol atlete is, oud en jonk, en van enige fiksheidvlak, wat weekliks kom draf.\n<\/p>\n\n\n\n