{"id":337667,"date":"2026-10-05T07:00:00","date_gmt":"2026-10-05T05:00:00","guid":{"rendered":"https:\/\/novanews.co.za\/diepapier\/?p=337667"},"modified":"2026-10-05T05:36:03","modified_gmt":"2026-10-05T03:36:03","slug":"herbou-johannesburg-soos-na-oorlogverwoesting","status":"publish","type":"post","link":"https:\/\/novanews.co.za\/diepapier\/herbou-johannesburg-soos-na-oorlogverwoesting\/","title":{"rendered":"\u2018Herbou Johannesburg soos n\u00e1 oorlogverwoesting\u2019"},"content":{"rendered":"\n

Die afbakening van City Power se inkomste kom te midde van \u2019n ernstige finansi\u00eble en bedryfskrisis by die nutsmaatskappy. Volgens die Centre for Development and Enterprise (CDE) se jongste verslag, \u201cPowering Joburg\u2019s Turnaround\u201d, wat onlangs bekend gemaak is, het City Power se bedryfstekort teen 2025 R4,3 miljard beloop, terwyl sy netto interne oortrokke rekening by die stad teen 31 Maart 2026 tot R19,1 miljard gestyg het.<\/p>\n\n\n\n

Ann Bernstein, die direkteur van die CDE, lewer \u2019n pleidooi in die verslag dat enkele doelgerigte stappe in die regte volgorde gedoen word: \u201cStabiliseer leierskap, beveilig die kontant, stop die bloei\u00adery en hou die ligte aan; vestig ordelikheid sonder skroom en van kritieke belang: dui aan waar die mense en geld vandaan gaan kom.\u201d<\/p>\n\n\n\n

Wayne Duvenage, uitvoe\u00adrende hoof van Outa, s\u00ea Johannesburg is nie noodwendig verby die punt van herstel nie.\n<\/p>\n\n\n\n

Hy vergelyk die moontlik\u00adheid van \u2019n herstel met stede wat in oorlo\u00eb verwoes is en later herbou is. Volgens hom is die voorwaarde dat die stad anders bestuur moet word \u2013 met \u2019n fokus op diensle\u00adwering, professionele bestuur, die uitskakeling van korrupte netwerke en die behoorlike besteding van elke rand wat ingevorder word.<\/p>\n\n\n\n

\u201cEk glo Johannesburg kan reggemaak word,\u201d het hy ges\u00ea.<\/p>\n\n\n\n

Vir Duvenage l\u00ea die oplossing uiteindelik in die manier waarop die stad bestuur word. Hy s\u00ea \u2019n regering wat daarop fokus om die stad in die belang van sy inwoners te bestuur, kan die stelsels en prosesse wat nie werk nie, verander en korrupte netwerke takel.<\/p>\n\n\n\n

Hy meen ook die stad se huidige inkomste is nie noodwendig onvoldoende om herstel moontlik te maak nie. Die uitdaging is eerder hoe daardie geld bestuur en bestee word.\n<\/p>\n\n\n\n

Die nuwe \u00adfinansi\u00eble afbakening gee City Power nou ten minste \u2019n duideliker geldstroom, maar dit skep ook \u2019n nuwe toets.<\/p>\n\n\n\n

As die 70% vinniger en meer voorspelbaar by City Power uitkom, sal inwo\u00adners uiteindelik wil weet wat daarmee gebeur. Die \u00adafbakening kan dus die begin van \u2019n nuwe hoofstuk wees.<\/p>\n\n\n\n