{"id":335877,"date":"2026-09-21T11:00:11","date_gmt":"2026-09-21T09:00:11","guid":{"rendered":"https:\/\/novanews.co.za\/diepapier\/?p=335877"},"modified":"2026-09-21T11:02:00","modified_gmt":"2026-09-21T09:02:00","slug":"burgemeestersbal-help-suidoosterfees-die-gety-vir-jong-kunstenaars-draai","status":"publish","type":"post","link":"https:\/\/novanews.co.za\/diepapier\/burgemeestersbal-help-suidoosterfees-die-gety-vir-jong-kunstenaars-draai\/","title":{"rendered":"Burgemeestersbal help Suidoosterfees die gety vir jong kunstenaars draai"},"content":{"rendered":"\n

Die Suidoosterfees se burgemeestersbal is op Saterdag 19 September by die Lagoon Beach Hotel in Kaapstad aangebied. Vriende, vennote en ondersteuners van die kunstefees het by di\u00e9 stylvolle geleentheid byeengekom om fondse in te samel vir die ondersteuning van kunstenaars in die teaterbedryf, en om skoolkinders wat nog nooit in \u2019n teater was nie, \u2019n eerste ervaring te bied.<\/p>\n\n\n\n

\"Foto:
XL Events het met stylvolle dekor en afronding gehelp om die Suidoosterfees se Burgemeestersbal onvergeetlik te maak. Foto: Natalie Gabriels Photography<\/figcaption><\/figure>\n\n\n\n

By di\u00e9 glansryke geleentheid het Azelia Morkel, die Suidoosterfees se direksievoorsitter, die feesdatums van 2027 aangekondig, asook die feestema: Draai die gety<\/em>. In 2027 sal die fees van 26 April tot 2 Mei vir die 24ste keer in die hart van Kaapstad aangebied word.<\/p>\n\n\n\n

Mnr. Eddie Andrews, Kaapstad se onderburgemeester, het gaste by die bal verwelkom. Hy het sy toespraak begin deur te verwys na die moorde op vroue in Gauteng wat tans die nuus oorheers, en \u2019n beroep op Suid-Afrikaners gedoen om alles in hul vermo\u00eb te doen om die tragiese gety van geslagsgebaseerde geweld te help draai.<\/p>\n\n\n\n

Andrews het meelewing uitgespreek met die moordslagoffers se naastebestaandes en gaste gevra om \u2019n oomblik van stilte te handhaaf. <\/p>\n\n\n\n

\"Eddie
Eddie Andrews, Stad Kaapstad se onderburgemeester.
Foto: Natalie Gabriels Photography <\/figcaption><\/figure>\n\n\n\n

\u201cHulle verlies daag ons almal uit om verder as woorde te gaan en ons opnuut daartoe te verbind om met een stem en onwrikbare vasberadenheid te s\u00ea: Genoeg is genoeg.\u201d<\/p>\n\n\n\n

In sy toespraak het Andrews die Suidoosterfees as veel meer as \u2019n jaarlikse kultuurgeleentheid beskryf. Die fees is \u2019n platform wat werk skep, opkomende talent ontwikkel, Kaapstad se kreatiewe ekonomie versterk en verseker dat die uiteenlopende stories van die stad se mense steeds gehoor word.<\/p>\n\n\n\n

Hy het benadruk dat sterk vennootskappe tussen die regering, sakew\u00eareld, befondsers, gehore en kunstenaars noodsaaklik is om \u2019n kreatiewe sektor te bou waarin talent kan floreer.<\/p>\n\n\n\n

\"By
By die Suidoosterfees se Burgemeestersbal, van links: Akteur Dean Balie, aktrise Bianca Flanders, voormalige rugbyspeler Mark Willard en aktrise en teatermaker Lee-Ann van Rooi. Foto: Natalie Gabriels Photography<\/figcaption><\/figure>\n\n\n\n

Volgens Azelia Morkel dien Stad Kaapstad, een van die Suidoosterfees se hoofborge, se verbintenis tot die kunste as inspirasie en rigtingwyser vir die fees se aktiwiteite. <\/p>\n\n\n\n

Sy het verwys na \u2019n uitspraak van mnr. Geordin Hill-Lewis, Kaapstad se uitvoerende burgemeester, in 2017, toe hy ges\u00ea het dat die Moederstad sal aanhou om in inklusiewe openbare ruimtes te bel\u00ea en fasiliteite beskikbaar te stel vir inisiatiewe wat opkomende kunstenaars bemagtig.<\/p>\n\n\n\n

