{"id":335083,"date":"2026-09-17T11:00:00","date_gmt":"2026-09-17T09:00:00","guid":{"rendered":"https:\/\/novanews.co.za\/diepapier\/?p=335083"},"modified":"2026-09-17T10:26:25","modified_gmt":"2026-09-17T08:26:25","slug":"kolbe-opgewonde-om-weer-in-kaapstad-uit-te-draf-elke-speler-het-n-doel-en-wil-in-verskeie-ligas-speel","status":"publish","type":"post","link":"https:\/\/novanews.co.za\/diepapier\/kolbe-opgewonde-om-weer-in-kaapstad-uit-te-draf-elke-speler-het-n-doel-en-wil-in-verskeie-ligas-speel\/","title":{"rendered":"Kolbe opgewonde om weer in Kaapstad uit te draf: \u2018Elke speler het \u2019n doel en wil in verskeie ligas speel\u2019"},"content":{"rendered":"\n

Die Verenigde Rugbykampioenskap (vRK) vir die 2026\/27-seisoen skop binnekort af. Stormers-afrigter John Dobson se span het herbou en herlaai met \u2019n duidelike doel, en die Kaapse ondersteuners het alle rede om te glo dat di\u00e9 groep saamgestel is om trofe\u00eb te wen.<\/p>\n\n\n\n

Groot name vir die Streeptruie Salmaan Moerat, Ruben van Heerden, Dan du Plessis en Suleiman Hartzenberg, wat laasgenoemde by die Sharks aansluit vir \u2019n wyle, is van die opvallende afwesiges by DHL-stadion hierdie seisoen.<\/p>\n\n\n\n

Maar vir \u2019n rugbyunie met die Stormers se diepte en ambisie is dit bloot \u2019n hindernis op die pad en nie \u2019n doodloopstraat nie.<\/p>\n\n\n\n

Projek 2029 kry sy sterspelers<\/h2>\n\n\n\n

Die terugkeer van Siya Kolisi, Wilco Louw en Cheslin Kolbe is geen toeval nie. Dit vorm die hart van die Stormers se ambisieuse Projek 2029-inisiatief. Kolisi het in Julie vanaf die Sharks teruggekeer en bring onskatbare leierskap sowel as \u2019n magdom Springbok-ervaring saam.<\/p>\n\n\n\n

Louw, \u2019n kragstasie op vaskopstut, voeg n\u00f3g meer staal by \u2019n skrum wat reeds een van die mees gevreesde in die VRK was. En dan is daar Kolbe, die man wat Kaapstad in 2017 as \u2019n opkomende ster verlaat het en nou as w\u00eareldkampioen terugkeer, nege jaar wyser en meer honger as ooit tevore.<\/p>\n\n\n\n

Saam met spelers soos Sacha Feinberg-Mngomezulu, Cobus Reinach, Ntuthuko Mchunu en Damian Willemse lyk dit na \u2019n groep wat in staat is om weer die beker eindelik huis toe kan bring.<\/p>\n\n\n\n

\"Cheslin
Cheslin Kolbe tydens \u2019n wedstryd teel Itali\u00eb. Foto: Facebook.<\/figcaption><\/figure>\n\n\n\n

Kolbe praat reguit<\/h2>\n\n\n\n

Kolbe (32) het tydens die Greatest Rivalry-reeks teen die All Blacks op die Brendan Nel<\/em>-YouTube-kanaal openhartig oor sy terugkeer gepraat.<\/p>\n\n\n\n

\u201cEk is beslis opgewonde om terug te wees in Kaapstad waar alles vir my begin het. Die besluit was eenvoudig. My vrou en kinders was in Kaapstad terwyl ek in Japan was. Dit was moeilik om van hulle af weg te wees, en ek het gevoel die tyd is reg om huis toe te kom.<\/p>\n\n\n\n

\u201cOm weer \u2019n geleentheid by die Stormers te kry, maak my ongelooflik dankbaar, want daar is tans soveel uitstekende jong spelers in die groep.\u201d<\/p>\n\n\n\n

Sy loopbaanpad deur Toulouse, Toulon en Tokyo Suntory Sungoliath is iets wat hy koester, maar die trekkrag van die huis het nooit verdwyn nie.<\/p>\n\n\n\n

Hy was ewe eerlik oor waarom dit aanvanklik nodig was om oorsee te gaan speel.<\/p>\n\n\n\n

\u201cElke speler het \u2019n doel en wil in verskillende kompetisies en ligas speel, en Japan was beslis een van die plekke wat ek wou ervaar. Om daar te kon speel, was uniek en besonders op sy eie manier. Maar dit was moeilik om weg van my vrou en kinders te wees en die klein oomblikke in hul lewens mis te loop.\u201d<\/p>\n\n\n\n

\n