Die Lions het Woensdagmiddag in \u2019n mediaverklaring bevestig dat die slot Hyron Andrews weens \u2019n skeur in die binnewand van sy hoofslagaar dood is.<\/p>\n\n\n\n
Andrews is verlede Vrydag in sy hotelkamer aangetref waar die span by die Sainte-Marie-de-R\u00e9 in Frankryk tuisgegaan het.<\/p>\n\n\n\n
\u201cDie Lions Rugbyunie bevestig namens die Andrews-familie die lykskouingsverslag het aangedui Hyron se dood is deur \u2019n aorta-\u00addisseksie veroorsaak. Die disseksie het waarskynlik by \u2019n aorta-aneurisme ontstaan,\u201d lui die verklaring.<\/p>\n\n\n\n
Volgens die Franse owerhede, wat die lykskouing uitgevoer het en steeds in beheer van Andrews se oorskot is, was die oorsaak van sy dood \u201c\u2009\u2019n skeur in die aorta (weens natuurlike oorsake), wat tot \u2019n aansienlike ophoping van bloed in die bloedvatwand gelei het\u201d.<\/p>\n\n\n\n
Die familie het gevra hul privaatheid moet gerespekteer word en hulle moet tyd en ruimte gegun word terwyl hulle deur di\u00e9 moeilike tyd gaan en die proses begin om Andrews se oorskot na Suid-Afrika terug te bring.<\/p>\n\n\n\n
\u201c \u2019n Tydlyn vir die terugkeer van Hyron se oorskot na Suid-Afrika is nog nie bepaal nie. Verdere inligting sal in oorleg met die familie bekend gemaak word sodra dit beskikbaar is,\u201c\u201d lui die verklaring.<\/p>\n\n\n\n