{"id":334034,"date":"2026-09-17T10:05:22","date_gmt":"2026-09-17T08:05:22","guid":{"rendered":"https:\/\/novanews.co.za\/diepapier\/?p=334034"},"modified":"2026-09-17T10:05:27","modified_gmt":"2026-09-17T08:05:27","slug":"die-kinderfonds-n-toekoms-vol-hoop","status":"publish","type":"post","link":"https:\/\/novanews.co.za\/diepapier\/die-kinderfonds-n-toekoms-vol-hoop\/","title":{"rendered":"Die Kinderfonds: \u2019n Toekoms vol hoop"},"content":{"rendered":"\n

Toe Anna* op 16 jaar in pleegsorg geplaas is, het sy nie geweet hoe haar toekoms sou lyk nie. Vandag, drie jaar later, is sy \u2019n eerstejaar-onderwysstudent met haar rybewys in die sak en \u2019n hart vol dankbaarheid vir die mense wat haar ondersteun het.<\/p>\n\n\n\n

Anna s\u00ea die stelsel waarin sy grootgeword het, het haar nie net \u2019n veilige plek gebied nie, maar ook geleenthede gegee wat sy moontlik nie andersins sou gehad het nie.<\/p>\n\n\n\n

\u201cEk is passievol oor die lewe en probeer altyd ander mense help, soos die stelsel my gehelp het,\u201d s\u00ea sy.<\/p>\n\n\n\n

Een van die grootste geskenke wat sy in haar tyd in pleegsorg gekry het, is die mense wat deel van haar lewe geword het. \n<\/p>\n\n\n\n

\u201cEk het in die tydperk wat ek ingekom het, tien broers gekry vir wie ek baie lief is en waarvoor ek baie dankbaar is.\u201d<\/p>\n\n\n\n

\"Die<\/figure>\n\n\n\n

Anna beskryf ook hoe sy, toe dinge emosioneel moeiliker begin raak het, onmiddellik ondersteuning gekry het. \u201cDie mense om my het my dadelik bygestaan en my gehelp met die sielkundige hulp wat ek nodig gehad het.\u201d<\/p>\n\n\n\n

Otto Viljoen, hoofbestuurder van die Diakonale Pleegsorg (DPS)-huise, waarin Anna was, s\u00ea die doel van die program is om kinders wat uit besonder traumatiese omstandighede kom, so \u2019n normale gesinslewe as moontlik te bied.<\/p>\n\n\n\n

\u201cOns fokus spesifiek op erg getraumatiseerde kinders,\u201d verduidelik Viljoen. Kinders word deur maatskaplike organisasies ge\u00efdentifiseer en kan daarna in een van die DPS-huise geplaas word.<\/p>\n\n\n\n

Elke huis word as \u2019n familie bestuur, met \u2019n pleegma, pleegpa en gewoonlik ses kinders.<\/p>\n\n\n\n

Die kinders gaan skool, neem deel aan kerkaktiwiteite en word volgens hul individuele behoeftes ondersteun.\n<\/p>\n\n\n\n

\u00adViljoen s\u00ea die huise is doelbewus onopvallend.\n<\/p>\n\n\n\n

\u201cOns huise is glad nie gemerk nie. Dit is \u2019n gewone huis in \u2019n gewone woonbuurt. Enigiemand wat daar verbyry, sal nie eens weet dis \u2019n pleeghuis nie.\u201d<\/p>\n\n\n\n

Daar is tans vyf huise in Gauteng en Noordwes, met sowat 30 kinders wat versorg word. \n<\/p>\n\n\n\n

Die doel is om kinders so lank moontlik te ondersteun, selfs nadat hulle 18 jaar oud geword het. \n<\/p>\n\n\n\n

\u201cJy bly deel van die familie so lank as wat jy wil deel bly,\u201d s\u00ea Viljoen.<\/p>\n\n\n\n

Vir Anna beteken dit dat haar verhaal nie by haar verlede eindig nie. Sy kyk vorentoe na \u2019n loopbaan waarin sy self \u2019n verskil in kinders se lewe kan maak.<\/p>\n\n\n\n

Die Kinderfonds<\/a> speel ook \u2019n rol in die groter netwerk van ondersteuning vir kinders in nood. Die onafhanklike, nie-winsgewende fonds samel geld in om kinders en programme wat hulle ondersteun, te help en fokus op hul ontwikkeling na liggaam, siel en gees.<\/p>\n\n\n\n

Vir kinders soos Anna is sulke ondersteuning uiteindelik meer as net \u2019n dak oor hul kop.<\/p>\n\n\n\n

Dit kan die begin wees van \u2019n nuwe hoofstuk, een waarin \u2019n moeilike verlede nie noodwendig \u2019n kind se toekoms bepaal nie.<\/p>\n\n\n\n

Besoek diekinderfonds.co.za<\/a> vir meer inligting.<\/p>\n\n\n\n