{"id":334644,"date":"2026-09-14T14:07:41","date_gmt":"2026-09-14T12:07:41","guid":{"rendered":"https:\/\/novanews.co.za\/diepapier\/?p=334644"},"modified":"2026-09-14T14:07:43","modified_gmt":"2026-09-14T12:07:43","slug":"5de-vrou-se-liggaam-naby-kempton-park-gevind-terwyl-familie-vermiste-drawwer-uitken","status":"publish","type":"post","link":"https:\/\/novanews.co.za\/diepapier\/5de-vrou-se-liggaam-naby-kempton-park-gevind-terwyl-familie-vermiste-drawwer-uitken\/","title":{"rendered":"5de vrou se liggaam naby Kempton Park gevind terwyl familie vermiste drawwer uitken"},"content":{"rendered":"\n

Die vyfde liggaam van \u2019n vrou is Maandagoggend in Olifantsfontein, naby Kempton Park, ontdek, net twee dae nadat die polisie \u2019n multidissiplin\u00eare ondersoek van stapel gestuur het na die dood van vier vroue wat tussen Julie en September in die gebied gevind is.<\/p>\n\n\n\n

Die jongste ontdekking kom terwyl die familie van die vermiste drawwer, Elizabeth Mokolo Moselakgomo (38), die lykhuis in Germiston besoek het om die vierde liggaam, wat Saterdag gevind is, uit te ken.<\/p>\n\n\n\n

Moselakgomo, wat deur haar geliefdes as \u201cTsontso\u201d geken is, het op 9 September verdwyn nadat sy haar huis in Rhodesfield verlaat het vir \u2019n middag-draf tussen 17:30 en 18:30. Haar agtjarige dogter, wat sy alleen tuis gelaat het, het bekommerd geraak toe haar ma nie daardie aand terugkeer nie.<\/p>\n\n\n\n

\u2019n Verbyganger op pad werk toe het Maandagoggend die onbekende vrou langs die pad in Olifantsfontein aangetref en die polisie ontbied. Polisiewoordvoerder brigadier Athlenda Mathe het ges\u00ea die polisie vermoed die vrou is tussen Sondagaand en Maandagoggend daar agtergelaat.<\/p>\n\n\n\n

\"Elizabeth
Elizabeth \u2018Tsontso\u2019 Moselakgomo word vermis sedert sy op 9 September vir \u2019n middag-draf gaan het.<\/figcaption><\/figure>\n\n\n\n

Die grusame ontdekking versterk die toenemende kommer in die Kempton Park-gemeenskap nadat die waarnemende Gautengse polisiekommissaris, genl.maj. Fred Kekana, die media Sondag, 13 September, toegespreek het oor die vier vorige liggame wat onder soortgelyke omstandighede naby die R21 en in Rhodesfield gevind is.<\/p>\n\n\n\n

Vier vorige liggame ontdek<\/h2>\n\n\n\n

Die eerste slagoffer, \u2019n vrou (37), is op 15 Julie naby die R21 gevind. Sy was kaal en haar hande was vasgemaak. \u2019n Verdagte is twee dae later, op 17 Julie, in hegtenis geneem en bly in aanhouding terwyl die ondersoek voortduur.<\/p>\n\n\n\n

\u2019n Tweede vrou (32) is op 24 Augustus gedeeltelik geklee naby die R21 aangetref. Die derde slagoffer, wie se identiteit steeds onbekend is, is op 10 September in \u2019n gevorderde stadium van ontbinding ontdek.<\/p>\n\n\n\n

Die vierde liggaam, ook di\u00e9 van \u2019n vrou (38), is Saterdag 12 September agter \u2019n hotel in Rhodesfield gevind. Sy het sportklere aangehad en was gedeeltelik geklee.<\/p>\n\n\n\n