{"id":340608,"date":"2026-10-21T08:03:27","date_gmt":"2026-10-21T06:03:27","guid":{"rendered":"https:\/\/novanews.co.za\/diepapier\/?p=340608"},"modified":"2026-10-21T08:21:56","modified_gmt":"2026-10-21T06:21:56","slug":"ramaphosa-se-regering-se-hantering-van-covid-19-goed-maar-erken-ppes-was-n-kopseer","status":"publish","type":"post","link":"https:\/\/novanews.co.za\/diepapier\/ramaphosa-se-regering-se-hantering-van-covid-19-goed-maar-erken-ppes-was-n-kopseer\/","title":{"rendered":"Ramaphosa s\u00ea regering se hantering van Covid-19 goed, maar erken PPE\u2019s was \u2019n kopseer"},"content":{"rendered":"\n
President Cyril Ramaphosa het op navrae oor sy regering se hantering van die die Covid-19-pandemie ges\u00ea dat die saak twee kante het . . . een goeie deel, maar ook \u2019n kant wat \u2019n probleem bly.<\/p>\n\n\n\n
Ramaphosa het tydens \u2019n onlangse ANC-middagete met redakteurs in Sandton gepraat ter herdenking van Swart Woensdag. Op di\u00e9 dag, 19 Oktober, in 1977 het die apartheidsregering onder meer The World<\/em> en Weekend World<\/em> verbied en joernaliste, waaronder Percy Qoboza, destydse redakteur van The World<\/em>, aangehou.<\/p>\n\n\n\n
Ramaphosa het die regering se hantering van die Covid-19-pandemie verdedig, maar toegegee dat die verkryging en verspreiding van persoonlike beskermende toerusting (PPE) nie goed verloop het nie.<\/p>\n\n\n\n
\u201cOns het gesukkel om entstowwe te kry. Ons moes smeek, leen, steel \u2013 wel, ons het nie gesteel nie,\u201d het hy ges\u00ea oor Suid-Afrika se stryd om entstowwe te bekom.<\/p>\n\n\n\n
Hy het Suid-Afrika met die Verenigde Koninkryk vergelyk. \u201cOns het verskeie maatre\u00ebls ingestel, maar hulle het nie . . . Die getal infeksies daar het gestyg, terwyl dit by ons gedaal het. Minder mense het in ons land gesterf, [hoewel] hulle oor meer hulpbronne as ons beskik.\u201d<\/p>\n\n\n\n
Die hantering van PPE was egter \u2019n ander storie, het hy erken.<\/p>\n\n\n\n
\u201cSo, ons het twee stories. Een baie goeie storie oor die hantering van Covid, en een minder goeie storie oor die PPE\u2019s.\u201d<\/p>\n\n\n\n
Bewerings van korrupsie met PPE-kontrakte tydens die pandemie draai steeds in die howe, met vier mense en drie ondernemings wat nog in Augustus in Mpumalanga tereg gestaan het oor \u2019n tender van meer as R5 miljoen.<\/p>\n\n\n\n
Ramphosa het ook vrae beantwoord oor Gwede Mantashe, die nasionale voorsitter, se onlangse uitlatings teenoor \u2019n vroulike joernalis en die ANC se besluit om nie voor die munisipale verkiesing sy burgemeesterskandidate aan te wys nie.<\/p>\n\n\n\n