\"Sibongile
Sibongile Mafu, Kfm-aanbieder, gee haar handtekening aan Hope Zealand van die Suidoosterfees-span. Foto: Natalie Gabriels Photography<\/figcaption><\/figure>\n\n\n\n

\u201cDie Suidoosterfees is in sy wese \u2019n ontmoetingsplek waar generasies, tale, kulture en stories bymekaarkom,\u201d het Morkel ges\u00ea. \u201cOns wil hierop voortbou deur die kunste te gebruik om nuwe gehore te ontwikkel, jongmense deel van ons feeskultuur te maak en deure en geleenthede te open wat nie altyd vir almal toeganklik was nie.\u201d<\/p>\n\n\n\n

Die opbrengs van die burgemeestersbal word aangewend om geleenthede vir opkomende \u00e9n gevestigde kunstenaars te skep. Ontwikkelingsprojekte wat jaarliks deur die fees aangebied word, soos NATi Jong Sterre, die ATKV-Koorkompetisie en die Ho\u00ebrskool Dramafees, sal by die fondsinsameling baat.<\/p>\n\n\n\n

\"In
In gesprek tydens die Suidoosterfees se Burgemeestersbal, van links: Kaapstad se onderburgemeester, Eddie Andrews, Nieu-Seeland se erekonsul, Emma-Jane Ritchie, dr. Prieur du Plessis en Noorwe\u00eb se erekonsul, Geir Telle. Foto: Natalie Gabriels Photography<\/figcaption><\/figure>\n\n\n\n

Gaste by die burgemeestersbal het ook hul beursies oopgemaak vir die fees se Borg \u2019n kind-inisiatief, wat leerders van skole in onderbediende omgewings van die stad in staat stel om SOF Junior, die Suidoosterfees se kinder- en jeugfees, gratis by te woon. Die bedrag wat deur gaste geskenk is, sal 182 leerders in 2027 voorsien van busvervoer \u00e9n toegang tot \u2019n teaterervaring by die Suidoosterfees.<\/p>\n\n\n\n

\"Moegammat
Moegammat Zayd Damon, wat vroe\u00ebr vanjaar uitstekend presteer het in die Suidoosterfees se Talentkompetisie, het gaste by die Burgemeestersbal se harte met sy sangtalent gesteel. Foto: Natalie Gabriels Photography <\/figcaption><\/figure>\n\n\n\n

Tydens die bal is gaste deur feeskunstenaars soos Moegammat Zayd Damon, Daniel Anderson en Die Papier Familie-orkes vermaak. Studente van Dance for All het ook opgetree voordat gaste die dansvloer kon betree. Die akteur Dean John Smith was die seremoniemeester.<\/p>\n\n\n\n

\"Seremoniemeester
Seremoniemeester Dean John Smith het gesorg dat die aand vlot verloop \u2013 met Lanzerac-wyn wat bygedra het tot die feestelike atmosfeer van die Suidoosterfees se Burgemeestersbal. Foto: Natalie Gabriels Photography<\/figcaption><\/figure>\n\n\n\n

Anderson vertrek binnekort na die Verenigde State as deel van \u2019n nuwe internasionale samewerking tussen die Suidoosterfees en die National Theater Institute. Di\u00e9 projek sal uiteindelik jong kunstenaars uit die Oos-Kaap en New York vir \u2019n nuwe produksie by die 2027-fees byeenbring en sluit aan by die fees se fokus op talentontwikkeling en die skep van nuwe geleenthede.<\/p>\n\n\n\n

\"Greigan
Greigan Mentoor Papier, Kiruna-Lind Devar en Daniel Anderson het tydens die Suidoosterfees se Burgemeestersbal gaste vermaak. Anderson vertrek binnekort na die Verenigde State as deel van die Suidoosterfees se nuwe internasionale samewerking met die National Theater Institute. Foto: Natalie Gabriels Photography <\/figcaption><\/figure>\n\n\n\n

Benewens die besoekers uit New York, sal die Suidoosterfees ook \u2019n Kanadese dansgeselskap by die fees verwelkom. Di\u00e9 inisiatiewe sluit aan by mnr. Eddie Andrews se wens tydens sy toespraak dat die Suidooster sal aanhou waai. <\/p>\n\n\n\n

\u201cMag hy aanhou om nuwe stemme, nuwe idees en nuwe talent na ons verho\u00eb te bring,\u201d het hy aan gaste ges\u00ea.<\/p>\n\n\n\n