{"id":334962,"date":"2026-09-16T14:55:33","date_gmt":"2026-09-16T12:55:33","guid":{"rendered":"https:\/\/novanews.co.za\/diepapier\/?p=334962"},"modified":"2026-09-16T14:55:36","modified_gmt":"2026-09-16T12:55:36","slug":"genoeg-is-genoeg-woede-neem-toe-oor-kempton-park-slagoffers","status":"publish","type":"post","link":"https:\/\/novanews.co.za\/diepapier\/genoeg-is-genoeg-woede-neem-toe-oor-kempton-park-slagoffers\/","title":{"rendered":"\u2018Genoeg is genoeg\u2019: Woede neem toe oor Kempton Park-slagoffers"},"content":{"rendered":"\n

Burgerlike organisasies, politieke partye en gemeenskapslede het saamgespan om dringende optrede van wetstoepassingsowerhede te eis n\u00e1 die ontdekking van agt vroueliggame in en om Kempton Park. Baie verklaar dat \u201cgenoeg genoeg is\u201d in die stryd teen geslagsgeweld en vrouemoord.<\/p>\n\n\n\n

Die ontdekking van die agtste liggaam op Dinsdag het die druk op die regering verhoog om die veiligheid van vroue as \u2019n nasionale noodtoestand te hanteer. Organisasies verwerp wat hulle as le\u00eb beloftes en uitgestelde optrede bestempel.<\/p>\n\n\n\n

\u2018Vroue behoort nie hul vryheid prys te gee nie\u2019<\/h2>\n\n\n\n

Die Motorindustrie Personeelvereniging (Misa) was een van die mees uitgesproke organisasies in sy veroordeling van die moord op Elizabeth \u201cTsontso\u201d Moselakgomo, wie se identiteit Maandag amptelik bevestig is.<\/p>\n\n\n\n

\u201cMisa is meer as net ontsteld. Ons is kwaad. Ons is woedend dat vroue steeds verkrag, aangerand en vermoor word terwyl hulle bloot probeer om hul lewens te leef. \u2019n Vrou het gaan draf en nooit na haar kind teruggekeer nie,\u201d het Martl\u00e9 Keyter, Misa se hoof uitvoerende beampte vir bedrywighede, ges\u00ea.<\/p>\n\n\n\n

Keyter het bevraagteken watter boodskap aan Suid-Afrikaanse vroue gestuur word.<\/p>\n\n\n\n

\u201cVroue word nou gewaarsku om nie alleen te stap of te draf nie. Wat s\u00ea ons vir Suid-Afrikaanse vroue? Bly binnenshuis? Moenie oefen nie? Moenie werk toe stap nie? Moenie n\u00e1 donker reis nie? Vroue behoort nie hul vryheid te hoef prys te gee omdat misdadigers beheer van ons strate oorgeneem het nie.\u201d<\/p>\n\n\n\n

Net meer as twee weke gelede, aan die einde van Vrouemaand, het Misa verklaar dat Suid-Afrika die oorlog teen geslagsgeweld en vrouemoord verloor het nadat die minister van polisie, Firoz Cachalia, misdaadstatistieke bekend gemaak het wat toon dat 11 532 seksuele misdrywe, insluitend 9 201 verkragtings, binne slegs drie maande aangemeld is.<\/p>\n\n\n\n

\u201cVandag spook daardie woorde by ons. Elizabeth Moselakgomo het nog \u2019n naam, nog \u2019n statistiek en nog \u2019n verwoeste familie geword. \u2019n Agtjarige kind sal sonder sy moeder grootword. Dit kan nie die norm in Suid-Afrika word nie,\u201d het Keyter ges\u00ea.<\/p>\n\n\n\n

Misa het ge\u00ebis dat dringende, voldoende befondsde en intelligensiegedrewe polisi\u00ebring in Kempton Park en omliggende gebiede ingestel word.<\/p>\n\n\n\n

\u201cOns wil nie n\u00f3g \u2019n aankondiging hoor nie. Ons wil nie n\u00f3g \u2019n belofte h\u00ea nie. Ons wil h\u00ea die persoon of persone wat hiervoor verantwoordelik is, moet opgespoor, gearresteer, vervolg en van ons strate verwyder word. Vroue behoort nie tussen vryheid en oorlewing te hoef kies nie.\u201d<\/p>\n\n\n\n