{"id":263963,"date":"2025-06-20T13:32:21","date_gmt":"2025-06-20T11:32:21","guid":{"rendered":"https:\/\/novanews.co.za\/eikestadnuus\/?p=263963"},"modified":"2025-06-20T13:33:08","modified_gmt":"2025-06-20T11:33:08","slug":"wees-deel-van-die-2025-toyota-stellenbosch-woordfees","status":"publish","type":"post","link":"https:\/\/novanews.co.za\/eikestadnuus\/wees-deel-van-die-2025-toyota-stellenbosch-woordfees\/","title":{"rendered":"Wees ‘deel’ van die 2025 Toyota Stellenbosch Woordfees"},"content":{"rendered":"\n

STELLENBOSCH – Die 2025 Toyota Stellenbosch Woordfees is gisteraand op onvergeetlike wyse bekendgestel by die elegante Lanzerac-wynlandgoed in Stellenbosch, waar media en borge bymekaargekom het om die amptelike bekendstelling van vanjaar se feesprogram te vier.<\/p>\n\n\n\n

Die gaskunstenaar vir die aand, die gewilde komediant Nic Rabinowitz, het die gehoor laat skater met sy kenmerkende spitsvondigheid en skerp waarnemings.<\/p>\n\n\n\n

Saartjie Botha, die feesdirekteur, s\u00ea sy dink vanjaar se program is dalk die beste tot nog toe. Van toneel en musiek tot letterkunde, dans, films, visuele kunste en nog baie meer \u2013 die fees spog met \u2019n kragtige aanbod wat gehalte, verskeidenheid, diepte en vermaak vier. \u201cVanjaar se program is \u2019n spesiale kopknik na die letterkunde, die onstsaansrede en \u2019n kwarteeu later steeds die hart van die fees,\u201d s\u00ea Botha.<\/p>\n\n\n\n

Wees deel<\/h4>\n\n\n\n

Hierdie jaar se tema, \u201cDeel\u201d, weerspie\u00ebl \u2019n kollektiewe verlange na herverbinding \u2013 om te luister, te gee, te vier wat ons in gemeen het en om ons uiteenlopende stemme te eer. \u201cOm te deel, is nie om te verminder nie. Die Woordfees se manier van deel skep m\u00e9\u00e9r, maak heel, vermeerder \u2013 uitkomste, geleenthede en genade. En dit, uiteindelik, is die sukses van \u2019n kunstefees \u2013 dit is \u2019n betekenisvolle vermenigvuldiger,\u201d het Botha by die bekendstelling ges\u00ea.<\/p>\n\n\n\n

Gaste is bederf met \u2019n eksklusiewe eerste kykie na die hoogtepunte in die program, wat saamgestel is om dialoog en ontdekking oor alle genres heen aan te moedig.<\/p>\n\n\n\n

\"\"
Die Universiteit Stellenbosch-koor dal weer eens feesgangers met hul engelstemme vermaak. Foto: Corn\u00e9 Venter<\/figcaption><\/figure>\n\n\n\n

Op die program<\/h4>\n\n\n\n

Teaterhoogtepunte sluit in die langverwagte terugkeer van Breyten Breytenbach se Boklied<\/em> onder regie van Marthinus Basson, Die ander dogter<\/em> met Sandra Prinsloo, Liefde, Lafras<\/em> met Antoinette Kellermann, die wenner van die Reinet Nagtegaal-teksprys vir teater, Huis van sand<\/em> deur Dianne du Toit Albertze, sowel as die naaswenner, Die kabinet<\/em> deur Andr\u00e9 Gerber.<\/p>\n\n\n\n

Vir die eerste keer het die Woordfees vanjaar twee feesdigters: Antjie Krog en Siphokazi Jonas. As deel van die Skrywersfees is daar \u2019n Dag van po\u00ebsie sowel as \u2019n Dag van<\/p>\n\n\n\n

geskiedenis. Die Skrywersfees spog met \u2019n sterk en uiteenlopende program saamgestel deur Bibi Slippers.<\/p>\n\n\n\n

Die dinamiese kunsduo Xhanti Zwelendaba en Benjamin Stanwix deel die eer as vanjaar se feeskunstenaars.<\/p>\n\n\n\n

Kaartjieverkope vir die 2025 Toyota Stellenbosch Woordfees open amptelik op Woensdag 26 Junie 2025. Die program is aanylyn by woordfees.co.z<\/a>a beskikbaar. Getroue feesgangers het \u2019n week om deur die program te blaai, hul fees te beplan en hul kaartjies aan te skaf.<\/p>\n\n\n\n

Die gedrukte feesgids sal ook vanaf 26 Junie beskikbaar wees by die kaartjiekantoor by Erfurthuis, Ryneveldstraat 37, Stellenbosch. Hou die Woordfees se sosiale media dop en deel in die vreugde van die dinamiese en lewendige 2025-program.<\/p>\n\n\n\n